ବାଙ୍କୀ ସହଡାପଦା ଗାଁରୁ ୮ ଫୁଟ ଲମ୍ବର ପାହାଡି ଅଜଗର ଉଦ୍ଧାର : ବେଆଇନ ଭାବେ ଘରେ ରଖିଥିବା ୫ ଅଭିଯୁକ୍ତଙ୍କୁ ବାନ୍ଧିଲା ବନବିଭାଗ
ଅସ୍ତ୍ରୋପଚାର କରି ଅଜଗର ଆଖିରୁ ପରଲ କାଢିଲେ ଓୟୁଏଟି ପ୍ରଫେସର
କନକ ବ୍ୟୁରୋ : କଟକ ଜିଲ୍ଲା ବାଙ୍କୀ ସହାଡାପଦା ଗାଁରୁ ଏକ ୮ ଫୁଟ ଲମ୍ବର ପାହାଡି ଅଜଗରକୁ ଉଦ୍ଧାର କରାଯାଇଛି । ଅଜଗର ସାପକୁ ବେଆଇନ ଭାବେ ରଖିଥିବା ଅଭିଯୋଗରେ ୫ ଜଣ ଅଭିଯୁକ୍ତଙ୍କୁ ଗିରଫ କରିଛି ବାଙ୍କୀର ବନବିଭାଗ କର୍ମଚାରୀ । ଉଦ୍ଧାର ଅଜଗରର ଆଖିରେ ପରଳ ପଡିଯାଇଥିବାରୁ ରାଜଧାନୀ ସ୍ଥିତ ଓୟୁଏଟିକୁ ଅଣାଯାଇଥିଲା । ଓୟୁଏଟିର ପ୍ରଫେସର ଇନ୍ଦ୍ରମଣି ନାଥ ଓ ଅନ୍ୟ ସହଯୋଗୀ ଅସ୍ତ୍ରୋପଚାର କରି ଆଖିରୁ ପରଳ କାଢିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ, ପାହାଡରୁ ଅଜଗରକୁ ଧରି୍ ଘରେ ରଖିଥିବା ନେଇ କୌଣସି ସୂତ୍ରରୁ ଖବର ପାଇଥିଲା ବାଙ୍କୀ ବନପାଳ । ଏହାପରେ ଶିଶୁଆ ବନ କର୍ମଚାରୀ ଓ ସ୍ନେକ ହେଲଫଲାଇନ ସଦସ୍ୟ ମିଳିତ ଭାବେ ଚଢାଉ କରି ସହାଡାପଦା ଗାଁରୁ ଅଜଗର ସାପକୁ ଉଦ୍ଧାର କରିଥିଲେ ।