କନକ ବ୍ୟୁରୋ: ଅସ୍ତରଙ୍ଗ ଅଞ୍ଚଳ ସଫଳ ବ୍ୟକ୍ତି ଅଭିମନ୍ୟୁ ବେହେରା। ଦିନ ଥିଲା ଏହି ବ୍ୟକ୍ତି ଜଣକ ଟେଣ୍ଟ ହାଉସ ବ୍ୟବସାୟ କରି ଭଲ ଦି ପଇସା ରୋଜଗାର କରୁଥିଲେ । ୨୦ ଜଣ ବେକାର ଯୁବକଙ୍କୁ ନିଯୁକ୍ତିି ଦେଇ ରୋଜଗାର ଦେଇ ଆସୁଥିଲେ । କିନ୍ତୁ କରୋନା ମହାମାରୀ ଆସିବା ପରେ ବ୍ୟବସାୟ ବୁଡିଗଲା । ଆଉ ଏକ ଅନିଶ୍ଚିତ ଭବିଷ୍ୟତ ଦେଇ ଗତି କରୁଥିଲେ ଅଭିମନ୍ୟୁ । ଜଣେ ସାଙ୍ଗ ଠାରୁ ପ୍ରେରଣା ପାଇ ଆରମ୍ଭ କଲେ ଅଗରବତୀ ତିଆରି ଶିଳ୍ପ । ବର୍ଷେ ହେଲା ଧୂପକାଠୀ ତିଆରି ବ୍ୟବସାୟ କରୁଛନ୍ତି ଅଭିମନ୍ୟୁ । ୨୦ଟି ମେସିନ ପକାଇ ଅସ୍ତରଙ୍ଗ ବଜାରରେ ଏକ ପ୍ରକଳ୍ପ ସ୍ଥାପନ କରି ଅଗରବତୀ ତିଆରି ବଜାରକୁ ବିକ୍ରି ପାଇଁ ପଠାଉଛନ୍ତି । ବଜାର ଚାହିଦାକୁ ଦେଖି ପୁରୀ, ଖୋର୍ଦ୍ଧା ଓ କଟକ ଜିଲ୍ଲାର ବିଭିନ୍ନ ବଜାରରେ ଏହି ଧୂପକାଠି ବିକ୍ରି କରୁଛନ୍ତି ଅଭିମନ୍ୟୁ । ପ୍ରତିଦିନ ଅଗରବତୀ ଶିଳ୍ପ ପାଖକୁ ଆସି ନିଜେ ପ୍ରତ୍ୟେକ୍ଷ ଭାବେ ତଦାରଖ କରି ଚାଲିଛନ୍ତି ଏହି ଉଦ୍ୟୋଗୀ ଜଣକ ।
Kanak News is now on WhatsApp
Join and get latest news updates delivered to you via WhatsApp
ଏହି ଅଗରବତୀ ତିଆରି କାରଖାନାରେ ଅଭିମନ୍ୟୁ ପ୍ରାୟ ୨୦ ଜଣ ବେରୋଜଗାର ମହିଳାଙ୍କୁ ନିଯୁକ୍ତି ଦେଇ ସେମାନଙ୍କୁ ରୋଜଗାର ଦେଉଛନ୍ତି । ଘରକାମ ସାରି ସେମାନେ ଦିନ ୧୦ଟାରୁ ୪ଟା ପର୍ଯ୍ୟନ୍ତ ଏହି ଶିଳ୍ପ ସ୍ଥାନକୁ ଆସି ମେସିନରେ ଅଗରବତୀ ତିଆରି କରନ୍ତି । ଏହା ପରେ ତାହାକୁ ସୁଖାଇ ବିଡା ବାନ୍ଧି ପ୍ୟାକିଂ କରିବା କାମରେ ଲାଗିିପଡ଼ନ୍ତି । ଶ୍ରୀକ୍ଷେତ୍ର ଅଗାରବତୀର ଝୁଣା ଅଗରବତିଟି ବଜାରରେ ବେଶ ଚାହିଦା ରହିଛି । ବିଭିନ୍ନ ବ୍ୟବସାୟୀ ମାନେ ତାଙ୍କ ଶିଳ୍ପ କେନ୍ଦ୍ରକୁ ଆସି କିଣି ନେଉଛନ୍ତି । ବ୍ୟବସାୟ ମଧ୍ୟ ଭଲ ଚାଲିଛି ।