ବ୍ରହ୍ମପୁର ଏଟିଏମ୍ ଭ୍ୟାନ୍ ଲୁଟ୍ ଘଟଣାର ପର୍ଦ୍ଦାଫାଶ । ଲୁଟେରା ଡ୍ରାଇଭର ଆକାଶ ଦିଗାଲଙ୍କ ସହ ଅନ୍ୟ ୨ ଅଭିଯୁକ୍ତ ଗିରଫ, ମାଟି ତଳୁ ୨୦ ଲକ୍ଷ ଟଙ୍କା ଉଦ୍ଧାର କଲା ପୁଲିସ ।
କନକ ବ୍ୟୁରୋ : ଗତ ୧୮ ତାରିଖରେ ବଡ଼ ବଜାର ଥାନା ଅର୍ନ୍ତଗତ ଏକ୍ସିସ ବ୍ୟାଙ୍କ ନିକଟରେ ଥିବା ଏଟିଏମ ଭ୍ୟାନ ଲୁଟ ହୋଇଥିଲା । ପରେ ପୋଲିସ ଗିରିସୋଲା ନିକଟରୁ ଭ୍ୟାନ ଓ ଅଚେତ ଅବସ୍ଥାରେ ଡ୍ରାଇଭରକୁ ଉଦ୍ଧାର କରିଥିଲା । କିନ୍ତୁ ପୁଲିସ ଖୋଳତାଡ କରିବା ପରେ ଜଣାପଡ଼ିଛି ଲୁଟ ଘଟଣାର ମାଷ୍ଟର ମାଇଣ୍ଡ ହେଉଛି ଡ୍ରାଇଭର । ଆଜି ଡ୍ରାଇଭର ଓ ତାଙ୍କ ୨ ଜଣ ସହଯୋଗୀଙ୍କୁ ଗିରଫ କରିଛି ପୋଲିସ । ଏହା ସହ ୨୦ ଲକ୍ଷ ୯୦ ହଜାର ଟଙ୍କା ଜବତ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଗଲା ୧୯ ତାରିଖରେ କେମିତି ବ୍ରହ୍ମପୁର ବଡବଜାର ଥାନା ଅଞ୍ଚଳର ଏକ୍ସିସ ବ୍ୟାଙ୍କ ଆଗରୁ ଏଟିଏମ ଭ୍ୟାନକୁ ଅପହରଣ କରାଗଲା । କେମିତି ଟଙ୍କା ନେଇଗଲେ ଦୁର୍ବୃତ, ଏନେଇ ଅଭିଯୋଗ କରୁଥିଲେ ଭ୍ୟାନ ଡ୍ରାଇଭର । ହେଲେ ପୁଲିସ ଖୋଳତାଡ କରିବା ପରେ ଡ୍ରାଇଭର ହିଁ ପୁରା ଲୁଟର ମାଷ୍ଟର ମାଇଣ୍ଡ ବୋଲି ଜଣାପଡିଛି । ଏହି ଘଟଣାରେ ଡ୍ରାଇଭର ଓ ଅନ୍ୟ ୨ ଅଭିଯୁକ୍ତଙ୍କୁ ଗିରଫ କରାଯାଇଛି ।
ବ୍ରହ୍ମପୁରରୁ ଏଟିଏମ ଭ୍ୟାନ୍ ଲୁଟର ପର୍ଦ୍ଦଫାସ । ମୁଖ୍ୟ ଅଭିଯୁକ୍ତ ସାଜିଥିଲା ଅଭିଯୋଗକାରୀ । ବ୍ରହ୍ମପୁର ବଡବଜାର ଥାନା ଅନ୍ତର୍ଗତ ଏକ୍ସିସ ବ୍ୟାଙ୍କ ଆଗରୁ ଅପହୃତ ଏଟିଏମ୍ ଭ୍ୟାନକୁ ଗିରିଶୋଲା ନିକଟରୁ ଠାବ କରିଥିଲା ପୁଲିସ । ଆଉ ପ୍ରଥମରୁ ହିଁ ଭ୍ୟାନ ଡ୍ରାଇଭର ଉପରେ ପୁଲିସ ପ୍ରଥମରୁ ହିଁ ସନ୍ଦେହ କରିଥିଲା । ଆଉ ପୁଲିସର ଜେରାରେ ସତ ଓଗାଳିଛି ଆକାଶ ଦିଗାଲ । କହିଛି ନିଜେ ଭ୍ୟାନକୁ ଗିରିଶୋଲା ଆଡକୁ ନେଇଥିଲା । ପୂର୍ବ ପ୍ରସ୍ତୁତି ଅନୁଯାୟୀ ୨ ସହଯୋଗୀ ବାଇକରେ ପହଂଚିବା ପରେ ସାଙ୍ଗରେ ଆଣିଥିବା ନିଶା ସ୍ପ୍ରେ କରି ଅଚେତ ହୋଇଯାଇଥିଲା ।
ଏଟିଏମରେ ଟଙ୍କା ଭର୍ତି କରୁଥିବା ଭ୍ୟାନରୁ ୨୪ ଲକ୍ଷରୁ ଅଧିକ ଟଙ୍କା ଲୁଟିନେଇଥିବା ଅଭିଯୋଗ ହୋଇଥିଲା । ଅଭିଯୁକ୍ତଙ୍କ ସୂଚନା ଆଧାରରେ ପୋଲିସ ଫୁଲବାଣୀ ସାରଙ୍ଗ ଗଡ଼ ଗାଁକୁ ଯାଇ ମାଟିରେ ପୋତା ହୋଇଥିବା ଏକ ପ୍ଲାଷ୍ଟିକ ଜାରରୁ ୨୦ ଲକ୍ଷ ୯୦ ହଜାର ଟଙ୍କା ଉଦ୍ଧାର କରିଛି ।