ଜିରୋରୁ ହିରୋ କରିଦେଲା ଜିଜ୍ଞାସା : ଅଧାରୁ ଛାଡିଥିଲେ ପାଠପଢା , ଏବେ ଲଢୁଆ ବିମାନ ଏବଂ ମିସାଇଲର ପାର୍ଟସ୍ କରୁଛନ୍ତି ପ୍ରସ୍ତୁତ ।
ପ୍ରତିଭା ଥିଲେ ଉପାୟ ଆପେ ଆପେ ଆସେ । କିଛି କରି ଦେଖାଇବାର ଆତ୍ମବିଶ୍ୱାସ ଆଗକୁ ବଢିବାର ବାଟ ଦେଖାଇଥାଏ । ଏଥିପାଇଁ କୌଣସି ବଡ଼ ବଡ଼ କଲେଜ କି ବିଶ୍ୱବିଦ୍ୟାଳୟର ଡ଼ିଗ୍ରୀର ଆବଶ୍ୟକତା ପଡେନି । କେବଳ ଦୃଢ଼ ମନୋବୃତ୍ତି ଏବଂ ଜିଜ୍ଞାସା ହିଁ ଜଣକୁ ସଫଳତାର ଶୀର୍ଷରେ ପହଞ୍ଚାଇଥାଏ । ଏମିତି ଜଣେ ପ୍ରତିଭା ସମ୍ପର୍ଣ୍ଣ ବ୍ୟକ୍ତି ହେଲେ ହାଇଦ୍ରାବାଦରେ ରହୁଥିବା ରାକେଶ ଚୋପଦାର । ହାଇସ୍କୁଲରୁ ପାଠ ପଢ଼ାରେ ଡୋ଼ରି ବାନ୍ଧି ଥିଲେ ରାକେଶ । ଆଉ ଆଜି ଫାଇଟର ଜେଟ୍ ଓ ମିସାଇଲ୍ ପାଇଁ ଯନ୍ତ୍ରପାତି ତିଆରି କରୁଛନ୍ତି । ତାଙ୍କ କଂପାନୀ ଫାଇଟର ଜେଟ୍ ସୁଖୋଇ ବ୍ରହ୍ମୋସ ମିଶାଇଲ୍ ଓ ବିଦ୍ୟୁତ୍ କଂପାନୀଗୁଡ଼ିକ ପାଇଁ ପାର୍ଟସ ବନାଉଛି। ରାକେଶ କୁହନ୍ତି , ନିଜ ପିତାଙ୍କ ୱାର୍କସପରେ କାମ କରି ସେ ଶିକ୍ଷା ଲାଭ କରିଛନ୍ତି । ତାଙ୍କ ବାପା ନଟ ଓ ବୋଲ୍ଟ ତିଆରି କାମ କରନ୍ତି।
Kanak News is now on WhatsApp
Join and get latest news updates delivered to you via WhatsApp
ନିଜର ବୋର୍ଡ ପରୀକ୍ଷା ବିଷୟରେ ରାକେଶ କୁହନ୍ତି, ମୁଁ ପରୀକ୍ଷା ସମୟରେ ବହୁତ ଚେଷ୍ଟା କରିଥିଲି । କିନ୍ତୁ କୌଣସି ବିଷୟକୁ ଠିକରେ ବୁଝିପାରେନି । ଆଉ ପରୀକ୍ଷା ସମୟରେ କିଛି ମନେ ରଖି ପାରୁନଥିଲି। ଜୀବନରେ ପାଠପଢ଼ା ତ ନିହାତି ଜରୁରୀ , ହେଲେ ସଫଳ ହେବା ପାଇଁ ଡିଗ୍ରୀ ହିଁ ସବୁକିଛି । ଏହା ଭାବିବା ସମ୍ପୂର୍ଣ୍ଣ ଭୁଲ । ସଫଳତା ପାଇଁ ଆମକୁ ଦୂରଦୃଷ୍ଟି , ଧୈର୍ଯ୍ୟ , ସାହସ ଓ କଡ଼ା ପରିଶ୍ରମର ଆବଶ୍ୟକତା ରହିଥାଏ । ବର୍ତ୍ତମାନ ଆଜାଦ ଇଂଜିନିୟରିଂର ସଂସ୍ଥାପକ ଓ ଏମ୍ଡି ହେଉଛନ୍ତି ରାକେଶ ଚୋପଦାର । ନିଜର ପ୍ରଥମ ଜୀବନର ସେହି ବାଟ ଖୋଜୁଥିବା ବୟସକୁ ମନେପକାଇ ସେ କୁହନ୍ତି ସ୍କୁଲ୍ ଛାଡ଼ିଲା ପରେ ମୋ ଜୀବନ ଦିଶାହୀନ ହୋଇପଡିଥିଲା । ମୋ ଭବିଷ୍ୟତକୁ ନେଇ ପରିବାର ଓ ରିଲେଟିଭସଙ୍କ ପ୍ରଶ୍ନ ମୋତେ ଆନ୍ଦୋଳିତ କରିବାକୁ ଲାଗିଲା । କଣ କରିବି କଇଛି ଜାଣିପାରିଲି ନାହିଁ । ସେତେବେଳେ ବାପାଙ୍କ ୱାର୍କସପରେ କିଛି ସମୟ ଅତିବାହିତ କଲି । ବାପାଙ୍କ ୱର୍କସପକୁ ଗଲା ପରେ ମୋ ଭିତରେ କିଛି କରିବାକୁ ଇଚ୍ଛା ଜାଗ୍ରତ ହେଲା । ପ୍ରଥମେ ଅଫିସରେ ବସିବା ଓ ଫାଇଲ୍ ଦେଖିବାକୁ ଭଲ ଲାଗିଲା ନାହିଁ । କିନ୍ତୁ ଯେତେବେଳେ ମୁଁ ୱର୍କସପ୍ ଯିବା ଆରମ୍ଭ କଲି ମୋତେ ମେକାନକଲ୍ ଇଂଜିନିୟରିଂ ଦୁନିଆ ବିଷୟରେ ଜାଣିବାକୁ ମିଳିଲା । ମୋତେ ଏହା ବହୁତ ପସନ୍ଦ ଆସିଲା । ଆଉ ଯାହାର ସଫଳତା ମୋତେ ଆଜି ମିଳିଛି ।