ଭୁବନେଶ୍ୱରରେ ଉଦଘାଟିତ ହେଲା ସାଇବର କମ୍ପଲେକ୍ସ : ଡିଜିପି କହିଲେ ଖୁବଶୀଘ୍ର କରାଯିବ ସାଇବର ମାମଲାର ସମାଧାନ ; ଅଧିକ ଅଫିସରଙ୍କୁ ଦିଆଯିବ ଟ୍ରେନିଂ
କର୍ମଚାରୀଙ୍କ ଦକ୍ଷତା ବୃଦ୍ଧି ଉପରେ ଫୋକସ୍
କନକ ବ୍ୟୁରୋ : ଭୁବନେଶ୍ୱରରେ ଆରମ୍ଭ ହୋଇଛି ସାଇବର କମ୍ପେ୍ଲକ୍ସ । ଏହି ନୂଆ ସାଇବର କମ୍ପେ୍ଲକ୍ସକୁ ଉଦଘାଟନ କରିଛନ୍ତି ଡିଜିପି ଅଭୟ । ଏହି ଅବସରରେ ଡିଜିପି କହିଛନ୍ତି, ରାଜ୍ୟରେ ସାଇବର ସମ୍ପର୍କିତ ମାମଲାର ତ୍ୱରିତ ସମାଧାନ ପାଇଁ ଉଦ୍ୟମ ହେବ । ସାଇବର ମାମଲାରେ ରାଜ୍ୟରେ କର୍ମଚାରୀଙ୍କ ଦକ୍ଷତାର ଅଭାବ ରହୁଛି । ତଦନ୍ତକାରୀ ଅଧିକାରୀଙ୍କ ସଂଖ୍ୟା ବି କମ ରହିଛି । ତେଣୁ କର୍ମଚାରୀଙ୍କ ଦକ୍ଷତା ବୃଦ୍ଧି ପାଇଁ ଉଦ୍ୟମ କରାଯିବ ।
Kanak News is now on WhatsApp
Join and get latest news updates delivered to you via WhatsApp
ଲକ୍ଡାଉନ୍ରେ ସାଇବର ଠକମାନେ ବେଶ୍ ସକ୍ରିୟ ହୋଇ ଉଠିଛନ୍ତି । ଅନଲାଇନ୍ ଠକେଇ, ଅନଲାଇନ୍ ମଦ, ଅନଲାଇନ୍ ନିଯୁକ୍ତି, କୋରିଅର ହୋମ୍ ଡେଲିଭରି ନାଁରେ ଠକେଇ ସଂଖ୍ୟା ଯଥେଷ୍ଟ ବୃଦ୍ଧି ପାଇଛି । ଝାଡ଼ଖଣ଼୍ଡ, ହରିୟାଣା, ଦିଲ୍ଲୀ ଆଦି ଅଞ୍ଚଳର ସାଇବର ଠକଙ୍କ ଟାର୍ଗେଟରେ ଓଡ଼ିଶା ରହିଛି । ୨୦୧୮ଠାରୁ ୨୦୧୯ରେ ସାଇବର ମାମଲା ଯଥେଷ୍ଟ ବଢ଼ି ଯାଇଛି । ୨୦୧୮ରେ ୮୪୩ଟି ମାମଲା ରୁଜୁ ହୋଇଥିବା ବେଳେ ୨୦୧୯ରେ ଏହି ସଂଖ୍ୟା ୧୪୮୫ରେ ପହଞ୍ଚିଛି । ପୂର୍ବବର୍ଷ ତୁଳନାରେ ୭୬ ପ୍ରତିଶତ ମାମଲା ବୃଦ୍ଧି ପାଇଥିଲା, ଯାହା ବେଶ୍ ଚିନ୍ତାଜନକ ରହିଛି। କିନ୍ତୁ କ୍ରାଇମବ୍ରାଞ୍ଚ ସେଭଳି କୌଣସି ସଫଳତା ପାଇ ପାରିନାହିଁ ।