ଆମେରିକା ରାଷ୍ଟ୍ରପତି ନିର୍ବାଚନରେ ରୋମାଂଚକର ମୋଡ଼ : ଟ୍ରମ୍ପ ଓ ବାଇଡେନ୍ ମଧ୍ୟରେ କଡା ମୁକାବିଲା ; ସାରା ବିଶ୍ୱରେ ଫଳାଫଳକୁ ନେଇ ଉତ୍କଣ୍ଠା
ଆଗରେ ଡେମୋକ୍ରେଟ ଜୋ ବାଇଡେନ୍
କନକ ବ୍ୟୁରୋ : ଆମେରିକାର ରାଷ୍ଟ୍ରପତି ନିର୍ବାଚନର ଭୋଟ ଗଣତି ଚାଲିଛି ଆଉ ତାହାରି ଉପରେ ରହିଛି ସାରା ବିଶ୍ୱର ନଜର । ଆମେରିକା ଇତିହାସରେ ପ୍ରଥମ ଥର ପାଇଁ ଦୁଇ ପ୍ରତିଦ୍ୱନ୍ଦ୍ୱୀଙ୍କ ମଧ୍ୟରେ ଏତେ କଡା ମୁକାବିଲା ହେଉଛି । ସବୁଠାରୁ ପୁରୁଣା ଗଣତନ୍ତ୍ର ତଥା ସବୁଠାରୁ ଶକ୍ତିଶାଳୀ ରାଷ୍ଟ୍ରର ରାଷ୍ଟ୍ରପତି ନିର୍ବାଚନ ଏତେ ପ୍ରତିଦ୍ୱନ୍ଦିତାପୂର୍ଣ୍ଣ ହେବ ବୋଲି କେହି ଭାବି ପାରି ନଥିଲେ । ଭାରତୀୟ ସମୟ ବୁଧବାର ସକାଳ ସାଢ଼େ ୬ଟାରୁ ଆରମ୍ଭ ହୋଇଥିବା ଗଣତି ଜାରି ରହିଛି । ଶେଷ ଖବର ଅନୁସାରେ ଡେମୋକ୍ରାଟ ଦଳର ପ୍ରାର୍ଥୀ ଜୋ ବାଇଡେନ ୨୬୪ ଆସନରେ ବିଜୟୀ ହୋଇଥିବା ବେଳେ ରାଷ୍ଟ୍ରପତି ଟ୍ରମ୍ପ ୨୧୪ଟି ଆସନରେ ବିଜୟୀ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କିନ୍ତୁ ପ୍ରତି ଘଂଟାରେ ବଦଳିବାର ସମ୍ଭାବନା ରହିଥିବା ଏହି ଅଙ୍କ କାହାକୁ ରାଷ୍ଟ୍ରପତି ଆସନରେ ବସାଇବ ତାକୁ ନେଇ ସାରା ବିଶ୍ୱରେ ଉକ୍ରଣ୍ଠା ଦେଖା ଦେଇଛି । ନିର୍ବାଚନ ଜିତିବା ପାଇଁ ୨୭୦ ଇଲେକ୍ଟୋରାଲ କଲେଜ ଭୋଟ ଆବଶ୍ୟକ । ବର୍ତମାନର ହିସାବ ଅନୁସାରେ ଜୋ ବାଇଡେନ ମୋଟ ୫୦. ୩୫ ପ୍ରତିଶତ ଭୋଟ ପାଇଥିବା ବେଳେ ଡୋନାଲ୍ଡ ଟ୍ରମ୍ପ ୪୮.୦୩ ପ୍ରତିଶତ ଭୋଟ ପାଇଛନ୍ତି ।
ସେପଟେ ଡୋନାଲ୍ଡ ଟ୍ରମ୍ପ ପେନ୍ସିଲ୍ ଭାନିଆ, ମିଚିଗାନ୍ରେ ଭୋଟ ଗଣନା ସ୍ଥଗିତ ରଖିବାକୁ ଆବେଦନ କରିଛନ୍ତି । ତେବେ ଚଳିତ ନିର୍ବାଚନରେ ତାଙ୍କ ଦଳ ହିଁ ବିଜୟୀ ହେବ ବୋଲି କହିଛନ୍ତି ରାଷ୍ଟ୍ରପତି ପ୍ରାର୍ଥୀ ଜୋ ବାଇଓଡେନ ।