ପ୍ରିୟଙ୍କା ମୃତ୍ୟୁ ମାମଲାରେ ପୁଲିସ ପାଇଲା ପ୍ରମାଣ । ଅଭିଯୁକ୍ତ ଜଗନ୍ନାଥ କରିଛି ହତ୍ୟା, ଚିକିତ୍ସାରୁ ଭଲ ହେବା ପରେ ଜେରା କଲା ପୋଲିସ ।
ଅପରାଧୀ କହିଲା ଅପରାଧର କାହାଣୀ
Kanak News is now on WhatsApp
Join and get latest news updates delivered to you via WhatsApp
କେମିତି ମାରିଲା, କାହିଁକି ମାରିଲା?
ପୁଲିସ ଆଗରେ ବଖାଣିଲା ଅଭିଯୁକ୍ତ
କନକ ବ୍ୟୁରୋ: ଭୁବନେଶ୍ୱର ଭୀମଟାଙ୍ଗୀର ପ୍ରିୟଙ୍କା ହତ୍ୟା ମାମଲା ଉପରୁ ପରଦା ହଟିଛି । ଅଭିଯୁକ୍ତ ଜଗନ୍ନାଥ ପ୍ରଧାନ ହସ୍ପିଟାଲରୁ ଡିସଚାର୍ଜ ହେବା ପରେ ପୁଲିସ ତାକୁ ଏୟାରଫିଲ୍ଡ ଥାନାକୁ ଆଣି ଜେରା କରିଛି ଆଉ ପୁଲିସ ଆଗରେ ଜଗନ୍ନାଥ ପ୍ରିୟଙ୍କାଙ୍କୁ ହତ୍ୟା କରିଥିବା ସ୍ୱୀକାର କରିଛି ।
ପ୍ରିୟଙ୍କାଙ୍କୁ କାହିଁକି ହତ୍ୟା କଲା, କିପରି ହତ୍ୟା କଲା ପୁଲିସ ଆଗରେ ଜେରା ବେଳେ ଗୋଟି ଗୋଟି କରି କହିଛି ଜଗନ୍ନାଥ । ପ୍ରେମରେ ବିଫଳତା ପରେ ପ୍ରିୟଙ୍କା ଓ ତା କୁନି ପିଲାକୁ ହତ୍ୟା ଯୋଜନା କରିଥିଲା ଅଭିଯୁକ୍ତ । ଭୁବନେଶ୍ୱର ଡିସିପିଙ୍କ ସୂଚନା ଅନୁସାରେ ଘଟଣାର ୩-୪ ଦିନ ଆଗରୁ ସୁଇସାଇଡ ନୋଟ ଲେଖି ହତ୍ୟା କରିବାକୁ ମନସ୍ଥ କରିଥିଲା ଜଗନ୍ନାଥ ।
ରାକେଶ ସାହୁ ଓ ପ୍ରିୟଙ୍କା ଭଡାରେ ରହୁଥିବା ଘରେ ପହଞ୍ଚି ଜଗନ୍ନାଥ ପ୍ରିୟଙ୍କାଙ୍କୁ ଫେରାର ହେବାକୁ କହିଥଲା । ପ୍ରିୟଙ୍କା ମନା କରିବାରୁ ଏହାକୁ ନେଇ ଦୁଇ ଜଣଙ୍କ ମଧ୍ୟରେ ଝଗଡା ହୋଇଥିଲା । ଏହି ସମୟରେ ଘର ମାଲିକ ଆସିଯିବାରୁ, ବାଥ ରୁମରେ ଲୁଚି ଯାଇଥିଲା ଜଗନ୍ନାଥ । ଦହିବରା ଖାଇବା ପାଇଁ ପ୍ରିୟଙ୍କାଙ୍କ ପୁଅକୁ ଘର ମାଲିକ ନେଇଯିବାରୁ ବର୍ତ୍ତିଯାଇଥିଲା କୁନି ପିଲାର ଜୀବନ । ଘର ମାଲିକ ଚାଲିଯିବା ପରେ ପ୍ରିୟଙ୍କା ଓ ଜଗନ୍ନାଥଙ୍କ ମଧ୍ୟରେ ଯୁକ୍ତିତର୍କ ଉଗ୍ରରୂପ ନେଇଥିଲା । ଏହାପରେ ପୂର୍ବ ଯୋଜନା ଅନୁସାରେ ପ୍ରିୟଙ୍କାଙ୍କୁ ବାହାର ଘରେ ଗଳାକାଟି ହତ୍ୟା କରି, ଭିତର ରୁମକ ଘୋଷାଡି ଘୋଷାଡି ନେଇଥିଲା । ସେଠାରେ କୋଲ୍ଡ ଡ୍ରିଙ୍କସରେ ବିଷ ମିଶାଇ ପିଇବା ପରେ ଫଟୋ ଉଠାଇ ପ୍ରିୟଙ୍କାଙ୍କ ସ୍ୱାମୀଙ୍କ ପାଖକୁ ଫଟୋ ପଠାଇଥିଲା ଜଗନ୍ନାଥ ।
ସୂଚନାଯୋଗ୍ୟ ଯେ, ଜୁଲାଇ ୫ ତାରିଖରେ ଭୀମଟାଙ୍ଗିର ଭଡାଘରୁ ପ୍ରିୟଙ୍କାଙ୍କ ମୃତଦେହ ପାଖରେ ଅଚେତ ହୋଇପଡିଥିଲା ଜଗନ୍ନାଥ । ଅଭିଯୁକ୍ତ ଗଳା କାଟିଥିବା ଛୁରୀ ମଧ୍ୟ ଘଟଣାସ୍ଥଳରୁ ଜବତ ହୋଇଛି । ସବୁ ପ୍ରମାଣ ଜଗନ୍ନାଥ ହତ୍ୟାକାରୀ ବୋଲି ପ୍ରମାଣ ଦେଉଥିବା ବେଳେ ଏବେ ଅଭିଯୁକ୍ତ ମଧ୍ୟ ହତ୍ୟା କରିଥିବା ସ୍ୱୀକାର କରିଛି ।