ସ୍ୱାମୀ ସାଜିଲା ସୈତାନ । ଜୁଆ ଖେଳିବାକୁ ସ୍ତ୍ରୀ ମଙ୍ଗଳସୂତ୍ର କି ଟଙ୍କା ନଦେବାରୁ ସ୍ତ୍ରୀଙ୍କୁ ପିଟିପିଟି ମାରିଦେଲା ମଦୁଆ ସ୍ୱାମୀ ।
କନକ ବ୍ୟୁରୋ: ସ୍ତ୍ରୀକୁ ପିଟିପିଟି ମାରିଦେଲା ସୈତାନ ସ୍ୱାମୀ । ଜୁଆ ଖେଳିବାକୁ ସ୍ତ୍ରୀକୁ ମଙ୍ଗଳସୂତ୍ର ମାଗିଲା ସ୍ୱାମୀ । ସ୍ତ୍ରୀ ସେଥିରେ ରାଜି ନହେବାରୁ ରାକ୍ଷସ ପାଲଟିଗଲା ସ୍ୱାମୀ । ନିଜର ହିତାହିତ ଜ୍ଞାନ ଭୁଲି ଯାଇ, ପିଟିପିଟି ସ୍ତ୍ରୀକୁ ମାରି ଦେଇଛି ସୈତାନ ସ୍ୱାମୀ । କେନ୍ଦ୍ରାପଡା ଜିଲ୍ଲା ମହାକାଳପଡା ଜମ୍ବୁ ସାମୁଦ୍ରିକ ଥାନାରେ ଏଭଳି ଏକ ସଂଗୀନ ଅଭିଯୋଗ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଜମ୍ବୁ ଗାଁର ମାନସ ସୁର ତାଙ୍କ ସ୍ତ୍ରୀ କଳ୍ପନା ଗିରିଙ୍କୁ ହତ୍ୟା କରିଥିବା ମୃତ ମହିଳାଙ୍କ ବାପାଘର ଲୋକ ଅଭିଯୋଗ କରିଛନ୍ତି । କଂସାର ଗାଁର ଉମାକାନ୍ତ ଗିରିଙ୍କ ଝିଅ କଳ୍ପନା ୩ ବର୍ଷ ତଳେ ଜମ୍ବୁ ଗାଁର ଅନିଲ ସୁରଙ୍କ ପୁଅ ମାନସଙ୍କୁ ବିବାହ କରିଥିଲେ । ବିବାହ ପରେ ମାନସଙ୍କ ଅନ୍ୟ ଜଣ ମହିଳାଙ୍କ ସହ ସଂପର୍କ ରଖିବା ସହ ନିଶା କରୁଥିଲେ । ମଦ ପିଅ ଜୁଆ ଖେଳନ୍ତି ମାସନ । ସେହି ଜୁଆ ଖେଳିବା ପାଇଁ କଳ୍ପନାଙ୍କୁ ମଙ୍ଗଳ ସୂତ୍ର ମାଗୁଥିଲେ । କଳ୍ପନା ମଙ୍ଗଳସୂତ୍ର ନଦେବାରୁ ମାନସ ତାଙ୍କୁ ମାରି ଦେଇଥିବା ଅଭିଯୋଗ ହୋଇଛି । ପୁଲିସ ଅଭିଯୁକ୍ତ ସ୍ୱାମୀଙ୍କୁ ଅଟକ ରଖି ଅଧିକ ତଦନ୍ତ ଜାରି ରଖିଛି ।