ହିନ୍ଦୁ ଦେବାଦେବୀଙ୍କ ଉପରେ ବିବାଦୀୟ ମନ୍ତବ୍ୟ ଭାରିପଡିଲା, କେଜ୍ରିୱାଲଙ୍କ କ୍ୟାବିନେଟରୁ ଇସ୍ତଫା ଦେଲେ ରାଜେନ୍ଦ୍ର ପାଲ ଗୌତମ

କନକ ବ୍ୟୁରୋ : କେଜ୍ରିୱାଲ ସରକାରଙ୍କ କ୍ୟାବିନେଟରେ ମନ୍ତ୍ରୀ ଥିବା ରାଜେନ୍ଦ୍ର ପାଲ ଗୌତମ ଆଜି ମନ୍ତ୍ରୀପଦରୁ ଇସ୍ତଫା ଦେଇଛନ୍ତି । କିଛିଦିନ ତଳେ ଏକ ଧର୍ମ ସଂସଦରେ ରାଜେନ୍ଦ୍ର କିଛି ବିବାଦୀୟ ବୟାନ ଦେଇଥିଲେ । ଏହାପରେ ଏହାକୁ ନେଇ ସାରା ଦେଶରେ ତାଙ୍କ ମନ୍ତବ୍ୟକୁ ବିରୋଧ କରାଯାଇଥିଲା । ବିଜେପି ଗୌତମଙ୍କ ଇସ୍ତଫା ଦାବି କରିଥିଲା ।

ଦିଲ୍ଲୀ ସରକାରରେ ସମାଜ କଲ୍ୟା. ସହକାରିତା, ଅନୁସୂଚିତ ଜାତି ଓ ଜନଜାତି କଲ୍ୟାଣ ମନ୍ତ୍ରୀ ୨ ପୃଷ୍ଟାର ଏକ ଇସ୍ତଫା ପତ୍ର ଟ୍ୱିଟ୍ କରିଛନ୍ତି । ସେ ଲେଖିଛନ୍ତି କି ଆଜି ମହର୍ଷି ବାଲ୍ମୀକିଙ୍କ ପ୍ରକଟଉତ୍ସବ ଓ ମାନ୍ୟବର କାଂଶିରାମଙ୍କ ପୂର୍ଣ୍ଣ୍ୟତିଥି । ଏହି ଅବସରରେ ମୁଁ ଆଜି ଅନେକ ବନ୍ଧନରୁ ମୁକ୍ତ ହୋଇଛି ଓ ଆଜି ମୋର ପୁର୍ନଜନ୍ମ ହୋଇଛି । ଏବେ ମୁଁ ସ୍ୱାଧୀନ ଭାବେ ସମାଜ ଉପରେ ହେଉଥିବା ଅତ୍ୟାଚାର ଓ ଅଧିକାରକୁ ନେଇ ଲଢେଇ କରିପାରିବି ବୋଲି ସେ ଲେଖିଛନ୍ତି ।

आज महर्षि वाल्मीकि जी का प्रकटोत्सव दिवस है एवं दूसरी ओर मान्यवर कांशीराम साहेब की पुण्यतिथि भी है। ऐसे संयोग में आज मैं कई बंधनों से मुक्त हुआ और आज मेरा नया जन्म हुआ है। अब मैं और अधिक मज़बूती से समाज पर होने वाले अत्याचारों व अधिकारों की लड़ाई को बिना किसी बंधन के जारी रखूँगा pic.twitter.com/buwnHYVgG8

— Rajendra Pal Gautam (@AdvRajendraPal) October 9, 2022

ସୂଚନା ଥାଉକି ଭାଇରାଲ ହୋଇଥିବା ଭିଡିଓରେ ହଜାର ହଜାର ସଂଖ୍ୟାର ଲୋକ ବୌଦ୍ଧ ଧର୍ମ ଗ୍ରହଣ କରିବାକୁ ସଂକଳ୍ପ ନେବା ସହ ହିନ୍ଦୁ ଦେବୀ ଓ ଦେବତାଙ୍କୁ ନିନ୍ଦା କରୁଛନ୍ତି । ଏହି ଭିଡିଓ ଭାଇରାଲ ହେବା ପରେ ବିଜେପି ତରଫରୁ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ଟାର୍ଗେଟ୍ କରାଯାଇଥିଲା । ବିଜେପି ଦାବି କରିଥିଲା କି, କେଜ୍ରୱାଲ ରାଜେନ୍ଦ୍ର ପାଲ ଗୌତମଙ୍କୁ ମନ୍ତ୍ରୀ ମଣ୍ଡଳରୁ ବରଖାସ୍ତ କରନ୍ତୁ ।