ମନରେ କରୋନା ଭୟ ତଥାପି ଉତ୍ସାହ…ବରଷକେ ଥରେ ଆସିଛି ହୋଲି…ରଂଗେଇ ହେଉଛି ଓଡିଶା । ରଙ୍ଗ ଓ ଅବିରରେ ଜମୁଛି ଆସର
ସାରା ଦେଶରେ ହୋଲିର ଧୁମ୍ । ବିଭିନ୍ନ ସ୍ଥାନରେ ଦହିହାଣ୍ଡି ଭଙ୍ଗା ଖେଳ
କନକ ବ୍ୟୁରୋ: ଆଜି ରଙ୍ଗର ପର୍ବ ହୋଲି । ଭାଇଚାରା ଓ ସଦଭାବନାର ପର୍ବ । ପରସ୍ପର ମଧ୍ୟରେ ଖୁସି ବାଂଟିବାର ପର୍ବ ଏହି ରଙ୍ଗର ପର୍ବ । ରାଗ ଦ୍ୱେଷ ଭୁଲି ପରସ୍ପରକୁ ରଙ୍ଗ, ଅବିର ବୋଳି ଶୁଭେଚ୍ଛା ଜଣାଉଛନ୍ତି ସମସ୍ତେ । ରଙ୍ଗର ପର୍ବ ହୋଲିରେ ରଙ୍ଗେଇ ହେଉଛି ଓଡିଶା । ସକାଳୁ ସକାଳୁ ଆରମ୍ଭ ହୋଇଯାଇଛି ରଙ୍ଗ ଲଗା । ମନରେ କରୋନା ଭୟ ଥିଲେ ଉତ୍ସାହ ଅଧିକ ରହିଛି । ପ୍ରାୟ ଅଧିକାଂଶ ସ୍ଥାନରେ ହର୍ବାଲ ହୋଲି ଖେଳିବାର ଦେଖାଦେଇଛି । ଏନେଇ ଚଳଚଂଚଳ ଗାଁଠୁ ସହର । ରଙ୍ଗର ପର୍ବ ମତୁଆଲ କରିଛି ସମସ୍ତଙ୍କୁ । ରାଜଧାନୀର ବିଭିନ୍ନ ସ୍ଥାନରେ ହର୍ବାଲ ହୋଲି ଖେଳାଯିବାର ସୂଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ମନରେ କରୋନା ଭୟ ତଥାପି ଉତ୍ସାହ ଅଧିକ । ହଳଦୀ ଓ ଫୁଲରେ ହର୍ବାଲ ହୋଲି ଖେଳିଲେ ଭୁବନେଶ୍ୱର ୱାକର ଆସୋସିଏସନର ସଦସ୍ୟ । ହୋଲିକୁ ନେଇ ଚାରିଆଡେ ରଂଗୀନ ପରିବେଶ । କେନ୍ଦ୍ରାପଡାରେ ବି ଜମୁଛି ରଙ୍ଗର ପର୍ବ । କେନ୍ଦ୍ରାପଡା ବାସୀ ହୋଲିକୁ ଉତ୍ସାହ ଉଦିପନାର ସହ ପାଳନ କରୁଛନ୍ତି ।
ସେହିଭଳି ଶ୍ରୀକ୍ଷେତ୍ର ପୁରୀରେ ଜମିଛି ହୋଲି ଖେଳର ଧୂମ୍ । ପରସ୍ପରକୁ ରଙ୍ଗ ବୋଳି ହୋଲି ମନାଇଉଛନ୍ତି ସହରବାସୀ । ସମ୍ବଲପୁରରେ ବି ଜୋରଦାର ଚାଲିଛି ଖେଳ । ସକାଳୁ ସକାଳୁ ରଂଗ ଓ ଅବିର ବୋଳି ପରସ୍ପରକୁ ଶୁଭେଚ୍ଚା ଜଣାଇଛନ୍ତି ସମସ୍ତେ । ବାଲେଶ୍ୱରରେ ବି ଜୋରସୋରରେ ଚାଲିଛି ଖେଳ । ରଂଗ ଲଗେଇ ପରସ୍ପରକୁ ଜଣାଉଛନ୍ତି ହୋଲିର ଶୁଭେଚ୍ଛା ।
रंग, उमंग और आनंद के त्योहार होली की आप सभी को बहुत-बहुत बधाई। यह पर्व सभी देशवासियों के जीवन में खुशियों लेकर आए। pic.twitter.com/xfrfdNaduX
— Narendra Modi (@narendramodi) March 10, 2020
ସାରା ଦେଶରେ ପାଳନ କରାଯାଉଛି ରଂଗର ପର୍ବ ହୋଲି । ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ହୋଲି ନେଇ ଦେଶବାସୀଙ୍କୁ ଶୁଭେଚ୍ଚା ଜଣାଇଛନ୍ତି । ହୋଲି ସମସ୍ତଙ୍କ ଜୀବନରେ ସୁଖ ସମୃଦ୍ଧି ଭରିଦେଉ ବୋଲି ମୋଦି ଟୁଇଟ କରିଛନ୍ତି । କରୋନା ଭାଇରସ ସଂକ୍ରମଣ ଯୋଗୁଁ ଏଥର ମୋଦି ହୋଲି ଖେଳିବେନି କି କୌଣସି କାର୍ଯ୍ୟକ୍ରମରେ ସାମିଲ ହେବେ ନାହିଁ ବୋଲି କହିଛନ୍ତି ।
ମହାପ୍ରଭୁ ଶ୍ରୀ ଜଗନ୍ନାଥଙ୍କ ଆଶୀର୍ବାଦରୁ ରଙ୍ଗର ପର୍ବ ହୋଲି ସମସ୍ତଙ୍କ ପାଇଁ ଆନନ୍ଦମୟ ହେଉ। ସମସ୍ତେ ସୁରକ୍ଷିତ ଭାବେ ହୋଲି ଉତ୍ସବ ପାଳନ କରନ୍ତୁ। ଜୟ ଜଗନ୍ନାଥ। 🙏#Holi2020 pic.twitter.com/PKCcjNkKTP
— Naveen Patnaik (@Naveen_Odisha) March 10, 2020
ସେପଟେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଧ୍ୟ ହୋଲି ଶୁଭେଚ୍ଛା ଜଣାଇଛନ୍ତି ।