କନକ ବ୍ୟୁରୋ: ଦାଦନ ଶ୍ରମିକଙ୍କୁ ନେବା ପାଇଁ ଆସିଛି ସ୍ୱତନ୍ତ୍ର ଶ୍ରମିକ । ଏହି ବସ ଆସିଛି କେରଳରୁ କେନ୍ଦ୍ରାପଡା । ରାଜନଗରର ସାତଭାୟାରୁ କେରଳ ୨୫୦୦ କିମି । ଏହି ବସରେ ଶ୍ରମିକ ଯିବେ ଦାଦନ ଖଟି । ଦାଦନଙ୍କ ପାଇଁ ସ୍ୱତନ୍ତ୍ର ବସ ଚାଲିବା ହୁଏତ ଭାରତରେ ପ୍ରଥମ ବୋଲି କୁହାଯାଉଛି ।

Advertisment

ଓଡିଶାରେ କାମ ମିଳୁନି । ଯଦି କାମ ମିଳୁଛି, ସେ ତୁଳନାରେ ପାରିଶ୍ରମିକ ମିଳୁ ନଥିବାରୁ ନିଜ ପରିବାରର ଆର୍ôଥକ ଅନାଟନକୁ ଦୂରକରିବା ପାଇଁ ଏହି ଯୁବକ ଯୁବତୀ ମାନେ ଅନ୍ୟ ରାଜ୍ୟକୁ ଦାଦନ ଖଟିବାକୁ ଯାଉଛନ୍ତି । ବିଶେଷକରି ସାତଭାୟା ପଂଚାୟତ ବାସୀଙ୍କର ଚାଷ ଜମି ସମୁଦ୍ର ଗର୍ଭରେ ଲୀନ ହୋଇଯାଇଛି । ଗାଁରେ ଚାଷବାସ ନଥିବାରୁ ପରିବାର ଛାଡି ଦାଦନ ଖଟିବାକୁ ଅନ୍ୟତ୍ର ଯାଉଛୁ ବୋଲି ଏହି ଶ୍ରମିକମାନେ କହିଛନ୍ତି । ସାତଭାୟାବାସୀଙ୍କ ଚାଷ ଜମି ସମୁଦ୍ର ଗର୍ଭରେ ଚାଲି ଯାଇଥିବା ବେଳେ ଆଉ ଯେତିକି ବି ଅଛି ଲୁଣା ମାଡିଯାଇଛି । ଜୀବନ ବଂଚିଯାଇଛି ମାତ୍ର ଜୀବିକା ଉଜୁଡି ଯାଇଛି । ଏବେ ପରିବାର ପେଟପାଟଣା ପାଇଁ ଯାଉଛନ୍ତି ଦାଦନ ଖଟିବାକୁ  । ଅନ୍ୟ ପଟେ ସାତଭାୟାବାସୀଙ୍କୁ କିପରି ଆତ୍ମ ନିର୍ଭରଶୀଳ କରାଯାଇ ପାରିବ, ସେ ନେଇ ପଦକ୍ଷେପ ନିଆ ଯାଉଛି ବୋଲି କେନ୍ଦ୍ରାପଡା ଜିଲ୍ଲାପାଳ କହିଛନ୍ତି ।