ପର୍ଯ୍ୟଟନରେ ସୃଷ୍ଟି ହେଲା ନୂଆ ଧାରା । ଭର୍ଜିନ ଗାଲାଟିକରେ ୯୦ ମିନିଟର ଯାତ୍ରା କଲେ ରିଚାର୍ଡ ବ୍ରାନସନ୍ । ଜିରୋ ଗ୍ରାଭିଟିରେ କଟାଇଲେ ସମୟ ।
କନକ ବ୍ୟୁରୋ: ଦେଶରେ ପ୍ରତିଦିନର ଆକ୍ରାନ୍ତ ଓ ମୃତ୍ୟୁ ସଂଖ୍ୟାକୁ ନେଇ ବୈଜ୍ଞାନିକ ବିପିନ ଶ୍ରୀବାସ୍ତବ ମଡେଲ ପ୍ରସ୍ତୁତ କରିଛନ୍ତି । ତେବେ ବଡ଼କଥା ହେଉଛି, ପ୍ରତିଦିନ ଯେତିକି ମୃତ୍ୟୁ ରେକର୍ଡ ହେଉଛି, ତାହା ୨୪ ଘଣ୍ଟାର ମୃତ୍ୟୁ ନୁହେଁ । ଅଡିଟ୍ ପରେ ରାଜ୍ୟ ସରକାର ଏହାକୁ ଧିରେ ଧିରେ ପ୍ରକାଶ କରୁଛନ୍ତି । ତାହା କେତେ ଗ୍ରହଣ ଯୋଗ୍ୟ ଏହାକୁ ନେଇ ପ୍ରଶ୍ନ ରହିଛି ।
Kanak News is now on WhatsApp
Join and get latest news updates delivered to you via WhatsApp
ଏପଟେ ଦେଶର ପ୍ରମୁଖ ଡାକ୍ତର ସଂଘ ଇଣ୍ଡିଆନ୍ ମେଡିକାଲ ଆସୋସିଏସନ୍ ବା ଆଇଏମଏ କହିଛି, ଦେଶରେ କରୋନାର ତୃତୀୟ ଲହର ଆସିବା ଅବସମ୍ଭାବୀ । ତେଣୁ କୌଣସି ପରିସ୍ଥିତିରେ କଟକଣା କୋହଳ ନକରିବାକୁ ସରକାରଙ୍କୁ ପରାମର୍ଶ ଦେଇଛି ଆଇଏମଏ । ଧାର୍ମିକ ଉତ୍ସବ, ତୀର୍ଥଯାତ୍ରା ଓ ପର୍ଯ୍ୟଟନକୁ ଅନୁମତି ନଦେବାକୁ ସରକାରଙ୍କୁ ଅନୁରୋଧ କରିଛି ଡାକ୍ତର ସଂଘ ।
ମହାକାଶ ପର୍ଯ୍ୟଟନରେ ରିଚାର୍ଡ ବ୍ରାନସନ୍ ନୂଆ ଧାରା ସୃଷ୍ଟି କରିଛନ୍ତି । ଜୁଲାଇ ୧୧ ତାରିଖର ତାଙ୍କର ଯାତ୍ରା ସବୁ ଦିନ ଇତିହାସରେ ଲେଖା ହୋଇ ରହିବ । ରିଚାର୍ଡ ବ୍ରାନସନଙ୍କ ଟିମର ପ୍ରତ୍ୟେକ ସଦସ୍ୟ ଜିରୋ ଗ୍ରାଭିଟିରେ ୩ରୁ ୪ ମିନିଟ୍ ସମୟ କଟାଇ , ନିଆରା ଅନୁଭବ ନେଇ ମହାକାଶରୁ ସୁରକ୍ଷିତ ଫେରି ଆସିଛନ୍ତି ।
ଯାହା କାଲି ଯାଏଁ ଅସମ୍ଭବ ଲାଗୁଥିଲା, ଏବେ ତାହାକୁ ପୂରଣ କରି ଦେଖାଇଛନ୍ତି ବ୍ରିଟିଶ ବିଲିଓନୟାର ରିଚାର୍ଡ ବ୍ରାନସନଙ୍କ ଭର୍ଜିନ୍ ଗାଲାଟିକର ୟୁନିଟ୍ ୨୨ ଟିମ୍ । ତେବେ ପୂର୍ବରୁ ନିର୍ଦ୍ଧାରିତ ସଂଧ୍ୟା ୬ଟା ସମୟରେ ଭର୍ଜିନ୍ ଗାଲାଟିକର ଉଡାଣ ଭରିବାର ଥିଲା । ପାଗ ଖରାପ ଥିବାରୁ ଏହାର ସମୟକୁ ଟାଳି ଦିଆଯାଇଥିଲା । ଏହାପରେ ଜୁଲାଇ ୧୧ ତାରିଖ ରାତି ପ୍ରାୟ ୯ଟା ୪୦ ମିନିଟରେ ରିଚାର୍ଡ ବ୍ରାନସନ ତାଙ୍କର ୫ ସାଥୀଙ୍କୁ ନେଇ ମହାକାଶ ପର୍ଯ୍ୟଟନରେ ବାହାରି ଯାଇଥିଲେ ।
– ପ୍ରାୟ ୫୦ ମାଇଲ ଉଚ୍ଚରେ ଭର୍ଜିନ ଗାଲାଟିକରୁ ଅଲଗା ହୋଇଥିଲା ରକେଟ
– ନ୍ୟୁ ମେକ୍ସିକୋ ଭୂପୃଷ୍ଠରୁ ପ୍ରାୟ ୮୫ କିମି ଉଚ୍ଚରେ ପହଁଚିଥିଲା ଭର୍ଜିନ ଗାଲାଟିକ
– ମହାଶୂନ୍ୟରେ ଜିରୋ ଗ୍ରାଭିଟିରେ ପ୍ରତ୍ୟକ ସଦସ୍ୟ କଟାଇଥିଲେ ପ୍ରାୟ ୩ ରୁ ୪ ମିନିଟ
– ଉଡାଣର ୯୦ ମିନିଟ ଭିତରେ ଭର୍ଜିନ୍ ଗାଲାଟିକ୍ ସ୍ପେଶ୍ ଷ୍ଟେସନରେ ଲ୍ୟାଣ୍ଡିଂ କରିଥିଲା
୯୦ ମିନିଟ୍ ଧରି ମହାକାଶକୁ ଯାତ୍ରା । ଭର୍ଜିନ୍ ଗାଲାଟିକରେ ଥାଇ ମହାଶୂନ୍ୟରେ ଜିରୋ ଗ୍ରାଭିଟିର ମଜା ନେବା , ରିଚାର୍ଡ ବ୍ରାନସନଙ୍କ ପ୍ରାୟ ୫୦ ବର୍ଷର ସ୍ୱପ୍ନ ପୁରା କରିଦେଇଛି । ଗତ ୧୭ ବର୍ଷ ଧରି ଭର୍ଜିନ୍ ଗାଲାଟିକ୍ ଏହି ଅଭିଯାନ ପାଇଁ କାମ କରିଆସୁଥିଲା । ଏହାକୁ ସଫଳ କରି ମହାକାଶ ପର୍ଯ୍ୟଟନରେ ନୂଆ ଧାରା ସୃଷ୍ଟି କରିଛନ୍ତି ରିଚାର୍ଡ ବ୍ରାନସନ । ଆଗକୁ ବ୍ରାନସନଙ୍କ ଏହି ଯାତ୍ରା ଅନ୍ୟମାନଙ୍କ ମହାକାଶ ପର୍ଯ୍ୟଟନ ପାଇଁ ପ୍ରେରଣା ବନିବ । ବ୍ରାନସନଙ୍କ ଏପରି ସଫଳ ମହାକାଶ ପର୍ଯ୍ୟଟନ ପରେ ଏଲନ ମସ୍କ ମଧ୍ୟ ଟୁଇଟ୍ କରି ଶୁଭେଛା ଜଣାଇଛନ୍ତି । ସେହିପରି ଆମାଜନ୍ ମୁଖ୍ୟ ଜେଫ୍ ବେଜୋସ୍ ମଧ୍ୟ ଶୁଭେଛା ଜଣାଇଛନ୍ତି ।