କନକ ବ୍ୟୁରୋ : ୧୦୦ କୋଟି ଟଙ୍କା ଅର୍ଥ ହେରଫେର ମାମଲାରେ ଜଣାଶୁଣା ବଲିଉଡ ଅଭିନେତା ତଥା ମୁମ୍ବାଇର ବ୍ୟବସାୟୀ ସଚିନ ଜୋସିଙ୍କୁ ଗିରଫ୍ କରିଛି ପ୍ରବର୍ତ୍ତନ ନିର୍ଦ୍ଦେଶାଳୟ । ମୁମ୍ବାଇର ପ୍ରତିଷ୍ଠିତ ବିଲ୍ଡର କମ୍ପାନୀ ଓମକାର ଡେଭଲପରର ବ୍ୟବସାୟରେ ୧୦୦ କୋଟି ଟଙ୍କା ହେରଫେର ନେଇ ପ୍ରବର୍ତ୍ତନ ନିର୍ଦ୍ଦେଶାଳୟ ସଚିନଙ୍କୁ ୨ ଦିନ ହେବ ଜେରା କରୁଥିଲା । ଏନେଇ ପୋଲିସ ପକ୍ଷରୁ ଜୋସୀଙ୍କ ବିରୋଧରେ ଅର୍ଥ ହେରଫେର ନିବାରଣ ଆଇନ ଅନୁସାରେ ବିଭିନ୍ନ ଧରା ଲଗାଇ କୋର୍ଟରେ ହାଜର କରିଛି । ଅନ୍ୟପଟେ ଇନକମଟ୍ୟାକ୍ସ ବିଭାଗ ବି ସଚିନ ଘରେ ଚଢାଉ କରିଥିବା ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
୨୦୨୦ ମସିହା ମାର୍ଚ୍ଚ ମାସରେ ଓମକାର ଗ୍ରୁପ ବିରୋଧରେ ଔରଙ୍ଗାବଦ ପୋଲିସ ଅର୍ଥ ହେରଫେର ମାମଲା ରୁଜୁ କରିଥିଲା । ଅଭିଯୋଗ ଥିଲା କି ଓମକାର ଗ୍ରୁପ୍ ପୂର୍ବରୁ କିଛି କମ୍ପାନୀ ମାନଙ୍କ ଠାରୁ ଋଣ ଆଣି ତାହାକୁ ଫେରସ୍ତ କରି ନଥିଲା । ଏହି ସବୁ ମାମଲାରେ ସଚିନ ଜୋସୀଙ୍କ ସଂପୃକ୍ତି ଥିବା ପୋଲିସ ଜାଣିବାକୁ ପାଇଥିଲା ।
କହିରଖୁ କି ପଳାତକ ଘୋଷିତ ବିଜୟ ମାଲ୍ୟାଙ୍କ କିଙ୍ଗଫିସର ଭିଲ୍ଲାକୁ ୭୩.୦୧ କୋଟି ଟଙ୍କାରେ କିଣିବା ପାଇଁ ସଚିନ ଜୋଷୀ କହିବା ପରେ ଏହାକୁ ନେଇ ଚର୍ଚ୍ଚା ଜୋର ଧରିଥିଲା । ଅଭିନେତା ତଥା ନିର୍ମାତା ଭାବେ ବଲିଉଡ ଓ ଟଲିଉଡରେ ସଚିନଙ୍କର ବେସ୍ ନା ରହିଛି । ୨୦୧୩ ମସିହାରେ ସିନେମା ଜ୍ୟାକପଟର ମୁଖ୍ୟ ଭୂମିକାରେ ଅଭିନୟ କରି ବେସ୍ ପ୍ରଶଂସିତ ହୋଇଥିଲେ ସଚିନ୍ । ସଚିନଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟ ଗିରଫ୍ କରିବା ପରେ ୧୮ ତାରିଖ ପର୍ଯ୍ୟନ୍ତ ତାଙ୍କୁ ରିମାଣ୍ଡରେ ନେଇଥିବା ଜଣାପଡିଛି ।