ବାଂଲାଦେଶର ଜୁସ୍ ଫ୍ୟାକ୍ଟ୍ରିରେ ଭୟାବହ ଅଗ୍ନିକାଣ୍ଡ । ୪୦ ମୃତ ୩୦ ଗୁରୁତର
କନକ ବ୍ୟୁରୋ : ବାଂଲାଦେଶ ରାଜଧାନୀ ଢାକା ଅଞ୍ଚଳରେ ଏକ ଫ୍ୟାକ୍ଟ୍ରିରେ ନିଆଁ ଲାଗିଯିବା କାରଣରୁ ୪୦ ଜଣଙ୍କର ମୃତ୍ୟୁ ହୋଇଥିବା ବେଳେ ୩୦ ଜଣ ଗୁରୁତର ହୋଇଛନ୍ତି । ଶୁକ୍ରବାର ଦିନ ଏଭଳି ଖବର ମିଳିଛି । ଖବର ମୁତାବକ ଗୁରୁବାର ଦିନ ସନ୍ଧ୍ୟାରେ ନାରାୟଣଗଂଜ ନିକଟରେ ଥିବା ଶୋଜାନ ଜୁସ୍ ଫ୍ୟାକ୍ଟ୍ରିରେ ନିଆଁ ଲାଗିଯାଇଥିଲ।। ଦମକଳ ବାହିନୀର ସୂଚନା ମୁତାବକ ଫ୍ୟାକ୍ଟ୍ରିର ତଳ ତାଲାରେ ନିଆଁ ଲାଗିଥିଲା । ଫ୍ୟାକ୍ଟ୍ରି ଭିତରେ ପ୍ଲାଷ୍ଟିକ ବୋତଲ ଓ ରାସାୟନିକ ସମାଗ୍ରୀ ଥିବାରୁ ନିଆଁ ଖୁବଶୀଘ୍ର ପୁରା ଫ୍ୟାକ୍ଟ୍ରିକୁ ଘେରି ଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟମ ଏଏନଆଇର ସୂଚନା ମୁତାବକ ଏହି ଅଗ୍ନିକାଣ୍ଡରେ ୪୦ ଜଣ ଲୋକ ପ୍ରାଣ ହରାଇଥିବା ବେଳେ ୩୦ ରୁ ଅଧିକ ଲୋକ ଗୁରୁତର ହୋଇଛନ୍ତି । କୁହାଯାଇଛି କି ଭୀଷଣ ନିଆଁର ବଞ୍ଚିବା ପାଇଁ କିଛି ଶ୍ରମିକ ଛାତ ଉପରୁ ତଳକୁ ଡେଇଁ ପଡିଥିଲେ । ହୋସେନ ଫୁଡସ ଲିମିଟେଡ କମ୍ପାନୀରୁ ନିଆଁ ଲିଭାଇବାକୁ ୧୮ ଟି ଦମକଳ ଲାଗିଛି । ଅନ୍ୟପଟେ ଫ୍ୟାକ୍ଟ୍ରିରେ କାମ କରୁଥିବା ଲୋକଙ୍କ ସନ୍ଧାନ ନେବାକୁ ପରିଜନମାନେ ଫ୍ୟାକ୍ଟ୍ରି ନିକଟରେ ଭିଡ ଜମାଇଛନ୍ତି । ଏହାସହ ଉଦ୍ଧାର ହୋଇଥିବା ମୃତକଙ୍କ ମଧ୍ୟରୁ କିଛି ଲୋକଙ୍କର ପରିଚୟ ମିଳିଥିବା ବେଳେ ଅନେକ ମୃତଦେହର ପରିଚୟ ମିଳିପାରି ନାହିଁ ।
A massive blaze in a Bangladesh factory has killed 40 people and injured at least 30 with some people jumping from the upper floors to escape the fire. Dozens still missing: AFP pic.twitter.com/EQvwYDxLld
— ANI (@ANI) July 9, 2021
ସେପଟେ ମୃତକ ଓ ଗୁରୁତର ଲୋକଙ୍କ ସଂପର୍କୀୟ ମାନେ ଅଭିଯୋଗ କରିଛନ୍ତି କି ଫ୍ୟାକ୍ଟ୍ରିରେ ନିଆଁ ଲାଗିଥିବା ବେଳେ ବାହାରକୁ ବାହାରିବାକୁ ଥିବା ଗୋଟିଏ ଦ୍ୱାର ବନ୍ଦ ରହିଥିଲା । ଏହାସହ ଫ୍ୟାକ୍ଟ୍ରିରେ ଅଗ୍ନି ସୁରକ୍ଷା ବ୍ୟବସ୍ଥା ନଥିବା କଥା କର୍ମଚାରୀଙ୍କ ପରିବାର ଲୋକେ ଅଭିଯୋଗ କରିଛନ୍ତି । ଏହାସହ ଏହି ଘଟଣାର ଯାଂଚ କରିବାକୁ ଜିଲ୍ଲା ପ୍ରଶାସନ ତରଫରୁ ଏକ ଯାଂଚ ସମିତି ଗଠନ କରାଯାଇଛି ।