କନକ ବ୍ୟୁରୋ: ଆଧାର କାର୍ଡ ନଥିବାରୁ ମିଳିପାରୁନାହିଁ ସରକାରୀ ସହାୟତା । କାନ୍ଦି କାନ୍ଦି ଦୁଃଖ ବଖାଣିଲେ ଜୟପାଟଣା ବ୍ଲକ ଚିର୍କାର ଭିନ୍ନକ୍ଷମ ଯୁବତୀ ଶ୍ରୀମତି ଶବର । ପିଲାଦିନରୁ ଶ୍ରୀମତିଙ୍କର ଡାହାଣହାତ ନଥିବାରୁ ହୋଇପାରୁ ନାହିଁ ଆଧାରକାର୍ଡ । ଆଧାରକାର୍ଡ ପାଇଁ ଦୁଇ ହାତର ଫିଙ୍ଗର ପ୍ରିଂଟ ଦରକାର ହୋଇଥାଏ । କିନ୍ତୁ ଶ୍ରୀମତିଙ୍କ ଗୋଟିଏ ହାତ ନଥିବାରୁ ଆଧାରକାର୍ଡରୁ ବଂଚିତ ହୋଇଛନ୍ତି । ଆଉ ଆଧାରକାର୍ଡ ନଥିବାରୁ ବିଭିନ୍ନ ସରକାରୀ ସହାୟତାରୁ ମଧ୍ୟ ବଂଚିତ ହୋଇଛନ୍ତି ଶ୍ରୀମତି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
କ୍ୟାମେରା ଆଗରେ କାନ୍ଦି କାନ୍ଦି ଗୁହାରି କରୁଥିବା ଭିନ୍ନକ୍ଷମ ଆଦିବାସୀ ଯୁବତୀ ଜଣକ ହେଉଛନ୍ତି କଳାହାଣ୍ଡି ଜିଲ୍ଲା ଜୟପାଟଣା ବ୍ଲକ ଚିର୍କା ଗାଁର ଶ୍ରୀମତୀ ଶବର । ୨୪ ବର୍ଷୀୟା ଶ୍ରୀମତିଙ୍କର ଜନ୍ମରୁ ଡାହାଣ ହାତ ନାହିଁ । ୨୦୧୦ରୁ ତାଙ୍କୁ ଭିନ୍ନକ୍ଷମ ଭତା ମିଳୁଛି । କିନ୍ତୁ ଗୋଟିଏ ହାତ ପାପୁଲି ଯୋଗୁଁ ଆଧାର କାର୍ଡ ହୋଇପାରିନଥିବାରୁ ସରକାରୀ ଯୋଜନାରୁ ବଂଚିତ ହୋଇ ରହିଛନ୍ତି । ଏମିତିକି ଖାଦ୍ୟ ସୁରକ୍ଷା ଯୋଜନାରେ ସାମିଲ ହୋଇଥିଲେ ସୁଦ୍ଧା ଚାଉଳ ପାଇବାରୁ ବଂଚିତ ହୋଇଛନ୍ତି ।
ବାପା-ମା’ ଓ ଭାଇ ଦିନମଜୁରିଆରେ ଶ୍ରୀମତିଙ୍କ ପରିବାର ଚଳେ । ଘରର ଆର୍ôଥକ ପରିସ୍ଥିତି ଓ ଆଧାର କାର୍ଡ ନଥିବାରୁ ଉଚ୍ଚଶିକ୍ଷା ପାଇବାରୁ ମଧ୍ୟ ବଂଚିତ ହୋଇଛନ୍ତି ଶ୍ରୀମତୀ । ଆଧାର କାର୍ଡ ପାଇଁ ଭବାନୀପାଟଣା, ଧର୍ମଗଡ଼ ଓ ଜୟପାଟଣାକୁ ଯାଇ ଅନେକଥର ଆବେଦନ କରିଥିଲେ ବି ଏପର୍ଯ୍ୟନ୍ତ କୌଣସି ସୁଫଳ ମିଳିନାହିଁ । ତେଣୁ ଏକ କୃତ୍ରିମ ହାତ ଲଗାଇବା ପାଇଁ ସରକାରଙ୍କୁ ନିବେଦନ କରିଛନ୍ତି ପରିବାର ଲୋକେ ।