ସହଜ ପାସୱାର୍ଡ ରଖି ଠକେଇର ଶିକାର ହେଲେ ଯୁବକ। ମୋବାଇଲ ଚୋରି ହେବା ପରେ ଫୋନ ପେ’ରୁ ଦୁର୍ବୃତ୍ତ ନେଇଗଲା ୮୦ ହଜାରରୁ ଅଧିକ ଟଙ୍କା
କନକ ବ୍ୟୁରୋ: ସହଜ ପାସୱାର୍ଡ ଯେ କେତେ ମହଙ୍ଗା ହୋଇପାରେ ତାର ଏକ ଉଦାହରଣ ସାମ୍ନାକୁ ଆସିଛି । ସହଜ ପାସୱାର୍ଡ ରଖିଥିବାରୁ ଯୋଗୁ ଜଣେ ବ୍ୟକ୍ତିଙ୍କୁ ୮୦ ହଜାରରୁ ଅଧିକ ଠକେଇ ଶିକାର ହେବାକୁ ପଡିଛି । ୟୁପିଆଇ ପେମେଣ୍ଟପାଇଁ ଥିବା ଆପ୍ ‘ଫୋନ ପେ’ରେ ସହଜ ପାସୱାର୍ଡ ରଖିôଥିଲେ । ଚୋର ମୋବାଇଲ ଚୋରି କରିବାପରେ ଉକ୍ତ ଆପ ମଧ୍ୟରେ ଟଙ୍କା ନେଇଯାଇଥିଲେ । ଏଭଳି ଠକେଇର ଶିକାର ହୋଇଛନ୍ତି, କଟକ କମରପୁର ଅଞ୍ଚଳର ଯୁବକ ରାକେଶ କରଣ ।
Kanak News is now on WhatsApp
Join and get latest news updates delivered to you via WhatsApp
ରାକେଶ ଜଣେ ଗାଡି ଚାଳକ, ସେ ଗାଡି କାର ରଖି ଶୋଇଥିବା ବେଳେ କେହି ତାଙ୍କ ମୋବାଇଲ ଚୋରାଇ ନେଇଥିଲେ । ମୋବାଇଲରେ ତାଙ୍କର କୌଣସି ପାସୱାର୍ଡ ନ ଥିଲା । ଏବଂ ପାସୱାର୍ଡ ମନେ ରହୁନଥିବାରୁ ଅନଲାଇନ ପେମେଣ୍ଟ ଆପ୍ ଫୋନ ପେରେ ପାସୱାର୍ଡ ରଖିଥିଲେ ୧,୨,୩,୪,୫,୬ । ଚୋର ମୋବାଇଲ ନେବା ପରେ ପାସୱାର୍ଡ ମାରି ଟଙ୍କା ନେଇ ଯାଇଥିଲେ । ୧୦ ହଜାର , ୨୦ ହଜାର ଏପରି କରି ୮୦ ହଜାରରୁ ଅଧିକ ଟଙ୍କା ଉଠାଇ ନେଇଥିଲେ । ରାକେଶ ସିମ ଓ ବ୍ୟାଙ୍କ୍ ଆକାଉଂଟ ବ୍ଲକ କରିବା ମଧ୍ୟରେ ତାଙ୍କ ବ୍ୟାଙ୍କ ଆକାଉଣ୍ଟରୁ ସବୁ ଟଙ୍କା ଗାଏବ ହୋଇଯାଇଥିଲା । ମୋବାଇଲରେ ପାସୱାର୍ଡ ରଖିନଥିବା ବେଳେ ଫୋନ ପେ’ରେ ସହଜ ପାସୱାର୍ଡ ରଖିଥିବାରୁ ଏଭଳି ଠକେଇର ଶିକାର ହୋଇଥିବା କୁହାଯାଉଛି । ସେଥିପାଇଁ ଆମକୁ ସର୍ବଦା ଜଟିଳ ପାସୱାର୍ଡ ରଖିôବାକୁ ବିଭିନ୍ନ ଆପ ଏବଂ ସଂସ୍ଥା ପରାମର୍ଶ ଦେଇଥାଏ ।