କରୋନାରେ ଚାଲିଗଲା ଆଉ ଜଣେ ସାମ୍ବାଦିକଙ୍କ ଜୀବନ । କୋରାପୁଟର ବରିଷ୍ଠ ସାମ୍ବାଦିକ ଶ୍ରୀ ଡି ଶଙ୍କର ରାଓଙ୍କ ପରଲୋକ
କନକ ବ୍ୟୁରୋ : କରୋନା କାଳରେ ଆସିଲା ଦୁଃଖଦ ଖବର । ପୁଣି କରୋନା ନେଲା ଆଉ ଜଣେ ସାମ୍ବାଦିକଙ୍କ ଜୀବନ । କୋରାପୁଟର ବରିଷ୍ଠ ସାମ୍ବାଦିକ ତଥା ରାଜସ୍ୱ ବିଭାଗର ବରିଷ୍ଠ କିରାଣୀ ଶ୍ରୀ ଡି ଶଙ୍କର ରାଓଙ୍କ ମୃତ୍ୟୁ ହୋଇଛି । ସେ ରାଜସ୍ୱ ବିଭାଗ କୋରାପୁଟ ଜିଲ୍ଲାର ବରିଷ୍ଠ କିରାଣି ପଦରୁ ଅବସର ଗ୍ରହଣ ପରେ ତେଲୁଗୁ ପତ୍ରିକା ସାକ୍ଷୀର ସାମ୍ବାଦିକ ଭାବେ ୨୦ ବର୍ଷ କାଳ ନିରପେକ୍ଷ ସାମ୍ବାଦିକ ଭାବେ କାର୍ଯ୍ୟ କରୁଥିଲେ । କରୋନା ସଂକ୍ରମିତ ଚିହ୍ନଟ ହେବା ପରେ କୋରାପୁଟ ସହିଦ ଲକ୍ଷ୍ମଣ ନାୟକ ମେଡିକାଲରେ କଲେଜରେ ଚିକିତ୍ସିତ ହେଉଥିଲେ । ହେଲେ ଗତକାଲି ରାତି ପ୍ରାୟ ୧୧ଟା ୪୫ ମିନିଟ ସମୟରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଗତକାଲି କରୋନାରେ ଆକ୍ରାନ୍ତ ହୋଇ ଦୈନିକ ଖବରକାଗଜ ସମ୍ବାଦର ଗଞ୍ଜାମ ଜିଲ୍ଲା ପ୍ରତିନିଧି ପ୍ରଦୀପ ସାହୁଙ୍କ ଦେହାନ୍ତ ହୋଇଥିଲା । ଆଉ ଆଜି ବରିଷ୍ଠ ସାମ୍ବାଦିକ ତଥା ରାଜସ୍ୱ ବିଭାଗର ବରିଷ୍ଠ କିରାଣୀ ଶ୍ରୀ ଡି ଶଙ୍କର ରାଓଙ୍କ ମୃତ୍ୟୁ ସମସ୍ତଙ୍କୁ ବ୍ୟଥିତ କରିଛି