ଜୁହାର ଫାଉଣ୍ଡେସନ୍ ଏବଂ ତ୍ରିଲୋଚନ ନେତ୍ରାଳୟ ମିଳିତ ଭାବେ ସ୍ଥାପନ କଲେ କୋଭିଡ୍ କେୟାର ସେଲଟର । ରୋଗୀଙ୍କୁ ମିଳିବ ଅତ୍ୟାଧୁନିକ ସେବା ।
କନକ ବ୍ୟୁରୋ : ଓଡ଼ିଶାର ବିଭିନ୍ନ ସ୍ଥାନରେ ୧୦ଟି ଅକ୍ସିଜେନ୍ ବ୍ୟାଙ୍କର ଶୁଭାରମ୍ଭ କରିବା ପରେ ଆଜି ଜୁହାର ଫାଉଣ୍ଡେସନ୍ ଏବଂ ତ୍ରିଲୋଚନ ନେତ୍ରାଳୟ ମିଳିତ ଭାବେ ଏକ କୋଭିଡ୍ କେୟାର ସେଲଟର ସ୍ଥାପନ କରିଛନ୍ତି । ସମ୍ବଲପୁର ଉପକଣ୍ଠରେ ଥିବା ତ୍ରିଲୋଚନ ନେତ୍ରାଳୟରେ ଏହି କୋଭିଡ୍ କେୟାର ସେଲଟର ସ୍ଥାପନ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଭର୍ଚୁଆଲ୍ ପ୍ଲାଟଫର୍ମ ମାଧ୍ୟମରେ ଆଇପିଏସ୍ ଅମିତାଭ୍ ଠାକୁର, ପ୍ରଖ୍ୟାତ Anesthesologist ତଥା କିମ୍ସର ପୂର୍ବତନ ସିଇଓ ଡକ୍ଟର ବିଷ୍ଣୁପ୍ରସାଦ ପାଣିଗ୍ରାହୀଙ୍କ ଉପସ୍ଥିତିରେ ଏହି କୋଭିଡ୍ କେୟାର ସେଲଟରର ଉଦଘାଟନ କରିଛନ୍ତି ।
ତେବେ ଏହି କୋଭିଡ୍ କେୟାର ସେଲଟରରେ, ଏକାବେଳେ ୫୦ଜଣ କରୋନା ଆକ୍ରାନ୍ତଙ୍କୁ ଉତ୍ତମ ସେବା ଯୋଗାଇ ଦିଆଯାଇପାରିବ । କେବଳ ଏତିକି ନୁହେଁ, ପତ୍ୟେକ ରୋଗୀଙ୍କ ପାଇଁ ଗୋଟିଏ ଲେଖାଏଁ ଅକ୍ସିଜେନ୍ କନ୍ସେଣ୍ଟ୍ରେଟରର ବ୍ୟବସ୍ଥା ରହିଛି ।
ତେବେ ଏହି ସେଲଟରର ବିଶେଷତ୍ୱ ହେଉଛି, ଏଠାରେ ପ୍ରତ୍ୟେକ ରୋଗୀଙ୍କ ପାଇଁ ଜଣେ ସୁସ୍ଥତା ପରାମର୍ଶଦାତା ରହିବେ । ଯିଏକି ରୋଗୀଙ୍କର ମନୋବଳ ବଢାଇବା ସହ ଡାକ୍ତରଖାନାରେ ଭର୍ତ୍ତି ହେବା ସମୟରେ ସବୁ ସାହାଯ୍ୟ ମଧ୍ୟ କରିବେ । ତେବେ ଏହି ସେଲଟରରେ ପ୍ରଶିକ୍ଷିତ ଯୋଗ ଶିକ୍ଷକଙ୍କ ଦ୍ୱାରା ରୋଗୀମାନଙ୍କୁ ଯୋଗଶିକ୍ଷା ମଧ୍ୟ ପ୍ରଦାନ କରାଯିବ । ଏହା ସହ ରୋଗୀମାନଙ୍କ ପାଇଁ ମହାମୃତ୍ୟୁଞ୍ଜୟ ମନ୍ତ୍ର ମଧ୍ୟ ଜପ କରାଯିବ ।