ବାପାଙ୍କ ଫେରିବା ବାଟକୁ ଚାହିଁ ବସିଛି ୪ ବର୍ଷର କୁନି ଝିଅ। ଫଟୋକୁ ଧରି ବାପା ବାପା ବୋଲି ଡାକୁଛି ଝିଅ
କନକ ବ୍ୟୁରୋ: ବାପାଙ୍କ ଫଟୋକୁ ପୋଛି ପକାଉଛି ଝିଅ । ଫଟୋରେ ବାପାଙ୍କୁ ଗେଲ କରିବା ସହ ବାପା ବାପା ବୋଲି ଡାକ ପକାଉଛି, ହେଲେ ସେ ଜାଣି ନାହିଁ ତା ବାପା ଆଉ ଆସିବେ ନାହିଁ । କି ତାକୁ କୋଳେଇ ନେଇ ଗେହ୍ଲା କରିବେ ନାହିଁ । କାରଣ କରମଣ୍ଡଳରେ ସେହି କାଳରାତିରେ ତା ବାପାଙ୍କୁ ସବୁଦିନ ପାଇଁ କୋଳେଇ ନେଇଛି ମୃତ୍ୟୁ ।
Kanak News is now on WhatsApp
Join and get latest news updates delivered to you via WhatsApp
କରମଣ୍ଡଳ ଦୁର୍ଘଟଣାରେ ପ୍ରାଣ ହରାଇଛନ୍ତି ବାଲେଶ୍ୱର ଜିଲ୍ଲା ଝଙ୍କିରିଆ ପଂଚାୟତ ସିଂଙ୍ଗିପୁରର ଭଗବାନ ପଲେଇଙ୍କ ଗୋଟିଏ ବୋଲି ପୁଅ ବିକ୍ଷିପ୍ତ ପଲେଇ । ବିକ୍ଷିପ୍ତ ବାଲେଶ୍ୱରରେ ଟାଟା ପାୱାର କମ୍ପାନୀରେ କାମ କରୁଥିଲେ । ସବୁ ଦିନ ଭଳି ଶୁକ୍ରବାର ଦିନ କାମ ସାରି କରମଣ୍ଡଳରେ ଭଦ୍ରକକୁ ଫେରୁଥିଲେ । ସନ୍ଧ୍ୟା ସାଢେ ୫ଟାରେ ସ୍ତ୍ରୀ ଶୁଭଶ୍ରୀଙ୍କୁ ଫୋନ କରିଥିଲେ । ଆଉ ସେହି କଲ୍ ହିଁ ଶେଷ ଫୋନ କଲ୍ ହୋଇଗଲା ।