ପ୍ରଦୂଷଣ ସାର୍ଟିଫିକେଟ୍ ନେଇ ଆସିଲା ବଡ ଖବର । ଭୁବନେଶ୍ୱରରେ କେଉଁଠି ମିଳିବ ପଲ୍ୟୁସନ୍ ସାର୍ଟିଫିକେଟ୍, ଦେଖନ୍ତୁ ପୁରା ତାଲିକା ।
କନକ ବ୍ୟୁରୋ : ନୂଆ ଟ୍ରାଫିକ ନିୟମ ଲାଗୁ ହେବା ପରେ ଏବେ ରାସ୍ତାରେ କଟକଣାର କୋକୁଆ ଭୟ ଖେଳିଯାଇଛି । ଏପରିକି ଘରୁ ବାହାରକୁ ଗାଡି କାଢିଲେ ଚାଳକଙ୍କ ଛାତିରେ ଛନକା ପଶୁଛି । ଗୋଟିଏ ପଟେ ଟ୍ରାଫିକ୍ ଧରପଗଡ ଅନ୍ୟପଟେ ଲାଇସେନ୍ସ ଏବଂ ଇନସ୍ୟୁରାନ୍ସ ପାଇଁ ଭିଡ । ରାତି ପାହିଲେ ଆରଟିଓ ଅଫିସରେ ଲାଇନ୍ ଲଗାଉଛନ୍ତି ଶହ ଶହ ଲୋକ । ଆଉ ଏହାରି ଭିତରେ ମାସେ ପାଇଁ କୋହଳ ହୋଇଛି ପ୍ରଦୂଷଣ ଉଲ୍ଲଘଂନ ନିୟମ । ଗାଡି ଚାଳକ ୩୦ ଦିନ ଭିତରେ ପଲ୍ୟୁସନ ସାର୍ଟିଫିକେଟ ବାହାର କରିବାକୁ ନିର୍ଦ୍ଦେଶ ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ତେବେ କେଉଁଠି ମିଳିବ ପଲ୍ୟୁସନ୍ ସାର୍ଟିଫିକେଟ୍ । ଏହି ଆଶଙ୍କା ଏବେ ସମସ୍ତଙ୍କ ମଧ୍ୟରେ ରହିଛି । ଆଉ ଏହି ଆଶା ଆଶଙ୍କା ଭିତରେ ଆଶ୍ୱସ୍ତିକର ଖବର ଆଣିଦେଇଛି ରାଜ୍ୟ ପରିବହନ ବିଭାଗ । ଆସନ୍ତୁ ଜାଣିବା କେଉଁଠି ମିଳିବ ପଲ୍ୟୁସନ୍ ସାର୍ଟିଫିକେଟ୍ ।
ପଲ୍ୟୁସନ ସାର୍ଟିଫିକେଟ୍ ପାଇଁ ସାରା ରାଜ୍ୟରେ ମୋଟ୍ ୨୯ଟି ପଲ୍ୟୁସନ୍ ସାର୍ଟିଫିକେଟ୍ ସେଂଟର ଖୋଲିଛି ରାଜ୍ୟ ପରିବହନ ବିଭାଗ । ତେବେ ରାଜଧାନୀ ଭୁବନେଶ୍ୱରର ମୋଟ୍ ୧୧ଟି ସ୍ଥାନରେ ଏହି ସେଂଟର ଖୋଲାଯାଇଛି । ଦେଖନ୍ତୁ କେଉଁଠାରୁ ଆପଣ ପାଇପାରିବେ ଆପଣଙ୍କ ପଲ୍ୟୁସନ୍ ସାର୍ଟିଫିକେଟ୍ ।
