କର ବା ମର ମ୍ୟାଚରେ ସନରାଇଜର୍ସର ଶାନଦାର୍ ବିଜୟ । ୫ ୱିକେଟରେ ବାଙ୍ଗାଲୋରକୁ ହରାଇ ଫ୍ଲେଅଫ୍ସ ପାଇଁ ଆଶା ସଂଚାର କଲା ହାଇଦ୍ରାବାଦ, ମୁମ୍ବାଇ ପରେ ୩ଟି ଦଳକୁ ନେଇ ସସପେନ୍ସ ।
କନକ ବ୍ୟୁରୋ: ଆରସିବିକୁ ଅଡୁଆରେ ପକାଇଲା ସନରାଇଜର୍ସ ହାଇଦ୍ରାବାଦ । ୫ ୱିକେଟରେ ବିଜୟ ହାସଲ କରି ଫ୍ଲେ-ଅଫ୍ସକୁ କେଉଁ ଦଳ ଯିବ ସସପେନ୍ସ ବଢ଼ାଇଲା । ତେବେ ପ୍ରଥମେ ଟସ୍ ଜିଣି କୋହଲୀ ବାହିନୀକୁ ଘାତକ ବୋଲିଂରେ ଘାଇଲା କରିଥିଲା ସନରାଇଜର୍ସ । ଫଳରେ ଆରସିବି ୭ ୱିକେଟ୍ ହରାଇ ମାତ୍ର ୧୨୦ ରନ୍ କରିଥିଲା ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ସନରାଇଜର୍ସର ଟପ୍ ବ୍ୟାଟିଂ ଅର୍ଡର ଏତେ କମାଲ କରିନଥିଲେ ବି ଦଳ ମାତ୍ର ୧୪ ଓଭର ଗୋଟିଏ ବଲ ଖେଳି ୫ ୱିକେଟ୍ ହରାଇ ବିଜୟ ହାସଲ କରିଛି । ତେବେ ଏହି ବିଜୟ ଦ୍ୱାରା ୨ ଅଙ୍କ ପାଇଁ ବର୍ତ୍ତମାନ ସନରାଇଜର୍ସ ପ୍ଲେ-ଅଫ୍ସକୁ ଯିବାର ଆଶା ସଂଞ୍ଚାର କରିଛି । କେବଳ ଏତିକି ନୁହେଁ ହାଇଦ୍ରାବାଦ କର ବା ମର ମ୍ୟାଚରେ ଏଭଳି ବୃହତ ବିଜୟ ଅନେକ ଦଳ ପାଇଁ ପ୍ଲେଅଫ୍ସ ସ୍ୱପ୍ନକୁ ସଂକଟରେ ପକାଇଛି । ଏପରିକି ସନରାଇଜର୍ସର ଆଜିର ବିଜୟ ପ୍ଲେଅଫ୍ସ ଦୌଡ଼ରେ ବର୍ତ୍ତମାନ ଦିଲ୍ଲୀ, ଆରସିବି, ପଞ୍ଜାବ, କୋଲକାତା ରାଜସ୍ଥାନ କିଏ ବି ଯାଇପାରେ ବାଟ କାଢ଼ିଛି ।