କନକ ବ୍ୟୁରୋ : ରାଜ୍ୟ ମାନବାଧିକାର ଆୟୋଗର କାର୍ଯ୍ୟନିର୍ବାହି ଅଧ୍ୟକ୍ଷ ଜଷ୍ଟିସ ବିରୋକିଶୋର ମିଶ୍ର ଅବସର ନେଇଛନ୍ତି । ଏଥିସହ ରାଜ୍ୟ ମାନବାଧିକାର ଆୟୋଗ ଅଚଳ ହୋଇଯାଇଛି । ଜଣେ ଅଧ୍ୟକ୍ଷ ଓ ଦୁଇ ଜଣ ସଦସ୍ୟଙ୍କ ପଦ ଏବେ ଖାଲି ପଡିଛି । ସେପଟେ ଆୟୋଗଙ୍କ ପାଖରେ ୨୦୧୭ରୁ ଏବେ ସୁଦ୍ଧା ୩ହଜାରରୁ ଅଧିକ ମାମଲା ବିଚାରଧିନ ରହିଛି । ନିଜ ଅଧିକାରୀ ପାଇଁ ଲଢେଇ କରୁଥିବା ଲୋକଙ୍କୁ କିଏ ଦେବ ନ୍ୟାୟ ତାକୁ ନେଇ ଏବେ ଉଠିଛି ପ୍ରଶ୍ନ । ତେବେ ଅଚଳ ହୋଇ ପଡିଥିବା ଆୟୋଗ ସମ୍ପର୍କରେ ମତ ଦେବାକୁ ମନା କରି ଦେଇଛନ୍ତି ଏହାର ପୂର୍ବତନ କାର୍ଯ୍ୟନିର୍ବାହି ଅଧ୍ୟକ୍ଷ ଜଷ୍ଟିସ ବିରୋକିଶୋର ମିଶ୍ର ।
Kanak News is now on WhatsApp
Join and get latest news updates delivered to you via WhatsApp
ଏଠାରେ ସୂଚନା ଥାଉ ଯେ, ଜଷ୍ଟିସ ରାଧାକୃଷ୍ଣ ପାତ୍ର ଅଧ୍ୟକ୍ଷ ପଦରୁ ଅବସର ନେବା ପରେ କାର୍ଯ୍ୟନିର୍ବାହି ଅଧ୍ୟକ୍ଷ ଭାବରେ ଡ. ରବିନାରାୟଣ ବହିଦାର ୨୦୧୩ରେ ଅବସର ନେଇଥିଲେ । ସେହିପରି ସଦସ୍ୟ ପଦରେ ଥିବା ପ୍ରଶାସନିକ ଅଧିକାରୀ ବିଜୟ କୁମାର ପଟ୍ଟନାୟକ ନିଜ ଇଚ୍ଛାରେ ଇସ୍ତଫା ଦେଇଥିଲେ । ସେହି ସମୟରେ ସଦସ୍ୟ ରହିଥିବା ଜଷ୍ଟିସ ବିରକିଶୋର ମିଶ୍ରଙ୍କୁ କାର୍ଯ୍ୟନିର୍ବାହି ଅଧ୍ୟକ୍ଷ ପଦରେ ଅବସ୍ଥାପିତ କରାଯାଇଥିଲା । ତେବେ ଅଧ୍ୟକ୍ଷ ପଦ ଓ ଦୁଇଟି ସଦସ୍ୟ ପଦ ସେହିଦିନ ଠାରୁ ଖାଲି ପଡିଥିଲା । ଏହି କାରଣରୁ ଏବେ ସୁଦ୍ଧା କମିଶନ ନିଜ ଆଡୁ କୌଣସି ମାମଲା ରୁଜୁ କରି ପାରୁ ନାହାନ୍ତି ।
କିଭଳି ମନୋନିତ ହୁଅନ୍ତି :
ରାଜ୍ୟ ମାନବାଧିକାର ଆୟୋଗରେ ଜଣେ ଅଧ୍ୟକ୍ଷ ଓ ଦୁଇ ଜଣ ସଦସ୍ୟ ରହିଥାନ୍ତି । ଏହିମାନଙ୍କୁ ମୁଖ୍ୟମନ୍ତ୍ରୀ, ବିରୋଧୀଦଳ ନେତା ଓ ବାଚସ୍ପତିଙ୍କ ମିଳିତ କମିଟି ମନୋନିତ କରିଥାନ୍ତି । ଉକ୍ତ ତିନି ଜଣିଆ କମିଟି ଆୟୋଗର ତିନି ଜଣଙ୍କ ନାଁକୁ ରାଜ୍ୟପାଳଙ୍କ ପାଖକୁ ପଠାଇଥାନ୍ତି । କମିଟି ସୁପାରିସ କରିଥିବା ତିନି ଜଣଙ୍କ ନାମକୁ ନେଇ ରାଜ୍ୟପାଳ ନିଯୁକ୍ତି ଦେଇଥାନ୍ତି । ଅଧ୍ୟକ୍ଷ ପଦ ପାଇଁ ମନୋନିତ ହୋଇଥିବା ବ୍ୟକ୍ତି କୌଣସି ହାଇକୋର୍ଟର ବିଚାରପତି ହୋଇଥିବା ଆବଶ୍ୟକ କିମ୍ବା ଜିଲ୍ଲା ଦୌରା ଜଜ୍ କୋର୍ଟରେ ଅନ୍ୟୁନ ସାତ ବର୍ଷ ବିଚାରପତି ଭାବରେ କାମ କରିଥିବା ଆବଶ୍ୟକ । ସେହିପରି ଦୁଇଟି ସଦସ୍ୟ ପଦ ପାଇଁ ବ୍ୟକ୍ତି ଜଣଙ୍କ କୌଣସି ପ୍ରଶାସନିକ ପଦରେ ଅବସ୍ଥାପିତ ହୋଇଥିବା ଆବଶ୍ୟକ । ଏଥିସହ ମାନବାଧିକାର ଦିଗରେ କାମ କରିଥିବା ଦରକାର ।