କନକ ବ୍ୟୁରୋ: ଚୀନରେ କରୋନାର ପ୍ରକୋପ ଜାରିରହିଛି । ଏହି ସହରରେ କରୋନା ସଂକ୍ରମଣ ବଢିଚାଲିଛି । ଏ ସବୁ ମଧ୍ୟରେ ଚୀନର ତୃତୀୟ ସର୍ବାଧିକ ଜନସଂଖ୍ୟା ବିଶିଷ୍ଟ ପ୍ରାନ୍ତ ହେନାନରେ ୯୦ ପ୍ରତିଶତ ଲୋକେ କରୋନା ସଂକ୍ରମିତ ହୋଇଛି । ହେନାନ ସ୍ୱାସ୍ଥ୍ୟ ବିଭାଗର ଅଧିକାରୀ ଏନେଇ ସୂଚନା ଦେଇଛନ୍ତି । ଏହା ପୂର୍ବରୁ ପ୍ରଥମ ଲହର ବେଳେ ଉହାନ ପ୍ରାନ୍ତରେ କରୋନାର ଏଭଳି ସଂକ୍ରମଣ ଦେଖିବାକୁ ମିଳିଥିଲା । ସାରା ବିଶ୍ୱକୁ ଉହାନ ପ୍ରାନ୍ତରୁ କରୋନାର ସଂକ୍ରମଣ ବ୍ୟାପିଥିଲା ।
Kanak News is now on WhatsApp
Join and get latest news updates delivered to you via WhatsApp
ଅନ୍ତର୍ଜାତୀୟ ଗଣମାଧ୍ୟମର ରିପୋର୍ଟ ଅନୁସାରେ ହେନାନ ପ୍ରାନ୍ତର ସ୍ୱାସ୍ଥ୍ୟ ନିର୍ଦ୍ଦେଶକ କାନ କ୍ୱାବାନଚେଂଗ ପ୍ରେସ ମିଟ୍ କରି କହିଛନ୍ତି ଯେ ୨୦୨୩ ଜାନୁଆରୀ ୬ ସୁଦ୍ଧା କରୋନା ସଂକ୍ରମଣ ହାର ୮୯.୦ ପ୍ରତିଶତ ରହିଥିଲା । ଅର୍ଥାତ ହେନାନରେ ରହୁଥିବା ୯ କୋଟି ୯୪ ଲକ୍ଷ ଲୋକଙ୍କ ମଧ୍ୟରୁ ୮.୮୪ କୋଟି ଲୋକ କରୋନା ଦ୍ୱାରା ସଂକ୍ରମିତ ହୋଇଛନ୍ତି ।
ଚୀନରେ ଲଗାତର ହେଉଥିବା ବିରୋଧ ପରେ ଚୀନରେ ଅନେକ ସମୟ ଧରି ଲାଗୁ ହୋଇଥିବା ଜିରୋ କୋଭିଡ୍ ପଲିସିକୁ ଶେଷ କରାଯାଇଥିଲା । ଏହା ପରେ ଚୀନରେ କରୋନାର ସଂକ୍ରମଣ ବୃଦ୍ଧି ପାଇବାରେ ଲାଗିଛି । ଚୀନର ସ୍ୱାସ୍ଥ୍ୟ ବିଭାଗ ବର୍ତ୍ତମାନ ସଂକ୍ରମଣ ରୋକିବାରେ ବିଫଳ ରହିଛି । ଚୀନର ବିଭିନ୍ନ ଡାକ୍ତରଖାନାରେ ଲମ୍ବା ଲାଇନ ଦେଖିବାକୁ ମିଳିଛି । ଅନେକ ସହରରେ ଡାକ୍ତରଖାନା ଚିକିତ୍ସା ପାଇଁ ବେଡ ଉପଲବ୍ଧ ନାହିଁ । ଔଷଧ ଉପଲବ୍ଧ ନାହିଁ । ବେଜିଂ ସମେତ ଅନେକ ପ୍ରାନ୍ତରେ ଅନେକ ଭିଡିଓ ସାମ୍ନାକୁ ଆସୁଛି ଯାହା ଚିନ୍ତାର ବିଷୟ । ବିଭିନ୍ନ ଶ୍ମଶାନରେ ଲମ୍ବା ଲମ୍ବା ଲାଇନ ଦେଖିବାକୁ ମିଳିଛି । ଲୋକମାନେ ଅନ୍ତିମ ସଂସ୍କାର କରିବାକୁ ଲାଇନରେ ଛିଡା ହୋଇଛନ୍ତି । ତେବେ ଏହି ସବୁସ୍ଥିତିରେ ମଧ୍ୟ ଚୀନ ନିଜର ସୀମାକୁ ଖୋଲିଦେଇଛି । ସେହିଭଳି ଚୀନ ବିଦେଶରୁ ଆସୁଥିବା ଲୋକଙ୍କ ପାଇଁ କ୍ୱାରେଣ୍ଟିନ ନିୟମକୁ ମଧ୍ୟ ଶେଷ କରିଦେଇଛି । ଚୀନ ଉପରେ କରୋନାର ତଥ୍ୟ ଲୁଚାଇବାର ଅଭିଯୋଗ ଆସିଥିଲା । ଚୀନ ଏହା ଦାବି କରିଛି ଯେ ଡିସେମ୍ବରରେ ୧.୨ଲକ୍ଷ କରୋନା ସଂକ୍ରମିତ ହୋଇଥିଲେ । ସେହିଭଳି ୩୦ ଜଣଙ୍କର ମୃତ୍ୟୁ ହୋଇଥିଲା । ଚୀନରେ କରୋନାରେ ମୃତ୍ୟୁ ନେଇ ନିୟମରେ ପରିବର୍ତ୍ତନ କରାଯାଇଥିଲା ।