ମା’ ଦୁର୍ଗାଙ୍କ ବିସର୍ଜନ କରି ଫେରୁଥିବା ବେଳେ ବମ ପକାଇଲେ ଅସାମାଜିକ ଯୁବକ । ଟଙ୍କା ମାଗିଲେ, ଗାଡି ଭାଙ୍ଗିଲେ ।
କନକ ବ୍ୟୁରୋ : ପଶ୍ଚିମବଙ୍ଗର ଦୁର୍ଗାପୁର ଅଞ୍ଚଳରେ ଅଭାବନୀୟ ସ୍ଥିତି ଦେଖିବାକୁ ମିଳିଛି । ଦୁର୍ଗା ବିସର୍ଜନ କରି ଫେରୁଥିବା ବେଳେ କିଛି ଅସାମାଜିକ ବ୍ୟକ୍ତି ଅଚାନକ ଆକ୍ରମଣ କରିଛନ୍ତି । ଶୋଭାଯାତ୍ରାରେ ଯାଇଥିବା ଲୋକଙ୍କ ଉପରେ ବମ୍ ପକାଇବା ସହ ଗାଡିକୁ ଭଙ୍ଗାରୁଜା କରିଛନ୍ତି ଗୁଣ୍ଡା ଶ୍ରେଣୀର ବ୍ୟକ୍ତି । ଆକ୍ରମଣରେ ୬ ଜଣ ଲୋକ ଗୁରୁତର ଆହତ ହୋଇଛନ୍ତି । ଘଟଣାସ୍ଥଳରେ ଉତ୍ତେଜନା ବଢିଥିବା ବେଳେ ପୋଲିସ ପହଞ୍ଚି ଅଭିଯୁକ୍ତଙ୍କୁ ଖୋଜୁଛି ।
ମିଳିଥିବା ସୂଚନା ମୁତାବକ, ଦୁର୍ଗାପୁର ଅନ୍ନପୂର୍ଣ୍ଣାନଗର ଅଞ୍ଚଳରେ ଶନିବାର ସନ୍ଧ୍ୟାରେ ମା’ ଦୁର୍ଗାଙ୍କ ବିସର୍ଜନ କରି ଫେରୁଥିବା ବେଳେ କିଛି ଗୁଣ୍ଡା ଶ୍ରେଣୀର ଯୁବକ ଆକ୍ରମଣ କରିବା ସହ ଗାଡିକୁ ଭଙ୍ଗାରୁଜା କରିଥିଲେ । ଆକ୍ରମଣର ଶିକାର ହୋଇଥିବା ଲୋକଙ୍କ କହିବା ଅନୁଯାୟୀ, ଏହି ଗୁଣ୍ଡା ଶ୍ରେଣୀର ଯୁବକମାନେ ପ୍ରଥମେ ମଦ ପିଇବାକୁ ଟଙ୍କା ମାଗୁଥିଲେ । କିନ୍ତୁ ସେମାନଙ୍କୁ ଟଙ୍କା ନଦେବାରୁ ବିସର୍ଜନରୁ ଫେରୁଥିବା ବେଳେ ଆକ୍ରମଣ କରିଥଲେ ଏହି ଯୁବକମାନେ । ଏପରିକି ଉକ୍ତ ଯୁବକମାନେ ମନ୍ଦିର ଭଙ୍ଗାରୁଜା କରିଥିବା ନେଇ ସାଂଘାତିକ ଅଭିଯୋଗ ଆଣିଛନ୍ତି ଆକ୍ରମଣର ଶିକାର ହୋଇଥିବା ଯୁବକ ।
West Bengal: A group of people hurled crude bombs and vandalised vehicles after immersion of Goddess Durga idol in Annapurna area of Durgapur yesterday
“Some people have sustained minor injuries. We’re trying to identify the attackers,” said ACP (East) Dhrubjyoti Mukherjee pic.twitter.com/T8RPpf889b
— ANI (@ANI) October 17, 2021
ଘଟଣାସ୍ଥଳରେ ପୋଲିସ ଅଧିକାରୀ ପହଞ୍ଚିବା ସହ ସ୍ଥିତିକୁ ନିୟନ୍ତ୍ରଣ କରିବା ସହ ଆଇନ ଶୃଙ୍ଖଳା ପରିସ୍ଥିତି ଯେପରି ନ ଉପୁଜେ ତାହା ଉପରେ ନଜର ରଖିଛନ୍ତି । ଆକ୍ରମଣରେ କିଛି ଲୋକ ଆହତ ହୋଇଥିବା ବେଳେ ଆକ୍ରମଣକାରୀଙ୍କୁ ପୋଲିସ ଖୋଜୁଥିବା କହିଛନ୍ତି ଏସିପି ଧ୍ରୁବଜ୍ୟୋତି ମୁଖାର୍ଜୀ ।