ଦୀପାବଳିରେ ଟିମ୍ ଇଣ୍ଡିଆର ରନ୍ ବର୍ଷା । ନେଦରଲ୍ୟାଣ୍ଡସ୍ ଆଗରେ ୪୧୧ ରନର ଟାର୍ଗେଟ । ଶ୍ରେୟସ ଆୟର ଓ କେଏଲ ରାହୁଲଙ୍କ ଦମଦାର ଶତକ
କନକ ବ୍ୟୁରୋ: ଦୀପାବଳିରେ ବାଙ୍ଗାଲୋର ଚିନ୍ନାସ୍ୱାମୀ ଷ୍ଟାଡିୟମରେ ଭାରତୀୟ ବ୍ୟାଟରଙ୍କ ଆତସବାଜି । ଅନ୍ତିମ ଲିଗ୍ ମ୍ୟାଚରେ ଟିମ୍ ଇଣ୍ଡିଆର ଦମଦାର ପ୍ରଦର୍ଶନ । କେ. ଏଲ ରାହୁଲ-ଶ୍ରେୟାସ ଆୟରଙ୍କ ବିସ୍ଫୋରକ ଶତକ ସାଙ୍ଗକୁ କୋହଲି, ରୋହିତ, ଶୁଭମନଙ୍କ ଅର୍ଦ୍ଧଶତକ । ନେଦରଲ୍ୟାଣ୍ଡ ସମ୍ମୁଖରେ ୪୧୧ ରନର ବିରାଟ ବିଜୟ ଲକ୍ଷ୍ୟ ରଖିଛି ଭାରତୀୟ ଦଳ ।
Kanak News is now on WhatsApp
Join and get latest news updates delivered to you via WhatsApp
ଚଳିତ ବିଶ୍ୱକପରେ ଟିମ୍ ଇଣ୍ଡିଆ ନିଜର ଅପରାଜେୟ ଧାରା ଜାରି ରଖିଥିବା ବେଳେ ଅନ୍ତିମ ଲିଗ୍ ମ୍ୟାଚରେ ମଧ୍ୟ କମାଲ ଦେଖାଇଛନ୍ତି ଇଣ୍ଡିିଆନ ବ୍ୟାଟର । ଶ୍ରେୟସ ଆୟର ଶେଷ ପର୍ଯ୍ୟନ୍ତ କ୍ରିଜରେ ରହି ୧୨୮ ରନର ପାରି ଖେଳିଥିବା ବେଳେ କେ.ଏଲ ରାହୁଲ ୬୪ଟି ବଲରେ ୧୦୨ ରନର ଇନିଂସ ଖେଳିଛନ୍ତି । କ୍ୟାପଟେନ ରୋହିତ ଶର୍ମା ୫୪ବଲରେ ୮ଟି ଚୌକା, ୨ଟି ଛକା ବଳରେ ୬୧ ରନ ସଂଗ୍ରହ କରିଥିବା ବେଳେ ଶୁଭମନ ଗିଲ ମାତ୍ର ୩୨ଟି ବଲ ଖେଳି ୩ଟି ଚୌକା, ୪ଟି ଛକା ସହ ୫୧ରନ ସଂଗ୍ରହ କରିଛନ୍ତି ।
ସେହିପରି କିଙ୍ଗ୍ କୋହଲି ଆଜିର ମ୍ୟାଚରେ ୫ଟି ଚୌକା ଗୋଟିଏ ଛକା ବଳରେ ୫୧ ରନ ସଂଗ୍ରହ କରି ନିଜ କ୍ୟାରିୟରର ୭୧ତମ ଅର୍ଦ୍ଧଶତକ ହାସଲ କରିଛନ୍ତି । ବୁଧବାର ନ୍ୟୁଜିଲାଣ୍ଡ ସହ ସେମିଫାଇନାଲ ଲଢେଇ ପୂର୍ବରୁ ଆଜିର ପ୍ରଦର୍ଶନ ଖେଳାଳିଙ୍କ ମଧ୍ୟରେ ଜୋଶ ଭରିଛି । ସେମି ଲଢେଇ ପୂର୍ବରୁ ଭାରତୀୟ ଟପ ଅର୍ଡର ସମେତ ସମସ୍ତ ଖେଳାଳିି ଫର୍ମରେ ରହିଥିବା ଆଜିର ମ୍ୟାଚରେ ପ୍ରମାଣିତ ହୋଇଛି । ବିଶ୍ୱକପର ଅନ୍ତିମ ମ୍ୟାଚରେ ଦୁଇଟି ଶତକ ସାଙ୍ଗକୁ ୩ଟି ଅର୍ଦ୍ଧଶତକ ଭାରତୀୟ ଟିମ୍ର ବ୍ୟାଟିଂ ଦକ୍ଷତାର ପ୍ରମାଣ ଦେଇଛି ।