ପାଲଲହଡ଼ାରୁ ଆସିଲା ବନ୍ୟା ସ୍ଥିତିର ଦୟନୀୟ ଚିତ୍ର : ବିପଦ ସଂକୁଳ ଅବସ୍ଥାରେ ଉଛୁଳା ନାଳ ପାର୍ ହେଉଛି ଅସୁସ୍ଥ ଶିଶୁ; ଦଉଡ଼ି ଭରସାରେ ପାରି ହେଲା ନାଳ, ବନ୍ୟା ଯୋଗୁଁ ଭୁଷୁଡି ଯାଇଛି କାଠ ପୋଲ
କନକ ବ୍ୟୁରୋ : ଲଗାଣ ବର୍ଷା ଯୋଗୁଁ ସୃଷ୍ଟି ହୋଇଥିବା ବନ୍ୟା ସ୍ଥିତି କେତେ ବଡ଼ ସମସ୍ୟା ସୃ୍ଷ୍ଟି କରିପାରେ ତାର ଏକ ଦୟନୀୟ ଚିତ୍ର ଆସଛି ପାଲଲହଡ଼ାରୁ । ବତିସୂଆଁ ପଂଚାୟତ ବାଳୀମ ଗାଁରେ ଥିବା ନୁଦେଇ ନାଳରେ ବନ୍ୟା ଜଳ ଯୋଗୁଁ ସେଠି ଥିବା ଅସ୍ଥାୟୀ ପୋଲ ଭୁଷୁଡି ଯାଇଛି । ଆଉ ଠିକ୍ ଏମିତି ବେଳେ ନାଳର ବଢ଼ି ପାଣିରେ ଦଉଡିକୁ ସାହାରା କରି ଏକ ଶିଶୁକୁ ନାଳ ପାର କରୁଛନ୍ତି ତାଙ୍କ ପରିବାର ଲୋକ । ସୂଚନା ଅନୁସାରେ ଶିଶୁର ଦେହ ଅଚାନକ୍ ବିଗିଡ଼ି ଯିବାରୁ ପାଲଲହଡ଼ା ହସ୍ପିଟାଲ ନେବା ପାଇଁ ଏଭଳି ବିପଦ ସଂକୁଳ ଅବସ୍ଥାରେ ନାଳ ପାରି କରାଯାଉଛି । ନାଳରେ ଛାତିଏ ପାଣିର ବନ୍ୟାଜଳ ପ୍ରଭାବିତ ହେଉଥିବା ବେଳେ କୁନି ପିଲାଟିକୁ କାଖରେ ଧରି ନାଳ ପାରି କରାଯାଇଛି । ବନ୍ୟା ପାଣିରେ ଅସ୍ଥାୟୀ ପୋଲ ସଂପୂର୍ଣ୍ଣ ଭାଙ୍ଗି ଯାଇଛି । ଯାହା ଫଳରେ ଗାଁର ଲୋକ ସୂଂପର୍ଣ୍ଣ ଜଳବନ୍ଦୀର ଜୀବନ କାଟୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବର୍ଷ ବର୍ଷ ଧରି ଗାଁ ଲୋକ ପୋଲ ନିର୍ମାଣ ପାଇଁ ଦାବି କରି ଆସୁଥିଲେ ମଧ୍ୟ ପ୍ରଶାସନ କର୍ଣ୍ଣପାତ କରୁନଥିବା ଅଭିଯୋଗ ହୋଇଛି । ଏଭଳି ସ୍ଥିତିରେ ଏକ ଅସ୍ଥାୟୀ କାଠ ପୋଲ ନିର୍ମାଣ କରିଥିଲେ ଗାଁ ଲୋକ । ହେଲେ ଏଥର ଲଗାଣ ବର୍ଷା ଯୋଗୁଁ ତାହା ସଂପୂର୍ଣ୍ଣ ଭୁଷୁଡି ପଡ଼ିଛି । ଆଉ ଠିକ୍ ଏହି ସମୟରେ ଗାଁର ଜଣେ କୁନି ପିଲା ଅସୁସ୍ଥ ହୋଇଯିବାର ଅତି ଦୟନୀୟ ଏବଂ ବିପଦ ସଂକୁଳ ଅବସ୍ଥାରେ ନାଳ ପାର କରାଯାଇଛି ।