ଡାକ୍ତରଙ୍କ ଗାଲରେ ନର୍ସଙ୍କ ଚାପୁଡ଼ା : ୟୁପି ରାମପୁର ଜିଲ୍ଲା ହସ୍ପିଟାଲରୁ ଆସିଲା ଅଭାବନୀୟ ଦୃଶ୍ୟ
କୌଣସି ଫାଇଲରେ ହସ୍ତାକ୍ଷର କରିବାକୁ ନେଇ ବଚସା ପରେ ଡ଼ାକ୍ତର ଓ ନର୍ସ ପିଟାପିଟି; ପ୍ରଶ୍ନ, କରୋନା ବଢାଉଛି କି ମାନସିକ ଚାପ
କନକ ବ୍ୟୁରୋ : କରୋନା ମହାମାରୀ ସମୟରେ ଡାକ୍ତର ଓ ସ୍ୱାସ୍ଥ୍ୟକର୍ମୀଙ୍କୁ କୋଭିଡ ଯୋଦ୍ଧା ବୋଲି କୁହାଯାଉଛି । କାରଣ ସ୍ୱାସ୍ଥ୍ୟ ସଂକଟ ସହ ଲଢୁଥିବା ଅମୂଲ୍ୟ ଜୀବନ ବଂଚାଇବାରେ ଏମାନଙ୍କର ପ୍ରମୁଖ ଭୂମିକା ରହିଛି । ତେଣୁ ସାଧାରଣରେ ଏମାନଙ୍କ ସ୍ୱଭାବ କେମିତି ହେବା ଉଚିତ୍ । ବିପଦ ବେଳାରେ ଦେବଦୂତର ଆକ୍ଷା ପାଇଥିବା ଡାକ୍ତର କିମ୍ବା ଅନ୍ୟ ସ୍ୱାସ୍ଥ୍ୟ କର୍ମୀଙ୍କୁ କିଭଳି ଆଚରଣ କରିବା ଉଚିତ୍ ।
Kanak News is now on WhatsApp
Join and get latest news updates delivered to you via WhatsApp
ଏହି ପ୍ରଶ୍ନ ଏଥପାଇଁ ଉଠୁଛି, କାରଣ ଉତର ପ୍ରଦେଶର ରାମପୁର ଜିଲ୍ଲା ହସ୍ପିଟାଲରେ ଜଣେ ଡାକ୍ତରଙ୍କ ଗାଲରେ ଶକ୍ତ ଚାପୁଡା କଶି ଦେଇଛନ୍ତି ଜଣେ ନର୍ସ । ଏକ ଫାଇଲରେ ହସ୍ତାକ୍ଷର କରିବାକୁ ନେଇ ଡାକ୍ତରଙ୍କ ସହ ବଚସା ହୋଇଥିଲା । ଏହାପରେ ନର୍ସ ଜଣକ ଉତକ୍ଷିପ୍ତ ହୋଇ ଡାକ୍ତରଙ୍କ ଗାଲରେ ଚାପୁଡା କଶି ଦେଇଥିଲେ । ଡାକ୍ତର ମଧ୍ୟ ନର୍ସଙ୍କୁ ପ୍ରତି ଆକ୍ରମଣ କରିଥିବା ଦେଖାଯାଉଛି । ତେବେ ପ୍ରଶ୍ନ ଉଠୁଛି କରୋନା ମହାମାରୀ ସମୟରେ ସ୍ୱାସ୍ଥ୍ୟ ବିଭାଗ କର୍ମଚାରୀଙ୍କ ଉପରେ ଚାପ ବଢିଯାଉଛି କି । ଦିନରାତି କାମ କରିବା ଭିତରେ ମାନସିକ ଭାରସାମ୍ୟ ହରାଇ ବସୁଛନ୍ତି କି ସ୍ୱାସ୍ଥ୍ୟ କର୍ମୀ ।