କନକ ବ୍ୟୁରୋ: ମୁମ୍ବାଇ କ୍ରୁଜ ଡ୍ରଗ୍ସ ମାମଲାରେ ଏବେ ଏନସିବି ରାଡାରରେ ଅଭିନେତ୍ରୀ ଅନନ୍ୟା ପାଣ୍ଡେ । ଏହି ଘଟଣାରେ ସମ୍ପୃକ୍ତ ବଲିଉଡ ଆକ୍ଟର ଶାହାରୁଖଙ୍କ ପୁଅ ଆରୟନଙ୍କ ସହ ଚ୍ୟାଟିଙ୍ଗକୁ ନେଇ ଅନନ୍ୟାଙ୍କୁ ଚାଲିଛି ଜେରା । ପ୍ରଥମେ ଘରକୁ ଯାଇ ଜେରା କରିବା ପରେ ଶୁକ୍ରବାର ଅନନ୍ୟାଙ୍କୁ ଜେରା ପାଇଁ ଏନସିବି ଅଫିସକୁ ଡକାଯାଇଥିଲା ।ହେଲେ ୩ ଘଣ୍ଟା ବିଳମ୍ବରେ ପହଞ୍ଚିଥିଲେ ଅନନ୍ୟା । ଏଥିରେ ରାଗିଯାଇ ତାଙ୍କୁ କଡା କଥା କହିଥିଲେ ଏନସିବିର ଜୋନାଲ ଡାଇରେକ୍ଟର ସମୀର ୱାଙ୍ଖଡେ ।
Kanak News is now on WhatsApp
Join and get latest news updates delivered to you via WhatsApp
କଥା ହେଉଛି ଡ୍ରଗ୍ସ ମାମଲାରେ ଆରୟନଙ୍କ ସହ ଅନନ୍ୟାଙ୍କ ହ୍ୱାଟ୍ସଆପ ଚ୍ୟାଟ ମିଳିବା ପରେ ଅନନ୍ୟାଙ୍କ ସମସ୍ୟା ବଢିଯାଇଛି । ଏନେଇ ଆହୁରି ଖୋଳତାଡ କରିବାକୁ ଶୁକ୍ରବାର ଏନସିବି ଅଫିସରେ ପହଞ୍ଚିବାକୁ ତାଙ୍କୁ ସମନ ହୋଇଥିଲା । ଏନସିବି ସକାଳ ୧୧ଟା ସମୟ ଦେଇଥିଲେ ବି ଅନନ୍ୟା ୩ ଘଣ୍ଟା ବିଳମ୍ବରେ ପହଞ୍ଚିଥିଲେ । ଅନନ୍ୟାଙ୍କ ଏପରି ବେପରୁଆ କାମ ସମୀର ୱାଙ୍ଖଡେଙ୍କୁ ଆଦୌ ପସନ୍ଦ ଆସିନଥିଲା । ରାଗିଯାଇ କହିଥିଲେ’ ଆପଣଙ୍କୁ ୧୧ଟା ବେଳେ ପହଞ୍ଚିବାକୁ ନୋଟିସ୍ ହୋଇଥିଲା, ହେଲେ ଆପଣ ଏବେ ଆସୁଛନ୍ତି । ଏଠି ଅଧିକାରୀମାନେ ଆପଣଙ୍କ ଅପେକ୍ଷାରେ ବସିନାହାଁନ୍ତି । ଇଏ ଆପଣଙ୍କ ପ୍ରଡକ୍ସନ୍ ହାଉସ୍ ନୁହେଁ ଯେ ଯେତେବେଳେ ଇଚ୍ଛା ଆସିବେ ଆଉ ଯିବେ । ଏହା ସେଣ୍ଟାଲ ଏଜେନ୍ସିର କାର୍ଯ୍ୟାଳୟ । ଯେଉଁ ସମୟରେ ଡକାଯିବ ଠିକ୍ ସେହି ସମୟରେ ଆସି ପହଞ୍ଚନ୍ତୁ’ ।
କହିରଖୁଁ କି, ଆରୟନଙ୍କ ଗିରଫ ପରେ ଅନନ୍ୟାଙ୍କ ହ୍ୱାଟ୍ସଆପ୍ ଚ୍ୟାଟିଙ୍ଗକୁ ଅନେକ ପ୍ରଶ୍ନ ଉଠୁଛି । ଦୁହିଁଙ୍କ ମଧ୍ୟରେ ଥିବା ସମ୍ପର୍କ ଓ ଏମାନଙ୍କ ମଧ୍ୟରେ ଡ୍ରଗ୍ସ କାରବାର ଥିଲା କି ନାହିଁ ଏନେଇ ଖୋଳତାଡ ଆରମ୍ଭ କରିଛି ଏନସିବି, ଯାହାକୁ ନେଇ ଅନନ୍ୟାଙ୍କୁ ଦୁଇଥର ଜେରା କରିସାରିଲାଣି ଏନସିବି । ଶୁକ୍ରବାର ୪ ଘଂଟା ଧରି ଜେରା କରିବା ପରେ ପୁଣିଥରେ ଆସନ୍ତା ସୋମବାର ଜେରା କରିବାକୁ ସମନ ହୋଇଥିବା ଜଣାପଡିଛି ।
ତେବେ ଦୁହିଁଙ୍କ ମଧ୍ୟରେ ଗଂଜେଇ ବାବଦରେ ଚ୍ୟାଟିଂ ହୋଇଥିଲେ ବି ଏହାକୁ ଏଡାଇଥିଲେ ଅନନ୍ୟା । କହିଥିଲେ ସେ କେବଳ ଆରୟନଙ୍କ ସହ ମଜା କରୁଥିଲେ । ହେଲେ ଏହାକୁ ଏତେ ସହଜରେ ଗ୍ରହଣ କରିପାରୁ ନାହିଁ ଏନସିବି । ଡ୍ରଗ୍ସ କାରବାର ଘଟଣାରେ କୌଣସି ଅନ୍ତର୍ଜାତୀୟ ସ୍ତରରେ ଆରୟନଙ୍କ ସହ ଅନନ୍ୟାଙ୍କର ମଧ୍ୟ ସମ୍ପୃକ୍ତି ରହିଥିବା ଆଶଙ୍କା କରି ଜେରା ଜାରି ରଖିଛି ଏନସିବି ।
ଯେଉଁ ଚ୍ୟାଟ୍ସକୁ ଆଧାର କରି ଅନନ୍ୟା ପାଣ୍ଡେଙ୍କୁ ତଦନ୍ତ ପରିସର ଭୁକ୍ତ କରାଯାଇଛି, ତାହାକୁ ନେଇ ଚର୍ଚ୍ଚା ଜୋର ହେବାରେ ଲାଗିଛି । ଜାତୀୟ ଗଣମାଧ୍ୟମର ସୂଚନା ଅନୁସାରେ ଆରୟନ ଖାନଙ୍କ ଠାରୁ ଡ୍ରଗ୍ସ ପେଡଲରଙ୍କ ନମ୍ବର ନେଇଥିଲେ ଅନନ୍ୟା । ଦୁହିଁଙ୍କ ଭିତରେ ଗଂଜେଇ ସେବନ ନେଇ ମଧ୍ୟ ହୋଇଥିଲା ଆଲୋଚନା । ୨୦୧୮-୧୯ରେ ଗଂଜେଇ ସେବନ ନେଇ ଦୁହିଁଙ୍କ ଭିତରେ ହୋଇଥିଲା ଆଲୋଚନା ।