କ୍ୱାଡ ଦେଶର କଡ଼ା ଆଭିମୁଖ୍ୟ, ଯୁଦ୍ଧ ପାଇଁ ରୁଷକୁ ମିଳିବ ଦଣ୍ଡ
କନକ ବ୍ୟୁରୋ: ୟୁକ୍ରେନରେ ଯୁଦ୍ଧ ପାଇଁ ରୁଷିଆକୁ ଦଣ୍ଡିତ କରିବା ଜରୁରୀ । ରୁଷକୁ ଗୋଟିଏ ପରେ ଗୋଟିଏ ଅପରାଧ ପାଇଁ ଅନୁମତି ଦିଆଯାଇପାରିବ ନାହିଁ । କ୍ୱାଡ ଦେଶ ବୈଠକରେ ୟୁକ୍ରେନ-ରୁଷିଆ ଯୁଦ୍ଧକୁ ନେଇ ଆଲୋଚନା ପରେ ଏପରି ମିଳିତ ବିବୃତି ଜାରି କରିଛନ୍ତି କ୍ୱାଡ ଦେଶ ସମୂହ । ରୁଷିଆକୁ ନେଇ କ୍ୱାଡ ଦେଶ ସମୂହ କଡ଼ା ଆଭିମୁଖ୍ୟ ଦେଖାଇଛନ୍ତି । ଦିଲ୍ଲୀରେ କ୍ୱାଡ ଦେଶ ସମୁହଙ୍କ ବୈଠକରେ ରୁଷ-ୟୁକ୍ରେନ ଯୁଦ୍ଧ ପ୍ରସଙ୍ଗରେ ଆଲୋଚନା ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଯୁଦ୍ଧରେ ରୁଷର ଆଣବିକ ଅସ୍ତ୍ରଶସ୍ତ୍ର ବ୍ୟବହାର ଧମକ ମଧ୍ୟ ଆଦୌ ଗ୍ରହଣୀୟ ନୁହେଁ ବୋଲି କ୍ୱାଡ ଦେଶ କହିଛନ୍ତି । ଏଥିସହ ଯୁଦ୍ଧରେ ହୋଇଥିବା କ୍ଷତିକୁ ନେଇ କ୍ୱାଡ ଦେଶ ଦୁଃଖ ପ୍ରକାଶ କରିଛନ୍ତି । ଭାରତୀୟ ବୈଦେଶିକ ମନ୍ତ୍ରୀ ଏସ ଜୟଶଙ୍କର, ଆମେରିକା, ଜାପାନ, ଅଷ୍ଟ୍ରେଲିଆର ପ୍ରତିପକ୍ଷ ନେତାଙ୍କୁ ଭେଟିଛନ୍ତି ।