କ୍ରାଇମବ୍ରାଞ୍ଚ ଦେଲା କ୍ଲିନଚିଟ୍ : ଡିଏଫଓ- ବିଦ୍ୟାଭାରତୀଙ୍କ ଭିତରେ ନାହିଁ କୌଣସି ସମ୍ପର୍କ ।
କନକ ବ୍ୟୁରୋ: ବହୁ ଚର୍ଚ୍ଚିତ ପାରଳାଖେମୁଣ୍ଡି ଏସିଏଫ ସୌମ୍ୟ ରଞ୍ଜନ ମୃତ୍ୟୁ ମାମଲା । ଘଟଣାରେ ପୂର୍ଣ୍ଣଚ୍ଛେଦ ଟାଣିଲେ କ୍ରାଇମବ୍ରାଞ୍ଚ ଏଡିଜି । ସୌମ୍ୟ ରଞ୍ଜନଙ୍କ ମୃତ୍ୟୁ ହତ୍ୟା ନୁହେଁ ବରଂ ଏହା ଏକ ଦୁର୍ଘଟଣା ବୋଲି ସ୍ପଷ୍ଟ କଲା କ୍ରାଇମବ୍ରାଞ୍ଚ । ଏଥିସହ ଡିଏଫଓଙ୍କୁ କ୍ଲିନଚିଟ୍ ଦେଲା କ୍ରାଇମବ୍ରାଞ୍ଚ । ଡିଏଫଓଙ୍କ ସହ ବିଦ୍ୟାଭାରତୀଙ୍କ କୌଣସି ସମ୍ପର୍କ ନାହିଁ । ସୌମ୍ୟଙ୍କ ପୋଡି ହେବା ଘଟଣାରେ ବି ତାଙ୍କର ସମ୍ପୃକ୍ତି ଥିବା ପ୍ରମାଣ ମିଳିନି । ପୂର୍ବରୁ ସୌମ୍ୟ ମୃତ୍ୟୁ ମାମଲାରେ ପାରଳାଖେମୁଣ୍ଡି ଡିଏଫଓ ସଂଗ୍ରାମ ବେହେରାଙ୍କ ସମ୍ପୃକ୍ତି ନେଇ ଅଭିଯୋଗ ହେଉଥିଲା । ହେଲେ କ୍ରାଇମବ୍ରାଞ୍ଚ ଡିଏଫଓଙ୍କୁ ଶେଷରେ କ୍ଲିନଚିଟ୍ ଦେଇଛି । ପୂର୍ବରୁ ତାଙ୍କୁ ଗଜପତି ଏସପି କ୍ଲିନଚିଟ୍ ଦେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ତେବେ ଦୁର୍ଘଟଣା ଥିଲା ସୌମ୍ୟଙ୍କ ମୃତ୍ୟୁ… ଏହି ଘଟଣାକୁ ଦୁର୍ଘଟଣା ଜନିତ ମୃତ୍ୟୁ କୁହାଯାଇପାରିବ ବୋଲି କହିଛି କ୍ରାଇମବ୍ରାଞ୍ଚ । ଏଥିସହ ବିଦ୍ୟାଭାରତୀଙ୍କ ନାଁରେ ଲାଗିଲା ଦଫା । ବିଦ୍ୟାଭାରତାଙ୍କ ବିରୋଧରେ ଚାର୍ଜସିଟି ଦାଖଲ ହୋଇଛି । ବିଦ୍ୟାଭାରତୀଙ୍କ ନାଁରେ ୨୮୫, ୩୦୪ ଏ ଦଫା । ତେବେ ସୌମ୍ୟଙ୍କ ସହ ବିଦ୍ୟାଭାରତୀଙ୍କ ଭଲ ସମ୍ପର୍କ ନଥିଲା । ସ୍ୱାମୀ-ସ୍ତ୍ରୀଙ୍କ ବୈବାହିକ ସମ୍ପର୍କ ଭଲ ନଥିଲା । ସୌମ୍ୟଙ୍କ ନିଆଁ ଲିଭାଇବାକୁ ଯଥା ପୂର୍ବକ ଚେଷ୍ଟା କରିନଥିଲେ ବିଦ୍ୟା । ସ୍ୱାମୀଙ୍କୁ ବଞ୍ଚାଇବାକୁ ଉପଯୁକ୍ତ ପଦକ୍ଷେପ ବି ନେଇ ନଥିଲେ ।