ଫଳ ଦୋକାନରେ ଲାଗିଲା ନିଆଁ : କେହି ଦୁର୍ବୃତ୍ତ ନିଆଁ ଲଗାଇ ଦେଇଥିବା ଅଭିଯୋଗ

କନକ ବ୍ୟୁରୋ : ଫଳ ଦୋକାନରେ ଲାଗିଲା ନିଆଁ । ଜଳିଗଲା ସେଓ, ଅଙ୍ଗୁର, କମଳା, କଦଳୀ । ଜୟପୁର ସହରର ୨୬ ନମ୍ବର ଜାତୀୟ ରାଜପଥ କଡ଼ରେ ଥିବା ଏକ ଫଳ ଦୋକନରେ କେହି ଦୁର୍ବୃତ୍ତ ନିଆଁ ଲଗାଇ ଦେଇଥିବା ଅଭିଯୋଗ ହୋଇଛି । ଦୀପାବଳି ପାଇଁ ଦୋକାନରେ ପାଖାପାଖି ୨ଲକ୍ଷରୁ ଅଧିକ ଟଙ୍କାର ଫଳ ମହଜୁଦ୍ ଥିଲା ।

ଜୟପୁରଠାରୁ ନବରଙ୍ଗପୁରକୁ ଯାଇଥିବା ରାସ୍ତାରେ ଥିବା ଏହି ଫଳ ଦୋକନରେ ସବୁବେଳେ ଲୋକଙ୍କ ଭିଡ଼ ଲାଗି ରହିଥାଏ । ସବୁ ପ୍ରକାର ଫଳ ପ୍ରାୟ ଏହି ଦୋକାନରେ ଲୋକଙ୍କୁ ମିଳିଥାଏ । ତେବେ କିଏ କେଉଁ କାରଣରୁ ଏହି ଫଳ ଦୋକନରେ ନିଆଁ ଲଗାଇଲା ତାହାର କାରଣ ଜଣାପଡ଼ିନାହିଁ ।