ବିଜେଡି ପାଇଁ ଚ୍ୟାଲେଞ୍ଜ କି ବ୍ରଜରାଜନଗର? କଂଗ୍ରେସ ଭୋଟକୁ ଫେରାଇଆଣିବେ କିଶୋର!
କନକ ବ୍ୟୁରୋ: ୧୯ ବର୍ଷର ଶାସନ ପରେ ୨୦୧୯ରେ ବ୍ରଜରାଜନଗର ବିଧାନସଭା ଆସନରେ ପ୍ରଥମ ଥର ପାଇଁ ବିଜୟର ସ୍ୱାଦ ଚାଖିଥିଲା ଶାସକ ବିଜେଡି । ତେଣୁ ଏବେ ହେବାକୁ ଥିବା ଉପ-ନିର୍ବାଚନରେ ଏହାକୁ ବଜାୟ ରଖିବାକୁ ଦଳ କୈାଣସି ସୁଯୋଗକୁ ହାତଛଡା କରିବାକୁ ଚାହିଁବନି ।
Kanak News is now on WhatsApp
Join and get latest news updates delivered to you via WhatsApp
ତବେ ଅତୀତର ନିର୍ବାଚନକୁ ସମୀକ୍ଷା କଲେ, ବିଜୟ ପାଇଁ ବିଜେଡିର ବାଟ ସୁଗମ ନହୋଇପାରେ ନିର୍ବାଚନମଣ୍ଡଳୀରେ ବୋଲି ଚର୍ଚ୍ଚା ଆରମ୍ଭ ହୋଇଛି । ଏକଦା କଂଗ୍ରେସର ଗଡ ଥିବା ବ୍ରଜରାଜନଗରର ତିନି ତିନି ଥର ବିଧାୟକ ରହିଥିବା ଅନୁପ ସାଏ ୨୦୧୪ରେ ବିଜେଡି ଟିକେଟରୁ ଏଠାରୁ ପ୍ରତିଦ୍ୱନ୍ଦିତା କରିଥିଲେ । ସମୀକରଣକୁ ଦେଖିଲେ, ଅନୁପ ୪୪ ହଜାର ଭୋଟ ପାଇଥିବା ବେଳେ, କଂଗ୍ରେସରୁ କିଶୋର ପଟେଲ ୩୮ ହଜାର ଭୋଟ ଓ ବିଜେପିରୁ ରାଧାରାଣୀ ପଣ୍ଡା ୫୦ ହଜାରରୁ ଅଧିକ ଭୋଟ ପାଇ ବିଜୟୀ ହୋଇଥିଲେ ।
ତେବେ ୨୦୧୯ରେ ବୁଝାମଣା କରି କଂଗ୍ରେସ ଏହି ଆସନ ସିପିଆଇକୁ ଛାଡି ଦେଇଥିଲା । ହେଲେ ବାମଦଳର ପ୍ରାର୍ଥୀ ମାତ୍ର ୯ ହଜାର ଭୋଟ ପାଇଥିଲେ । ଆଉ ଯାହା ବିଜେଡିକୁ ଆସନ ହାତେଇବାରେ ସାହାଯ୍ୟ କରିଥିଲା ବୋଲି କୁହାଯାଏ । ତେଣୁ ଉଭୟ ବିଜେପ ଓ କଂଗ୍ରେସ ପୁଣି ନିଜ ଗଡ ଫେରିପାଇବା ନେଇ ଆଶାବାଦୀ ଅଛନ୍ତି ।
ସେପଟେ ୨୦୧୯ରେ ଶାସକଦଳକୁ ସମର୍ଥନ କରିଥିବା ମୂରଲୀପାଲି ଅଂଚଳର ୧୯ଟି ମୈାଜାର ବାସିନ୍ଦା ଏବେ ମିଳିତ ଭାବରେ ଜଣେ ସ୍ୱାଧୀନ ପ୍ରାର୍ଥୀଙ୍କୁ ଛିଡା କରେଇବା ଶାସକଦଳ ପାଇଁ ଚ୍ୟାଲେଂଜ ସୃଷ୍ଟି କରିପାରେ ବୋଲି କୁହାଯାଉଛି । ହେଲେ ସଦ୍ୟ ସମାପ୍ତ ପଂଚାୟତ ଓ ପୈାର ନିର୍ବାଚନ ଫଳାଫଳକୁ ନେଇ ବେଶ ଆଶାବାଦୀ ଅଛି ବିଜେଡି ।
ଉପ- ନିର୍ବାଚନରେ ବିଜୟର ଇତିହାସକୁ ଦେଖିଲେ ବିଜେଡିର ପଲା ସବୁବେଳେ ଭାରି ରହିଆସିଛି । ତେଣୁ ଦଳର ମାଇକ୍ରୋ ମ୍ୟାନେଜମେଂଟ ଫର୍ମୁଲା ବ୍ରଜରାଜନଗରରେ କଣ ଫଳ ଆଣୁଛି ଦେଖିବାକୁ ବାକି ରହିଲା ।