ପୁରୀରେ ଫୋନିର ମାଡ ନେଇ ପଣ୍ଡିତ ସୂର୍ଯ୍ୟନରାୟଣ ରଥଶର୍ମାଙ୍କ ବୟାନ । କହିଲେ ଜଗା ପ୍ରତି ହୋଇଥିବା ଅନ୍ୟାୟ ପାଇଁ ହେଲା ପ୍ରଳୟ
କାରଣ ଜଗା ପ୍ରତି ହୋଇଥିବା ଅନ୍ୟାୟ ପାଇଁ ପ୍ରଳୟ ହୋଇଛି
କନକ ବ୍ୟୁରୋ : ବାତ୍ୟା ଫୋନିରେ ଧ୍ୱସ୍ତବିଧ୍ୱସ୍ତ ହୋଇଯାଇଛି ପର୍ଯ୍ୟଟନ ସହର ପୁରୀ । ତେବେ ପୁରୀରେ କାହିଁକି ଫୋନି ମାଡ ହେଲା ସେ ନେଇ ମତ ରଖିଛନ୍ତି ଜଗନ୍ନାଥ ସଂସ୍କତି ବିଶେଷଜ୍ଞ ପଣ୍ଡିତ ସୂର୍ଯ୍ୟନରାୟଣ ରଥଶର୍ମା । କହିଲେ, ଅନେକ ଥର ପୁରୀକୁ ବାତ୍ୟା ଆସିଛି । ହଜାର ହଜାର ଯୁଗ କାଳ କାଳ ଧରି ଜଗନ୍ନାଥ ମହାପ୍ରଭୁ ଏଠାରେ ବସିଛନ୍ତି । କେବେ କିଛି କୌଣସି କ୍ଷତି ଏଠାରେ ହୋଇନାହିଁ । କିନ୍ତୁ ଏବେ ହେଲା । କାରଣ ଜଗା ପ୍ରତି ହୋଇଥିବା ଅନ୍ୟାୟ ପାଇଁ ପ୍ରଳୟ ହୋଇଛି । ଠାକୁରଙ୍କୁ ଭୋକରେ ରଖିବା ଓ ନୀତିକାନ୍ତିରେ ବିଭ୍ରାଟ ପାଇଁ ଏପରି ଘଟିଛି ।
Kanak News is now on WhatsApp
Join and get latest news updates delivered to you via WhatsApp
ଜାଣିଶୁଣି ଆମେ ଅବିଚାର କରିବା ସହ ମନ୍ଦିର ମଧ୍ୟରେ ଜୋର ଜବରଦସ୍ତ ଯଦି ପଶିବା ତେବେ ଏପରି ହେବ ବୋଲି ରଥଶର୍ମା କହିଛନ୍ତି । ଏହାସହ ନିଜ ପ୍ରତିକ୍ରିୟାରେ ସେ ଆହୁରି ମଧ୍ୟ କହିଛନ୍ତି ଯେ, ଜଗନ୍ନାଥ ମହାପ୍ରଭୁ ଆମକୁ ବିଧା ମାରିଛନ୍ତି । ଯଦି ଆମେ ନିଜ ଆଚରଣ ଓ ଶୃଙ୍ଖଳାରେ ପରିବର୍ତନ ନକରିବା ତେବେ ଏମିତି ହିଁ ଭୋଗିବା ବୋଲି ରଥଶର୍ମା କହିଛନ୍ତି । ତେବେ ପ୍ରଶ୍ନ ଉଠୁଛି ସତରେ କଣ କାଳିଆ କୋପ କଲା କି ? ମହାପ୍ରଭୁଙ୍କ ନିଜ କ୍ଷେତ୍ରକୁ ମାଡି ଆସିଲା ଏତେ ବଡ ବିପତି ? ତେବେ ଏହାକୁ ନେଇ ଚାଲିଛି ଜୋରସୋର ଚର୍ଚ୍ଚା ।