ରାଉରକେଲାରେ ଦେଖିବାକୁ ମିଳିଲା ନିଆରା ଦୃଶ୍ୟ। ରଙ୍ଗ ବଦଳରେ କାଦୁଅରେ ଖେଳିଲେ ହୋଲି।

କନକ ବ୍ୟୁରୋ: ରାଜ୍ୟ ତଥା ଦେଶରେ ହୋଲିର ଧୁମ ଚାଲିଛି । ହେଲେ ରାଉରକେଲାରେ ଦେଖିବାକୁ ମିଳିଛି ନିଆରା ହୋଲି ଖେଳ । ରଙ୍ଗ ବଦଳରେ କାଦୁଅରେ ହୋଲି ଖେଳ ଚାଲିଛିା ରାଉରକେଲା ଛେଣ୍ଡସ୍ଥିତ ଟିସ୍କୋ ଖାଦାନ ଅଞ୍ଚଳରେ ଏହି କାଦୁ ହୋଲିର ଦୃଶ୍ୟ ଦେଖିବାକୁ ମିଳିଛି ।

ଟ୍ୟାପ ପାଣିକୁ ଏକ ପାଇପରେ ଆଣି ଏକ ଖୋଲା ସ୍ଥାନର ଧୁଳିକୁ କାଦୁଅ କରାଯାଇଛି । ଆଉ ସେହି କାଦୁଅରେ ଗଡାତଡା ହୋଇ ହୋଲିର ମଜା ନେଉଛନ୍ତି ବାଳକବାଳିକା । କେତେବେଳେ ସାଙ୍ଗ ସାଥୀଙ୍କୁ ଉଠାଇ ଆଣି କାଦୁଅରେ ଶୁଆଇ ଦେଉଛନ୍ତି । ପୁଣି କେତେବେଳେ କାଦୁଅ ବୋଲି ହୋଲିର ଉତ୍ସବର ମଜା ନେଉଛନ୍ତି ।