କନକ ବ୍ୟୁରୋ: କମଳା ନେହେରୁ ହସ୍ପିଟାଲରେ ନିଆ ଲାଗିବା ଘଟଣାରେ ଗତ ୩୬ ଘଣ୍ଟା ମଧ୍ୟରେ ଆହୁରି ୧୨ ଜଣ ଶିଶୁଙ୍କ ମୃତ୍ୟୁ ହୋଇ ସାରିଲାଣି । ଘଟଣାକୁ ନେଇ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ ଶୋକ ପ୍ରକାଶ କରିବା ସହ ମୃତତକଙ୍କ ପରିବାରକୁ ୪ ଲକ୍ଷ ଟଙ୍କାର ସହାୟତା ରାଶି ଘୋଷଣା କରିଛନ୍ତି । ଅନ୍ୟପଟେ ଏ ମାମଲାରେ ୨ ଜଣ ଡାକ୍ତର, ହସ୍ପିଟାଲ ଡାଇରେକ୍ଟର ଓ ଇଲେକଟ୍ରିକ ବିଭାଗର ସବ ଇଂଜିନିଅରଙ୍କୁ ପଦବୀରୁ ହଟେଇ ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ମଧ୍ୟପ୍ରଦେଶ ରାଜଧାନୀ ଭୋପାଳ ସ୍ଥିତ କମଳା ନେହେରୁ ହସ୍ପିଟାଲରେ ସୋମବାର ଘଟିଥିବା ଅଗ୍ନିକାଣ୍ଡରେ ବର୍ତମାନ ସୁଦ୍ଧା ୧୨ ଜଣ ଶିଶୁଙ୍କ ମୃତ୍ୟୁ ହୋଇ ସାରିଥିବା ସୂଚନା ମିଳିଛି । ଅଗ୍ନିକାଣ୍ଡରେ ୪ ନବଜାତଙ୍କ ମୃତ୍ୟୁ ହୋଇଥିବାବେଳେ ୩୬ ଘଣ୍ଟା ଭିତରେ ଆହୁରି ୮ଜଣ ଶିଶୁଙ୍କ ମୃତ୍ୟୁ ହୋଇଛି । ଘଟଣାକୁ ନେଇ ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହ୍ୱାନ ଦୁଃଖପ୍ରକାଶ କରିବା ସହ ମୃତକଙ୍କ ପରିବାରକୁ ୪ ଲକ୍ଷର ସହାୟତା ରାଶି ଘୋଷଣା କରିଛନ୍ତି ।
ସେପଟେ ଡାକ୍ତରଖାନାର ଶିଶୁରୋଗ ବିଭାଗରେ ଭୀଷଣ ଅଗ୍ନିକାଣ୍ଡ ଘଟଣାକୁ ଆକ୍ସନ ମୋଡରେ ସରକାର । ଘଟଣାର ୪୮ ଘଣ୍ଟା ଭିତରେ ୩ ଜଣ ଅଧିକାରୀଙ୍କୁ ପଦବୀରୁ ହଟେଇ ଦିଆଯାଇଛି । ଗାନ୍ଧୀ ମେଡିକାଲ କଲେଜର ଡିନ ଡ. ଜିତେନ୍ଦ୍ର ସୁକ୍ଲା, ହମିଦିଆ ମେଡିକାଲ ସୁପରିଟେନଡେଣ୍ଟ ଲୋକେନ୍ଦ୍ର ଦାଭୋ, କମଲା ନେହେରୁ ହସ୍ପିଟାଲ ଡାଇରେକ୍ଟର କେ.କେ ଦୁବେଙ୍କ ସମେତ ସମେତ ଇଲେକଟ୍ରିକ ବିଭାଗର ସବ ଇଞ୍ଜିନିଅରଙ୍କୁ ପଦବୀରୁ ହଟେଇ ଦିଆଯାଇଥିବା ଜଣାପଡିଛି । ଶିଶୁ ବିଭାଗରେ ଅଗ୍ନିକାଣ୍ଡ ଘଟି ଅନେକ ନବଜାତଙ୍କ ଜୀବନ ଚାଲିଯିବା ପରେ ପରିବାର ଲୋକ ଏକପ୍ରକାର ଭାଙ୍ଗି ପଡିଛନ୍ତି ।
ହସ୍ପିଟାଲର ଶିଶୁ ଚିକିତ୍ସା ବିଭାଗରେ ସୋମବାର ରାତିରେ ଭୀଷଣ ନିଆଁ ଲାଗିଥିଲା । ଏସଏନସିୟୁରେ ୪୦ ଜଣ ନବଜାତ ଶିଶୁଙ୍କ ଚିକିତ୍ସା ଚାଲିଥିଲା । ଅଗ୍ନିକାଣ୍ଡ ପରେ ୩୬ଜଣଙ୍କୁ ଉଦ୍ଧାର କରାଯାଇଥିବାବେଳେ ୪ ଶିଶୁଙ୍କର ମୃତ୍ୟୁ ହୋଇଥିଲା । ତେବେ ଘଟଣାର ୩୬ ଘଣ୍ଟା ଭିତରେ ଆହୁରି ୮ ଶିଶୁ ପ୍ରାଣ ହରାଇଛନ୍ତି । ଘଟଣାକୁ ନେଇ ଉଚ୍ଚସ୍ତରୀୟ ବୈଠକ କରିବା ସହ ମାମଲାର ତୁରନ୍ତ ଯାଞ୍ଚ ପାଇଁ ନିର୍ଦ୍ଦେଶ ଦେଇଛନ୍ତି ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ । ଅନ୍ୟପଟେ ଅଗ୍ନିକାଣ୍ଡ ଘଟଣା ପାଇଁ ହସ୍ପିଟାଲ କର୍ତ୍ତୃପକ୍ଷଙ୍କୁ ଦାୟୀ କରିଛନ୍ତି ପୂର୍ବତନ ମୁଖ୍ୟମନ୍ତ୍ରୀ କମଲନାଥ ।