ଭାବବିହ୍ୱଳ ବିଦାୟ ସମ୍ବର୍ଦ୍ଧନା...ହୋମଗାର୍ଡଙ୍କ ସେବାକୁ ଭୁଲିପାରିଲେନି ରାୟଗଡା ଏସ୍ପି । ବିଦାୟୀ ସଭାରେ ହୋମଗାର୍ଡ ଶିକା ବାଗଙ୍କୁ କୁଣ୍ଢାଇ ଧରି କାନ୍ଦିଲେ ଏସପି ବିବେକାନନ୍ଦ ଶର୍ମା

କନକ ବ୍ୟୁରୋ: ଭାବବିହ୍ୱଳ ବିଦାୟ ସମ୍ବର୍ଦ୍ଧନା । ରାୟଗଡ଼ା ଜିଳ୍ଲା ଅମ୍ବାଦୋଳା ଥାନାରେ ଦୀର୍ଘ ୩୬ ବର୍ଷ ଧରି ନିଃସ୍ୱାର୍ଥପର ଭାବେ କାମ କରିଥିବା ଶିକା ବାଗଙ୍କୁ ଏକ ଭାବବିହ୍ୱଳ ଭରା ବିଦାୟ କାଳୀନ ସମ୍ବର୍ଦ୍ଧନା ଦିଆଯାଇଛି । ତେବେ ବିଦାୟ ବେଳେ ରାୟଗଡ଼ା ଜିଲ୍ଲା ଏସପିଙ୍କ କାର୍ଯ୍ୟାଳୟରେ ଏକ ଅଦ୍ଭୁତପୂର୍ବ ଚିତ୍ର ଦେଖିବାକୁ ମିଳିଥିଲା ।

ବିଦାୟକାଳୀନ ସମ୍ବର୍ଦ୍ଧନା ବେଳେ ଖୋଦ୍ ଏସପି ବିବେକାନନ୍ଦ ଶର୍ମା ଶିକା ବାଗଙ୍କୁ କଣ୍ଢାଇ ପକାଇଥିଲେ ଏବଂ କିଛି ସମୟ ପାଇଁ ଭାବବିହ୍ୱଳ ହୋଇପଡ଼ିଥିଲେ । ତେବେ ଶିକା ବାଗଙ୍କର ନିଃସ୍ୱାର୍ଥପର ସେବାକୁ ସଲାମ୍ ଜଣାଇ ତାଙ୍କୁ ହୃଦୟତାର ସହ କୃତଜ୍ଞତା ଜଣାଇଥିଲେ ଏସପି । ଏହା ସହ ୧୧୨ ଜଣ ହୋମଗାର୍ଡ଼ ତାଙ୍କ ଦରମାରୁ ଏକ ଲକ୍ଷ ଟଙ୍କା ପ୍ରଦାନ ମଧ୍ୟ କରିଥିଲେ । ଜଣେ ସରଳ ଓ ଅମାୟିକ ବ୍ୟକ୍ତି ଭାବେ ଶିକା ବାଗ୍ ଅମ୍ବାଦୋଳା ଅଂଚଳରେ ବେଶ୍ ପରିଚିତ । କରୋନା କାଳରେ ଅନେକ ପ୍ରବାସୀଙ୍କୁ ଥଇଥାନ କରିବା ସହ ସେବା ଯୋଗାଇଥିଲେ ଶିକା ବାଗ୍ ।