ତେଲେଙ୍ଗାନାରେ ତିନି ତଲାକ ! ବେହେଡା ଦାନ୍ତ ପାଇଁ ତିନି ତଲାକ ଦିଆଯାଇଥିବା ଅଭିଯୋଗ ଆଣିଲେ ପୀଡିତା
କନକ ବ୍ୟୁରୋ: ତିନି ତଲାକକୁ ନେଇ ତେଲେଙ୍ଗାନାରେ ଆସିଛି ଏକ ଅଭିଯୋଗ । ସ୍ତ୍ରୀକୁ ତିନ୍ ତଲାକ୍ ଜରିଆରେ ସ୍ୱାମୀ ଛାଡି ଦେଇଥିବା ଥାନାରେ ଅଭିଯୋଗ ହୋଇଛି । ହାଇଦ୍ରାବାଦ୍ ଥାନାରେ ମହିଳା ଜଣକ ନିଜ ସ୍ୱାମୀ ମୁସ୍ତାଫାଙ୍କ ବିରୋଧରେ ଥାନାରେ ଏତଲା କରିଛନ୍ତି । ମହିଳାଙ୍କ ଦାନ୍ତ ଅସଜଡା ଥିବା କହି ମୁସ୍ତାଫା ତାଙ୍କୁ ତିନି ତଲାକ୍ ଦେଇଥିବା ଅଭିଯୋଗ ହୋଇଛି । ଏହା ସହିତ ଅଧିକ ଯୌତୁକ ଦାବିରେ ମହିଳାଙ୍କୁ ନିର୍ଯାତନା ଦିଆଯାଉଥିବାର ଅଭିଯୋଗ ମଧ୍ୟ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
Hyderabad: A woman, Rukhsana Begum, given triple talaq by husband Mustafa, allegedly for having misaligned teeth; says, “He abused me for months. One day, he uttered ‘talaq’ thrice & left. When I called him, he said there was no relation between us. I want justice”. #Telangana pic.twitter.com/dpizPXO8hM
— ANI (@ANI) November 1, 2019
ମହିଳା ନିଜ ବାପ ଘର ଯାଇଥିବା ବେଳେ ମୁସ୍ତାଫା ତାଙ୍କୁ ଫୋନ୍ କରି ଆଉ ନ ଆସିବାକୁ କହିଥିଲେ । ଏହାସହ ସେ ତାଙ୍କୁ ଚାଡପତ୍ର ଦେବେ ବୋଲି କହିଥିଲେ । ଗତ ଅକ୍ଟୋବର ୧୨ ତାରିଖରେ ନିଜ ସ୍ୱାମୀ ମୁସ୍ତାଫାଙ୍କୁ ପୋନ୍ ଯୋଗେ ଯୋଗାଯୋଗ କରିବାକୁ ଚେଷ୍ଟା କରୁଥିବାବେଳେ, ଫୋନ୍ ଜରିଆରେ ସେ ତିନିଥର ତଲାକ କହିଥିବା ମହିଳା ଥାନାରେ ଅଭିଯୋଗ କରିଛନ୍ତି । ଗତ ଅକ୍ଟୋବର ୩୧ ତାରିଖରେ ମୁସ୍ତାଫା ବିରୋଧରେ ଆଇପିସି ଧାରା ୪୯୮ ଏ ଆଧାରରେ ମାମଲା ରୁଜୁ ହୋଇଥିବା ପୋଲିସ୍ ପକ୍ଷରୁ ସୂଚନା ମିଳିଛି ।