ଜଗାଙ୍କ ସେବାରେ ରାଣୀ। ମଧୁପୁରଗଡ଼ ରାଣୀ କଲେ ଛେରାପହଁରା
କନକ ବ୍ୟୁରୋ: ରଥଯାତ୍ରାରେ ଯାଜପୁର ମଧୁପୁର ଗଡରାଣୀ ଅପର୍ଣ୍ଣା ଧୀର ନିଜ ରାଜବଂଶର ଜଗନ୍ନାଥ ମନ୍ଦିରରେ ପ୍ରଭୁଙ୍କ ସେବାର ସୁଯୋଗ ପାଇଛନ୍ତି । ଯାଜପୁରରେ ଏବେ ବି ଜଗାସେବାରେ ମହିଳା ସଂପୃକ୍ତ ଅଛନ୍ତି । ମଧୁପୁର ଗଡରାଣୀ ରଥଯାତ୍ରା ସମୟରେ ୧୫ ବର୍ଷ ହେବ ଛେରାପହଁରା କରିଆସୁଛନ୍ତି । ରାଜ୍ୟର ପୁରାତନ ରାଜବଂଶର ଦାୟାଦ ଭାବରେ ରାଜଜେମା ଅପର୍ଣ୍ଣା ଧୀର ନରେନ୍ଦ୍ର ସିଂ ପ୍ରଭୁ ଜଗନ୍ନାଥଙ୍କ ସେବା ବିଗତ କିଛିବର୍ଷ ଧରି କରିଆସୁଛନ୍ତି । ଗଡ ମଧୁପୁରର ରାଜା ବୀରବର କୃଷ୍ଣପ୍ରସାଦ ଧୀର ନରେନ୍ଦ୍ର ସିଂଙ୍କ ୨୦୦୭ରେ ପରଲୋକ ହୋଇଥିଲା । ତାଙ୍କର ଉତ୍ତରାଧିକାରିଣୀ ଭାବେ ତାଙ୍କ ଝିଅ ଅପର୍ଣ୍ଣା ଧୀର ୨୦୦୮ରେ ରାଜଗାଦିରେ ବସିଥିଲେ । ସେହିଦିନଠାରୁ ୧୫ ବର୍ଷ ହେଲା ରଥ ଯାତ୍ରାରେ ଜଗନ୍ନାଥଙ୍କ ଛେରାପହଁରା ସହ ଅନ୍ୟାନ୍ୟ ସେବା କରିଆସୁଛନ୍ତି ରାଣୀ । ରାଣୀଙ୍କ ଛେରାପହଁରା ଦେଖିବାକୁ ଭକ୍ତଙ୍କ ଭିଡ ଦେଖିବାକୁ ମିଳିଥିଲା
Kanak News is now on WhatsApp
Join and get latest news updates delivered to you via WhatsApp
କେନ୍ଦୁଝରଗଡ ବଡଦାଣ୍ଡରେ ଗଡିଲା ବିଶ୍ୱର ଉଚ୍ଚତମ ଜଗନ୍ନାଥଙ୍କ ରଥ । ଗୀନିଜ୍ ବୁକ ଅଫ ୱାର୍ଲଡ ରେକର୍ଡସରେ ଏହାକୁ ବିଶ୍ୱର ଉଚ୍ଚତମ ରଥ ଭାବେ ମାନ୍ୟତା ଦିଆଯାଇଛି । ଏଠାରେ ଗୋଟିଏ ରଥରେ ଚତୁର୍ଦ୍ଦାମୂର୍ତି ରଥାରୁଢା ହୋଇଛନ୍ତି । ବଳଦେବଜୀଉ ମନ୍ଦିର ଆଗରେ ଥିବା ରଥରେ ୩ ଠାକୁର ଧାଡିପହଣ୍ଡିରେ ଆସି ୪ଟା ସମୟରେ ରଥାରୁଢ ହୋଇଥିଲେ । କେନ୍ଦୁଝରର ଯୁବରାଜ ଧନୁର୍ଜୟ ନାରାୟଣ ଭଂଜଦେଓ ଛେରାପହଁରା କରିବା ପରେ ଶେଷରେ ସନ୍ଧ୍ୟା ପ୍ରାୟ ୫ଟା ୩୫ ମିନିଟରେ ରଥଟଣା ଆରମ୍ଭ ହୋଇଥିଲା । ଏଠାରେ ରଥକୁ ଶିଆଳିଲଟାରେ ଟଣାଯିବାର ପରମ୍ପରା ରହିଛି । ଏଥର ପ୍ରଥମ ଥର ଲାଗି ଗୋଟିଏ ଦଉଡି କେବଳ ମହିଳାମାନେ ଟାଣିବାର ବ୍ୟବସ୍ଥା କରାଯାଇଥିଲା । ରଥଟଣା ସମୟରେ ରାଜା, ମହାରାଣୀଙ୍କ ସହ ତାଙ୍କର ପରିବାର ବି ଉପସ୍ଥିତ ଥିଲେ ।
ରଥଟଣା ସମୟରେ ପ୍ରଶାସନର ମାତ୍ରାଧିକ ହସ୍ତକ୍ଷେପ ପ୍ରତିବାଦରେ ସେବାୟତ କିଛି ସମୟ ପାଇଁ ରଥଟଣା ବନ୍ଦ କରିଦେଇଥିଲେ । କିନ୍ତୁ ଆଲୋଚନା ପରେ ରଥଟଣା ହୋଇଥିଲା ।