କନକ ବ୍ୟୁରୋ: ହଠାତ ବଦଳିଯାଇଛି ଚେହେରା । ସାମ୍ନାକୁ ଆସିଛି ଏମିତି କିଛି ଫଟୋ ଓ ଭିଡିଓ ଯେଉଁଥିରେ ତାଙ୍କୁ ଚିହ୍ନିବା ମଧ୍ୟ ମୁସ୍କିଲ ହେଉଛି । କର୍କଟରୋଗରେ ପୀଡିତ ହେବା ପରେ ଇଏ ହେଉଛି ବଲିଉଡର ଲୋକପ୍ରିୟ ଓ ଜଣାଶୁଣା ଅଭିନେତ୍ରୀ ମହିମା ଚୌଧୁରୀଙ୍କ ପ୍ରଥମ ଭିଡିଓ । ବିଦେଶରେ ତାଙ୍କର ଚିକିତ୍ସା ଚାଲିଥିବାବେଳେ ଏବେ ସାମ୍ନାକୁ ଆସିଛି ଅଭିନେତ୍ରୀଙ୍କ ସଂର୍ଘଷର ସମୟର ଏହି ପ୍ରଥମ ଭିଡିଓ । ଜୀବନର ନୂଆ ସଂର୍ଘଷ କିଭଳି ରହିଛି ଏହି କଥାକୁ ନିଜେ ବଖାଣିଛନ୍ତି ମହିମା
Kanak News is now on WhatsApp
Join and get latest news updates delivered to you via WhatsApp
ବଲିଉଡ କଳାକାର ଅନୁପମ ଖେର ମହିମାଙ୍କ ଅସୁସ୍ଥତାର ଖବରର ସୂଚନା ଦେଇଛନ୍ତି । ମହିମାଙ୍କ ଚିକିତ୍ସା ଆମେରିକାରେ ଚାଲିଥିବାବେଳେ ସେଠାରେ ପହଁଞ୍ଚି ତାଙ୍କ ହାଲଚାଲ ପଚାରି ବୁଝିଥିଲେ ଅନୁପମ । ଏଥିସହ କ୍ୟାନସର ବିରୋଧରେ ମହିମା କରୁଥିବା ଲଢେଇକୁ ନେଇ ଅନୁପମ ଏକ ଭିଡିଓ ଜାରି କରିଛନ୍ତି । ସୋସିଆଲ ମିଡିଆରେ ଏହି ଭିଡିଓ ଅପଲୋଡ ହେବା ପରେ ନିଆଁ ବେଗରେ ବ୍ୟାପିଛି । ମହିମାଙ୍କ ଅସୁସ୍ଥତା ସମ୍ବନ୍ଧରେ ଜାଣିବା ପରେ ପ୍ରଶଂସକଙ୍କମାନେ ପ୍ରିୟ ଅଭିନେତ୍ରୀଙ୍କ ଆଶୁ ଆରୋଗ୍ୟ କାମନା କରୁଛନ୍ତି ।
ପରଦେଶ ଫିଲ୍ମରୁ ବଲିଉଡ କ୍ୟ।।ରିୟର ଆରମ୍ଭ କରିଥିବା ମହିମା ନିଜର ଅଭିନୟ ସୌନ୍ଦର୍ଯ୍ୟ ପାଇଁ ପ୍ରଶଂସକଙ୍କ ଗହଣରେ ଏକ ସ୍ୱତନ୍ତ୍ର ସ୍ଥାନ ବନାଇପାରିଛନ୍ତି । ବଲିଉଡରେ ଏମିତି ଅନେକ ଉଦାହରଣ ରହିଛି ଯେଉଁଥିରେ କଳାକାରମାନେ କ୍ୟାନସର ରୋଗରେ ପୀଡିତ ହେବା ପରେ ଏହାକୁ ମାତ ଦେଇ ବର୍ତମାନ ସ୍ୱାଭାବିକ ଜୀବନ କାଟୁଛନ୍ତି । ସେଥିମଧ୍ୟରେ ରହିଛନ୍ତି ମନିଷ କୋଇରାଲା ଓ ସୋନାଲି ବେନ୍ଦ୍ରେଙ୍କ ପରି ଜଣାଶୁଣା ନାଁ