ବିନା ଆଧାରକାର୍ଡରେ କେମିତି ନେବେ କୋଭିଡ ଟିକା । ୟୁଆଇଡିଏଆଇ ଆଣିଲା ସମାଧାନର ବାଟ
କନକ ବ୍ୟୁରୋ : ଭାରତୀୟ ବିଶିଷ୍ଟ ପ୍ରାମାଣିକ ପ୍ରାଧିକରଣ ବା ( ୟୁଆଇଡିଏଆଇ) ଆଧାରକାର୍ଡକୁ ନେଇ ଏକ ବଡ ବୟାନ ଜାରି କରିଛି । ।ୟୁଆଇଡିଏଆଇ କହିଛି କି କୋଭିଡ ଟିକା ନେବା ପାଇଁ ଆଧାରକାର୍ଡ ଜରୁରୀ ନୁହେଁ । ଏହାସହ ୟୁଆଇଡିଏଆଇ କହିଛି କି ଆଧାରକାର୍ଡ ନଥିବା ଲୋକଙ୍କୁ କୌଣସି ଜରୁରୀ ସେବାରୁ ବଂଚିତ କରାଯାଇପାରିବ ନାହିଁ । ଏହାସହ ସେ ଆହୁରି କହିଛି କି, କୌଣସି ଲୋକପାଖରେ ଯଦି ଆଧାରକାର୍ଡ ନାହିଁ ତେବେ କୌଣସି ହସ୍ପିଟାଲ ତାଙ୍କୁ ଔଷଧ ବା ଚିକିତ୍ସାରୁ ବଂଚିତ କରିପାରିବ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ୟୁଆଇଡିଏଆଇର ସୂଚନା ମୁତାବକ ‘କୌଣସି ବ୍ୟକ୍ତିକୁ ଆପଣ ଜରୁରୀ ସେବାରୁ ବଂଚିତ କରିପାରିବେ ନାହିଁ, ବଂଚିତ କରିବା ପାଇଁ ଆପଣ ଆଧାରକାର୍ଡକୁ ମାଧ୍ୟମ କରିପାରିବେ ନାହିଁ, ବିନା ଆଧାରରେ ଜରୁରୀ କାମ ଓ ସୁବିଧା ଯୋଗାଇ ଦେବାକୁ ସରକାରୀ ଓ ବେସରକାରୀ ଅନୁଷ୍ଠାନ ମାନେ ବାଧ୍ୟ’ ।
ଦେଶରେ ବଢିଚାଲିଥିବା କରୋନା ମହାମାରୀ ଭିତରେ ୟୁଆଇଡିଏଆଇର ଏଭଳି ବୟାନ ଏକ ମହତ୍ୱପୂର୍ଣ୍ଣ ବୟାନ ଅଟେ । ଯଦି କୌଣସି ଲୋକ ପାଖରେ ଆଧାରକାର୍ଡ ନାହିଁ, ଯେଉଁଥିପାଇଁ ସେ ଜରୁରୀ ସେବାରୁ ବଂଚିତ ହେଉଛି ତେବେ ସେ ଆଧାର ଅଧିନିୟମ ୨୦୧୬ ରେ ନିର୍ଦ୍ଧାରିତ ବିଶିଷ୍ଟ ମାନଦଣ୍ଡ ମୁତାବକ ସେବା ପାଇବାକୁ ହକଦାର ବୋଲି ୟୁଆଇଡିଏଆଇ ମତ ଦେଇଛି ।