କନକ ବ୍ୟୁରୋ: ଭୁବନେଶ୍ୱର ଓ କଟକରେ ଥିବା ବେଞ୍ଚମାର୍କ କ୍ଲାସେସର ଆଚିଭର୍ସ ମିଟ୍ ଅନୁଷ୍ଠିତ ହୋଇଛି । ଏହି କାର୍ଯ୍ୟକ୍ରମରେ ଅନୁଷ୍ଠାନରୁ ନିଟ୍ ପରୀକ୍ଷାରେ କୃତିତ୍ୱ ହାସଲ କରିଥିବା ଛାତ୍ରଛାତ୍ରୀଙ୍କୁ ସମ୍ବର୍ଦ୍ଧନା ଦିଆଯାଇଛି । ଏହି ସ୍ୱତନ୍ତ୍ର ଉତ୍ସବରେ ବିଧାୟକ ଅନନ୍ତ ନାରାୟଣ ଜେନା, ବିଧାୟକ ସୁର ରାଉତରାୟ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ଅନ୍ୟମାନଙ୍କ ମଧ୍ୟରେ ପୂର୍ବତନ କର୍ପୋରେଟର ଭାନୁପ୍ରିୟା ଦାସ, ରାଜେନ୍ଦ୍ର ସାମର୍ଥା, କିଟର ନିର୍ଦ୍ଦେଶକ କୁମାର ମହାନ୍ତି ଓ ଶିକ୍ଷାବିତ୍ ଡା. ଦେବସ୍ମିତା ସାହୁ ଯୋଗ ଦେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ଚଳିତ ବର୍ଷ ନିଟ ପରୀକ୍ଷାରେ ଅନୁଷ୍ଠାନର ୨୪୭ ଜଣ ଛାତ୍ରଛାତ୍ରୀଙ୍କ ମଧ୍ୟରୁ ୨୪ ଜଣ ୬୦୦ରୁ ଅଧିକ ନମ୍ବର ରଖିଥିବା ବେଳେ ୬୩ ଜଣ ୫୮୦ରୁ ଅଧିକ ନମ୍ବର ରଖିବାରେ ସଫଳ ହୋଇଛନ୍ତି । ମୋଟ ୭୨୦ରୁ ଆଶୁତୋଷ ପଣ୍ଡା ସର୍ବାଧିକ ୬୬୫ ନମ୍ବର ରଖିଥିବା ବେଳେ ସ୍ୱାଗତ ହୋତା ୬୫୮, ଦିପକ ବେହେରା ୬୫୬, ସମ୍ବିତ କେଶରୀ ବେହେରା ୬୫୪ ନମ୍ବର ରଖି କୃତିତ୍ୱ ହାସଲ କରିଛନ୍ତି ।
ଏହି ଛାତ୍ରଛାତ୍ରୀଙ୍କୁ ବିଧାୟକ ସମ୍ବର୍ଦ୍ଧିତ କରି ତାଙ୍କ ଉଜ୍ଜଳ ଭବିଷ୍ୟତ କାମନା କରିଥିଲେ । ଅନୁଷ୍ଠାନ ନିର୍ଦ୍ଦେଶକ ରୋଟାରିୟନ ପ୍ରସନ୍ନ ଚୌଧୁରୀ ଓ ଦୀପକ ବିଶ୍ୱାଳ ଏହି ଆଚେଭର୍ସ ମିଟ ଜରିଆରେ ଛାତ୍ରଛତ୍ରୀଙ୍କୁ ଧନ୍ୟବାଦ ଅର୍ପଣ କରିଥିଲେ । ପ୍ରତିବର୍ଷ ବେଞ୍ଚମାର୍କର ସଫଳତା ହାର ବଢିବଢି ଚାଲିଛି । ଗତ ବର୍ଷ ୭୨ ଜଣ ସଫଳତା ହୋଇଥିବା ବେଳେ ଏହି ବର୍ଷ ୮୭ ଜଣ କୃତକାର୍ଯ୍ୟ ହୋଇଛନ୍ତି ।