ମାଟିରେ ରାକ୍ଷୀ ତିଆରି କରି ଚର୍ଚ୍ଚାରେ କେନ୍ଦ୍ରାପଡ଼ା ଡେରଗାଁର ମହିଳା । ଓରମାସ ପକ୍ଷରୁ ମିଳିଛି ସମସ୍ତ ପ୍ରକାର ସହାୟତା
କନକ ବ୍ୟୁରୋ : ଆଗକୁ ଆସୁଛି ରାକ୍ଷୀ ପୁନେଇ । ଭାଇ ହାତରେ ଭଉଣୀ ବାନ୍ଧିବ ସମ୍ପର୍କର ଡ଼ୋରୀ । ଆଉ ଏଇଥିପାଇଁ ରାଖି ବଜାର ଏବେ ବେଶ ଚଳଚଂଚଳ ହୋଇପଡ଼ିଲାଣି । ରାକ୍ଷୀ କିଣିବାକୁ ଦୋକାନରେ ଜମୁଛି ଗ୍ରାହକଙ୍କ ଗହଳି । ଚଳିତ ବର୍ଷ ଷ୍ଟୋନ୍ ରାଖି, କଣ୍ଢେଇ ରାଖି ଏବଂ ଛୋଟ ପିଲାଙ୍କୁ ଆକୃଷ୍ଟ କରିବା ପାଇଁ କାର୍ଟୁନ୍ ରାଖୀ ବଜାରକୁ ଆସିଛି । ଗାଁଠୁ ଆରମ୍ଭ କରି ସହର ପର୍ଯ୍ୟନ୍ତ ସବୁଠି ଜମୁଛି ରାଖୀ ବେପାର ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ବଜାରରେ ଟେରାକୋଟା ରାକ୍ଷୀର ବେଶ ଚାହିଦା ରହିଥିବା ବେଳେ କେନ୍ଦ୍ରାପଡ଼ା ମହାକାଳପଡ଼ା ତେରଗାଁର ଏସଏଚଜି ମହିଳାମାନେ ଏହି ରାକ୍ଷୀ ପ୍ରସ୍ତୁତ କରୁଛନ୍ତି । ପ୍ରଥମେ ଏଥିପାଇଁ ଆବଶ୍ୟକ ହେଉଥିବା କାଦୁଅକୁ ସଂଗ୍ରହ କରି ମହିଳା ମାନେ ଚକଟିବା ପରେ ଛାଞ୍ଚରେ ରଖି ବିଭିନ୍ନ ଆକୃତି ଦେଇଥାଆନ୍ତି । ରାକ୍ଷୀ ତିଆରି କରିବାର ଦୁଇରୁ ତିନି ଦିନ ଖରାରେ ସୁଖାଇବା ପରେ ଏହାକୁ ଭାଟିରେ ପୋଡ଼ି ଥାଆନ୍ତି । ଏହାପରେ ବିଭିନ୍ନ ରଙ୍ଗ, ମାଳି ଦେଇ ପ୍ୟାକେଟିଂ କରି ବଜାରକୁ ବିକ୍ରି ପାଇଁ ପଠାଉଛନ୍ତି । କିଛି ରୋଜଗାର କରି ନିଜେ ଆତ୍ମନିର୍ଭର ହୋଇପାରୁଛନ୍ତି ।
ଖାଲି ମାଟି ରାଖୀ ନୁହେଁ କଣ୍ଢେଇ, ଦୀପ, ହାତୀ, ଘୋଡ଼ା, ଗଣେଶ ଓ ବୋଇତ ତିଆରି କରୁଛନ୍ତି ଏହି ଗ୍ରୁପର ସଦସ୍ୟା । ଜିଲ୍ଲା ଶିଳ୍ପ କେନ୍ଦ୍ରରୁ ସେମାନଙ୍କୁ ତାଲିମ ମିଳିଥିବା ବେଳେ ଓରମାସ୍ ପକ୍ଷରୁ ସେମାନଙ୍କୁ ସମସ୍ତ ପ୍ରକାର ସହାୟତା ଯୋଗାଇ ଦିଆଯାଇଛି ।