ବ୍ରହ୍ମଗିରି ତିତିପ ଗାଁରେ ଭୟାବହ ଅଗ୍ନିକାଣ୍ଡ : ଆସବାବ ପତ୍ର, ସୁନା ଗହଣା, ଧାନ ଚାଉଳ ପୋଡ଼ି ପାଉଁଶ; ନିଆଁ ଲାଗିବାର କାରଣ ଅସ୍ପଷ୍ଟ
କନକ ବ୍ୟୁରୋ : ବ୍ରହ୍ମଗିରି ତିତିପ ଗାଁରେ ଭୟାବହ ଅଗ୍ନିକାଣ୍ଡ । ଅଗ୍ନିକାଣ୍ଡରେ ଗୋଟିଏ ପରିବାରର ୩ବଖରା ଘର ଜଳିଯିବା ସହ ସମସ୍ତ ଆସବାବ ପତ୍ର, ସୁନା ଗହଣା, ଧାନ ଚାଉଳ ପୋଡ଼ି ପାଉଁଶ ହୋଇଯାଇଛି । ଅଗ୍ନିକାଣ୍ଡର ଭୟାବହତା ଏତେ ରହିଥିଲା ଯେ ଘରେ ବନ୍ଧା ହୋଇଥିବା ଦୁଇଟି ଗାଇ ଗୋରୁ ଜିଅନ୍ତା ଜଳିଯାଇଛନ୍ତି । ନିଆଁ ଲାଗିବାର କାରଣ ଅସ୍ପଷ୍ଟ ରହିଥିବା ବେଳେ ଘଟଣା ସ୍ଥଳରେ ଅଗ୍ନିଶମ ବାହିନୀ ପହଂଚି ନିଆଁକୁ ଆୟତ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେହିପରି ଢେଙ୍କାନାଳ କାମାକ୍ଷାନଗର ହାଟୁଆରି ଗାଁରେ ଅଗ୍ନିକାଣ୍ଡ ଘଟି ଗୋଟିଏ ପରିବାରର ୪ବଖରା ଘର ପୋଡ଼ି ପାଉଁଶ ହୋଇଛି । ଏପରିକି ଘରେ ଥିବା ଅତ୍ୟାବଶ୍ୟକୀୟ ସାମଗ୍ରୀ ପୋଡ଼ି ପାଉଁଶ ହୋଇଯାଇଛି । ଘଟଣା ସ୍ଥଳରେ କାମାକ୍ଷାନଗର ଅଗ୍ନିଶମ ବାହିନୀ ପହଂଚି ନିଆଁକୁ ଆୟତ କରିଛନ୍ତି ।