ଟିଏମସିର ମହାସଚିବ ପଦରେ ଅବସ୍ଥାପିତ ହେଲେ ବିବାଦୀୟ ନେତା ଅଭିଷେକ ବାନାର୍ଜୀ । ଯୁବ ଟିଏମସିର ଅଧ୍ୟକ୍ଷ ପଦରୁ ଦେଲେ ଇସ୍ତଫା
କନକ ବ୍ୟୁରୋ : ଟିଏମସି ନେତା ତଥା ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ଭଣଜା କୁହାଯାଉଥିବା ଅଭିଷେକ ବାନାର୍ଜୀଙ୍କୁ ଦଳର ଏକ ବଡ ଦାୟିତ୍ୱ ମିଳିଛି । ତାଙ୍କୁ ତୃଣମୂଳ କଂଗ୍ରେସର ରାଷ୍ଟ୍ରୀୟ ଅଧ୍ୟକ୍ଷ ପଦ ମିଳିଛି । କହିରଖୁ କି ପଶ୍ଚିମବଙ୍ଗର ବିଧାନସଭା ନିର୍ବାଚନ ପୂର୍ବରୁ ବିରୋଧୀ ମାନେ ଅଭିଷେକଙ୍କୁ ନେଇ ମମତାଙ୍କ ଉପରେ ପରିବାରବାଦର ଅଭିଯୋଗ ଆଣିଥିଲେ । ହେଲେ ଦଳର ବିଜୟ ପରେ ବିରୋଧୀଙ୍କ କଥାକୁ କର୍ଣ୍ଣପାତ ନକରି ଦିଦି ନିଜର ଭଣଜାକୁ ଦଳର ସର୍ବୋଚ୍ଚ ପଦରେ ଅବସ୍ଥାପିତ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ଅଭିଷେକ ବାନାର୍ଜୀ ପାର୍ଟିର ଯୁବମୋର୍ଚ୍ଚାର ଅଧ୍ୟକ୍ଷ ଥିବାବେଳେ ‘ଏକ ନେତା, ଏକ ପଦ’ ପଲିସି ଫଳରେ ସେ ଯୁବମୋର୍ଚ୍ଚାର ଅଧ୍ୟକ୍ଷ ପଦରୁ ଇସ୍ତଫା ଦେଇଛନ୍ତି । ସୂଚନା ଥାଉକି ଅଭିଷେକ ବାନାର୍ଜୀ ବିଧାନସଭା ନିର୍ବାଚନରେ ଦଳପାଇଁ ଜୋରଦାର ପ୍ରଚାର କରିବା ସହ ଦଳକୁ ବିଜୟୀ କରିବାରେ ସମ୍ପୂର୍ଣ୍ଣ ସହାୟତ କରିଥିଲେ ।
ଅନ୍ୟପଟେ ସରକାର ଗଠନ ପରେ ମୁଖ୍ୟମନ୍ତ୍ରୀ ମମତା ବାନାର୍ଜୀ ପଶ୍ଚିମବଙ୍ଗ ଆସିବାକୁ କୃଷକ ନେତା ରାକେଶ ଟିକାୟତଙ୍କୁ ନିମନ୍ତ୍ରଣ କରିଥିଲେ । ମମତାଙ୍କୁ ନିମନ୍ତ୍ରଣ ରକ୍ଷା କରି ଜୁନ ୯ ତାରିଖରେ ଟିକାୟତ ପଶ୍ଚିମବଙ୍ଗ ଆସିବେ ବୋଲି ସୂଚନା ମିଳିଛି ।