ସୁଖୋଇ-୩୦ ଓ ମିରାଜ୍-୨୦୦ ବିମାନ ଦୁର୍ଘଟଣାଗ୍ରସ୍ତ : ଗ୍ୱାଲିଅର ଏୟାରବେସରୁ ଉଡାଣ ଭରିଥିଲା ୨ଟି ବିମାନ

କନକ ବ୍ୟୁରୋ : ମଧ୍ୟପ୍ରଦେଶରେ ବଡ ବିମାନ ଦୁର୍ଘଟଣା । ବାୟୁସେନାର ଦୁଇଟି ବଡ ବିମାନ ଦୁର୍ଘଟଣାଗ୍ରସ୍ତ । ସୁଖୋଇ-୩୦ ଓ ମିରାଜ୍-୨୦୦ ବିମାନ ଦୁର୍ଘଟଣାଗ୍ରସ୍ତ ହୋଇଛି । ଗ୍ୱାଲିଅର ଏୟାରବେସରୁ ଦୁଇଟି ବିମାନ ଉଡାଣ ଭରିଥିଲା ।

#WATCH | Wreckage seen. A Sukhoi-30 and Mirage 2000 aircraft crashed near Morena, Madhya Pradesh. Search and rescue operations launched. The two aircraft had taken off from the Gwalior air base where an exercise was going on. pic.twitter.com/xqCJ2autOe

— ANI (@ANI) January 28, 2023

ବିମାନ ଦୁର୍ଘଟଣାଗ୍ରସ୍ତ ହେବା ପରର ଦୃଶ୍ୟ ସାମ୍ନାକୁ ଆସିଛି । ତଳକୁ ଖସି ପଡିବା ପରେ ଜଳି ଯାଇଛି ବିମାନ । ତେବେ କେମିତି ଏହି ଦୁର୍ଘଟଣା ଘଟିଲା ଜଣାପଡ଼ି ନାହିଁ । ତାଲିମ ବେଳେ ଏପରି ଘଟିଥିବା କୁହାଯାଉଛି । ଗ୍ୱାଲିଅରର ଏୟାରବେସରୁ ଏହି ଦୁଇଟି ବିମାନ ଉଡ଼ାଣ ଆରମ୍ଭ କରିଥିଲେ । ହେଲେ କିଛି ସମୟ ପରେ ଦୁର୍ଘଟଣାଗ୍ରସ୍ତ ହୋଇଛି । କ୍ଷୟକ୍ଷତି ବିଷୟରେ ଜଣାପଡ଼ି ନାହିଁ । ଉଦ୍ଧାର କାର୍ଯ୍ୟ ଜାରି ରହିଛି । ଘଟଣାସ୍ଥଳରେ ଉଦ୍ଧାରକାରୀ ଦଳ ପହଞ୍ଚି ସାରିଛନ୍ତି ।

ସୁଖୋଇରେ ଥିବା ଦୁଇ ଜଣ ପାଇଲଟଙ୍କୁ ଉଦ୍ଧାର କରାଯାଇଛି । ତେବେ ମିରାଜରେ ଥିବା ପାଇଲଟଙ୍କୁ ଠାବ କରାଯାଇପାରି ନାହିଁ । ଉଦ୍ଧାର ହୋଇଥିବା ଦୁଇ ପାଇଲଟଙ୍କୁ ହେଲିକପ୍ଟର ଯୋଗେ ଚିକିତ୍ସା ପାଇଁ ସ୍ଥାନାନ୍ତର କରାଯାଇଛି । ଦୁର୍ଘଟଣା ନେଇ ବୟେୁସେନା ମୁଖ୍ୟଙ୍କ ସହ କଥା ହୋଇଛନ୍ତି ପ୍ରତିରକ୍ଷାମନ୍ତ୍ରୀ ରାଜନାଥ ସିଂ । ସେହିପରି ସିଡିଏସ୍ ଅନୀଲ ଚୌହ୍ୱାନ ମଧ୍ୟ ପ୍ରତିରକ୍ଷାମନ୍ତ୍ରୀଙ୍କ ସହ କଥା ହୋଇଛନ୍ତି ।