୨୦ ବର୍ଷ ପରେ କାବୁଲ ପହଂଚିଲେ ମୁଲ୍ଲା ବରାଦର, ଆଫଗାନିସ୍ତାନରେ ସମ୍ଭାଳିବେ ତାଲିବାନ ସରକାର !
କନକ ବ୍ୟୁରୋ : ତାଲିବାନର ଦ୍ୱିତୀୟ ନେତା ତଥା ଦୋହା ରାଜନୈତିକ କାର୍ଯ୍ୟାଳୟର ପ୍ରମୁଖ ମୁଲ୍ଲା ବରାଦର ୨୦ ବର୍ଷ ପରେ କାବୁଲରେ ପହଂଚିଛନ୍ତି । ସେଠାରେ ସେ ତାଲିବାନ ନେତାଙ୍କ ବ୍ୟତୀତ ପୂର୍ବତନ ରାଷ୍ଟ୍ରପତି ହାମିଦ କରଜଇ ଓ ଅବ୍ଦୁଲ୍ଲା ଅବ୍ଦୁଲ୍ଲାଙ୍କ ସହିତ ବୈଠକ କରିବେ । ଅନୁମାନ କରାଯାଉଛି କି ମୁଲ୍ଲା ବରାଦରଙ୍କୁ ଆଫଗାନିସ୍ତାନର ପରବର୍ତ୍ତି ରାଷ୍ଟ୍ରପତି କରାଯିବ । କହିରଖୁ କି ନିଜ ଭିଣୋଇ ମୁଲ୍ଲା ଓମର ସହିତ ମିଶି ବରାଦର ତାଲିବାନର ସ୍ଥାପନା କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ତାଲିବାନର ସହ ସଂସ୍ଥାପକ ମୁଲ୍ଲା ଓମରଙ୍କ ସବୁଠାରୁ ଭରଶାଯୋଗ୍ୟ କମାଣ୍ଡର ମୁଲ୍ଲା ଅବ୍ଦୁଲ ଗନି ବରାଦରକୁ ୨୦୧୦ ମସିହାରେ ପାକିସ୍ତାନର କରାଚି ଠାରେ ଗିରଫ୍ କରାଯାଇଥିଲା । ମାତ୍ର ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ନିର୍ଦ୍ଦେଶ ଓ ତାଲିବାନର ସହ ଚୁକ୍ତି ହେବା ପରେ ପାକିସ୍ତାନ ୨୦୧୮ ମସିହାରେ ବରାଦରକୁ ଖଲାସ କରିଥିଲା ।
୩ ବର୍ଷ ପୂର୍ବେ ଜେଲରୁ ଛାଡ ପାଇବା ପରେ ତାଲିବାନ ନେତା ଅବ୍ଦୁଲ ବରାଦର ଆଫଗାନିସ୍ତାନରେ ୨୦ ବର୍ଷ ଧରି ଚାଲିଥିବା ଯୁଦ୍ଧର ନିର୍ବିବାଦୀୟ ବିଜେତା ଭାବେ ଉଭା ହୋଇଛନ୍ତି । ତାଙ୍କୁ ତାଲିବାନର ହିରୋଭାବେ ଗଣନା କରାଯାଏ ।
Taliban co-founder Baradar in Kabul for talks on setting up govt: official, reports AFP#Afghanistan
— ANI (@ANI) August 21, 2021
ଅବ୍ଦୁଲ ଗନି ବରାଦର ୧୯୬୮ ମସିହାରେ ଓରୁଜଗାନରେ ଜନ୍ମଗ୍ରହଣ କରିଥିଲେ । ଆରମ୍ଭରୁ ସେ ଜଣେ କଠୋର ଧର୍ମ ସହଯୋଗୀ ଥିଲେ । ସେ ୧୯୮୦ ମସିହାରେ ସୋଭିଏତ ସଂଘ ବିରୋଧରେ ଆଫଗାନ ମୁଜାହିଦ୍ଦିନ ସହ ମିଶି ଲଢେଇ କରିଥିଲେ । ୧୯୯୨ ମସିହାରେ ଆଫଗାନିସ୍ତାନରୁ ରୁଷକୁ ଘଉଡାଇଦେବା ପରେ ଆଫଗାନିସ୍ତାନ ପ୍ରତିଦ୍ୱନ୍ଦୀ ସରଦାର ମଧ୍ୟରେ ଗୃହଯୁଦ୍ଧ ଆରମ୍ଭ ହୋଇଥିଲା । ଏହାପରେ ବରାଦର ନିଜ ସଂଗଠନର ପୂର୍ବତନ କମାଣ୍ଡର ମୁଲ୍ଲା ଓମର ସହ ମିଶି କାନ୍ଦାହାରରେ ଏକ ମାଦ୍ରାସା ସ୍ଥାପନ କରିଥିଲେ ।