‘ବିବାହ କଥା କହିବାରୁ ପ୍ରେମିକ ଖୁବ୍ ମାରିଥିଲେ’ । ଲିଭ୍ ଇନ୍ ରିଲେସନକୁ ନେଇ ଛାତିଥରା ଅନୁଭୂତି ବଖାଣିଲେ ଅଭିନେତ୍ରୀ
କନକ ବ୍ୟୁରୋ: ଏବେ ସାରା ଦେଶରେ ଜୋର ଧରିଛି ଶ୍ରଦ୍ଧା ଓ ଆଫତାବଙ୍କ ଖବର । ପ୍ରତିଦିନ ଆସୁଛି ଶ୍ରଦ୍ଧାଙ୍କୁ ହତ୍ୟା ଘଟଣାର ନୂଆ ନୂଆ ତଥ୍ୟ । ଏହାକୁ ଦେଖି ଏହି ଘଟଣାକୁ ନିଜ ଜୀବନର ଏକ ଅନୁଭୂତି ସହ ତୁଳନା କରିଛନ୍ତି ସାଉଥ୍ ଅଭିନେତ୍ରୀ ତଥା ‘ଦିୟା ଔର ବାତି’ ଶୋ’ ଫେମ୍ ଆକ୍ଟ୍ରେସ୍ କନିଷ୍କା ସୋନି । ଶ୍ରଦ୍ଧା ବାଲକରଙ୍କ ହତ୍ୟା ଖବରକୁ ନେଇ ଦୁଃଖ ପ୍ରକାଶ କରିଛନ୍ତି କନିଷ୍କା । ଏହି ଘଟଣାକୁ ନିଜ ଜୀବନରେ ଘଟିଯାଇଥିବା ଏକ ଘଟଣାକୁ ତୁଳନା କରିଛନ୍ତି । ଆଫତାବ୍ ଭଳି ଜଣେ ମାନସିକ ବିକୃତ ମଣିଷର ଦୌରାତ୍ମ୍ୟର ଶିକାର ହୋଇଥିବା କହିଛନ୍ତି କନିଷ୍କା ।
Kanak News is now on WhatsApp
Join and get latest news updates delivered to you via WhatsApp
କନିଷ୍କାଙ୍କ କହିବା ମୁତାବକ, ପୂର୍ବରୁ ସେ ଜଣେ ଏପରି ପୁଅକୁ ଭଲ ପାଉଥିଲେ, ଯିଏ ସବୁବେଳେ ତାଙ୍କ ସହ ଲିଭ ଇନ୍ ରିଳେସନରେ ରହିବାକୁ ଚାହୁଁଥିଲା । ହେଲେ ତାଙ୍କୁ କନିଷ୍କା ନିସର୍ତ୍ତ ଭଲପାଉଥିବାରୁ ତାଙ୍କର ଅନେକ ଜିଦିକୁ ସହିନେଉଥିଲେ ବି ଲିଭ ଇନ ରିଲେସନକୁ ଗ୍ରହଣ କରିପାରୁନଥିଲେ । ବରଂ ପ୍ରେମିକର ଘରେ ରହି ତାଙ୍କର ଯତ୍ନ ନେଉଥିଲେ । ଆଶା ରଖୁଥିଲେ ବୋଧହୁଏ ବିବାହ ପରେ ପରିସ୍ଥିତି ସୁଧୁରିଯିବ । ହେଲେ ପରିସ୍ଥିତି ଓଲଟା ହେଲା । ଦିନେ ପ୍ରେମିକକୁ ବିବାହ କରିବାକୁ କହିବାରୁ ପ୍ରେମିକ ତାଙ୍କୁ ନିସ୍ତୁକ ମାଡ ମାରିଥିଲେ । ଯେ କୌଣସି ସମୟରେ ତାଙ୍କୁ ହତ୍ୟା କରାଯାଇପାରେ ବୋଲି ଆଶଙ୍କା କରି ପ୍ରେମିକ ଘରୁ ଲୁଚି ପଳାଇଆସିଥିଲେ । ଆଉ କାହାରିକୁ ବିବାହ ନକରି ବରଂ ନିଜେ ନିଜ ସହ ଖୁସିରେ ବଞ୍ଚିବାକୁ ନିଷ୍ପତ୍ତି ନେଇଥିଲେ ।