ମୁଁ ଭିକମାଗିବାକୁ ଚାହୁଁନି… ଦୟାକରି ୧୦ ଟଙ୍କା ଦେଇ ମୋ ପେନ୍ କିଣନ୍ତୁ…
କନକ ବ୍ୟୁରୋ : ଆଜିକାଲି ଅସହାୟଙ୍କ ପାଇଁ ବରଦାନ ସାଜିଛି ସୋସିଆଲ ମିଡିଆ । ଇଂଷ୍ଟାଗ୍ରାମ୍, ଟ୍ୱିଟର, ଫେସବୁକ୍ ଏବଂ ୟୁଟୁବରେ ଯଦି କୌଣସି ଅସହାୟ ଗରିବ ବ୍ୟକ୍ତିଙ୍କ ଭିଡିଓ ଭାଇରାଲ ହେଉଛି, ତେବେ ତାଙ୍କ ପାଖରେ ତୁରନ୍ତ ସହାୟତା ପହଞ୍ଚିପାରୁଛି । ବାବାକା ଢାବା କଥା ହେଉ କି ବର୍ତ୍ତମାନ ଇଂଷ୍ଟାଗ୍ରାମରେ ଭାଇରାଲ ହେଉଥିବା କୁନି ପିଲାର ଗୁପଚୁପ୍ ଠେଲା କଥା ହେଉ । ସୋସିଆଲ ମିଡିଆ ଏମାନଙ୍କର ଭାଗ୍ୟ ଖୋଲିଦେଇଛି । ଠିକ୍ ସେହିଭଳି ଆଉଅକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଯେଉଁଥିରେ ଜଣେ ବୁଢି ମାଆ ରାସ୍ତା କଡରେ ପେନ୍ ବିକ୍ରି କରୁଛନ୍ତି ।
ବୁଢି ମାଆ ଜଣକ ହାତରେ ଏକ ପୋଷ୍ଟର ଧରିଛନ୍ତି । ସେଥିରେ ଲେଖାହୋଇଛି ମୁଁ ଭିକ୍ଷା ମାଗୁନି । ଦୟାକରି ମୋ ପେନକୁ କିଣନ୍ତୁ, ପେନର ମୂଲ୍ୟ ମାତ୍ର ୧୦ ଟଙ୍କା । ଭଗବାନ ଆପଣଙ୍କ ମଙ୍ଗଳ କରିବେ ।
Kanak News is now on WhatsApp
Join and get latest news updates delivered to you via WhatsApp
Ratan, an incredible senior citizen from Pune, has forgone begging on the streets by putting her efforts into selling colourful pens and is earning her wages with pride and hard work. Her dedication to an honest living should act as an inspiration to all of us. pic.twitter.com/x3gzq7VKmB
— Vijayasai Reddy V (@VSReddy_MP) October 17, 2021
ଦୁନିଆରେ ଅନେକ ଲୋକ ଅଛନ୍ତି, ଯେଉଁମାନଙ୍କ ପାଖରେ କାମ କରିବର କ୍ଷମତା ଥାଇ ମଧ୍ୟ ସେମାନେ ଭିକ୍ଷାମାଗୁଛନ୍ତି । କାମ ନକରି ଭିକ୍ଷାବୃତ୍ତିକୁ ଆପଣାଉଛନ୍ତି । କିନ୍ତୁ ପୁଣେ ଏମଜି ରୋଡ ଉପରେ କଲମ ବିକୁଥିବା ଏହି ବଢି ମାଆ ସମସ୍ତଙ୍କ ପାଇଁ ଏକ ପ୍ରେରଣା ସାଜିଛନ୍ତି ।
ଏହି ବୃଦ୍ଧାଙ୍କ ନାଁ ହେଉଛି ରତନ, ସେ ଦୀର୍ଘଦିନ ହେବ ପୁଣେର ଏମଜି ରୋଜରେ କଲମ ବିକ୍ରି କରି ନିଜର ଗୁଜୁରାଣ ମେଣ୍ଟାଉଛନ୍ତି । ଆଉ ଏହାର ଏକ ଫଟୋ ସାଂସଦ ‘ବିଜୟସାଇ ରେଡି ଭି’ ତାଙ୍କ ଅଫିସିୟାଲ ଟ୍ୱିଟର ପେଜରେ ସେୟାର କରିଛନ୍ତି । ଏହି ଟ୍ୱିଟ୍ ଏବେ ଭାଇରାଲ ହେବା ସହ ଅନେକ ଲୋକ ଏହା ଉପରେ ପ୍ରତିକ୍ରିୟା ପ୍ରକାଶ କରିଛନ୍ତି ।