କନକ ବ୍ୟୁରୋ: ଟିଭି ଇଣ୍ଡଷ୍ଟ୍ରିର ଜଣାଶୁଣା ଅଭିନେତା ସିଦ୍ଧାନ୍ତ ବୀର ସୂର୍ଯ୍ୟବଂଶୀଙ୍କ ମୃତ୍ୟୁ ହୋଇଛି । ଜିମରେ ୱାକଆଉଟ୍ କରୁଥିବାବେଳେ ତାଙ୍କର ହୃଦଘାତରେ ମୃତ୍ୟୁ ହୋଇଥିବା ଜଣାପଡିଛି । ମୃତ୍ୟୁବେଳେକୁ ତାଙ୍କୁ ୪୬ ବର୍ଷ ହୋଇଥିଲା ।

 ଜିମରେ ୱାକଆଉଟ କରୁଥିବାବେଳେ ହଠାତ୍ ଅଚେତ୍ ହୋଇପଡିଥିଲେ ସିଦ୍ଧାନ୍ତ । ତାଙ୍କୁ ତୁରନ୍ତ ସ୍ଥାନୀୟ ହସ୍ପିଟାଲକୁ ନିଆଯାଇଥିଲେ ବି ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ରାଜୁ ଶ୍ରୀବାସ୍ତବ ଓ ଦୀପେଶ ଭାନଙ୍କ ପରେ ଏହା ହେଉଛି ଜିମରେ ଅଭିନେତାଙ୍କ ମୃତ୍ୟୁର  ତୃତୀୟ ଘଟଣା । ସିଦ୍ଧାନ୍ତ ଲୋକପ୍ରିୟ ସିରିଏଲ ‘କୁସୁମ’, ୱାରିସ୍’ ଓ ସୂର୍ଯ୍ୟପୁତ୍ର କରଣ’ରେ ଅଭିନୟ କରି ପ୍ରଶଂସା ସାଉଁଟିଥିଲେ । ଫିଟନେସକୁ ନେଇ ସିଦ୍ଧାନ୍ତ ବେଶ୍ ସତର୍କ ଥିଲେ ।