ହୃତପିଣ୍ଡରୁ ବାହାରିଲା ୪ ଇଞ୍ଚର ଛୁଞ୍ଚି । ଏସସିବିରେ ଜଟିଳ ଅସ୍ତ୍ରୋପଚାର ସଫଳ । ନୂଆ ଜୀବନ ପାଇଲେ ଭୁବନେଶ୍ୱର ନିବାସୀ ଶର୍ମା ।
କନକ ବ୍ୟୁରୋ: କଟକ ବଡ଼ ମେଡିକାଲର କାର୍ଡିଓଥୋରାସିସ୍ ବିଭାଗରେ ଜଟିଳ ଅସ୍ତ୍ରୋପଚାର । ହୃତ୍ପିଣ୍ଡରୁ ବାହାର କରାଗଲା ଛୁଞ୍ଚି । ଯୁବକଙ୍କ ହୃତ୍ପିଣ୍ଡରୁ ସାଢେ ୪ ଇଂଚର ଛୁଞ୍ଚି କଢାଯାଇଛି । କାର୍ଡିଓଥୋରାସିସ୍ ବିଭାଗର ମୁଖ୍ୟ ପ୍ରଫେସର ଡାକ୍ତର ମନୋଜ ପଟ୍ଟନାୟକଙ୍କ ନେତୃତ୍ୱରେ ଏହି ଅସ୍ତ୍ରୋପଚାର କରାଯାଇଛି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଭୁବନେଶ୍ୱର ଭିଏସଏସ୍ ନଗରର ୩୧ ବର୍ଷୀୟ ନିବାସୀ ଶର୍ମା ଶୋଇଥିବା ବେଳେ ତାଙ୍କ ଛାତିରେ ଛୁଞ୍ଚି ଫୋଡି ହୋଇଯାଇଥିଲା । ଛୁଞ୍ଚିିଟି ହୃତପିଣ୍ଡର ବାମପାଶ୍ୱର୍ ପର୍ଯ୍ୟନ୍ତ ପହଂଚି ଯାଇଥିଲା । ତାଙ୍କୁ ପ୍ରଥମେ କ୍ୟାପିଟାଲ ହସ୍ପିଟାଲ ଓ ପରେ ଏମ୍ସକୁ ନିଆଯାଇଥିଲା । ହେଲେ ସେଠାରେ ଅସ୍ତ୍ରୋପଚାର ହୋଇନପାରିବାରୁ ଏସ୍ସିବିରେ ଭର୍ତି କରାଯାଇଥିଲା । ଏବେ ନିବାସୀଙ୍କ ସ୍ୱାସ୍ଥ୍ୟାବସ୍ଥା ସ୍ଥିର ରହିଛି । ପୂର୍ବରୁ ଏସିସିବିର କାର୍ଡିଓଥୋରାସିସ୍ ବିଭାଗରେ ଜଣେ ଛୋଟ ପିଲାର ଛାତିରୁ ଗଛ ଡାଳର କିଛି ଅଂଶ ଓ ଆଉ ଜଣେ ବ୍ୟକ୍ତିଙ୍କ ଛାତିରୁ ତୀର ସଫଳତାର ସହ ଅସ୍ତ୍ରୋପଚାର ଜରିଆରେ ବାହାର କରାଯାଇଥିଲା ।